Mumbai: मुंबईच्या मुलुंड परिसरात भरधाव दुचाकीनं महिला पोलिसाला उडवलं!

Mumbai Mulund Bike Accident: मुंबईच्या मुलुंड परिसरात मंगळवारी मध्यरात्री एका भरधाव दुचाकीने महिला पोलीस अधिकाऱ्याला जोरदार धडक दिली. या घटनेत महिला पोलिसाच्या नाकाला आणि तोंडाला जबर मार लागल्याचे सांगितले जात आहे. याप्रकरणी दुचाकीस्वाराला अटक करण्यात आली असून पोलिसांनी पुढील चौकशीला सुरुवात केली.

अरविंद यादव असे अटक करण्यात आलेल्या दुचाकी चालकाचे नाव आहे. तर, पूजा धाकतोडे असे जखमी झालेल्या महिला पोलीस उपनिरीक्षकाचे नाव आहे. पूजा धाकतोडे मुलुंड पोलीस ठाण्यात कार्यरत आहेत. मिळालेल्या माहितीनुसार, महिला पोलीस अधिकारी मंगळवारी रात्री काही सहकाऱ्यांसह परिसरात गस्त घालण्यासाठी निघाल्या होत्या. मात्र, रस्ता ओलांडताना भरधाव दुचाकीने त्यांना जोरधार धडक दिली. या दुचाकीवर तिघेजण होते.

या धडकेत महिला पोलिसांच्या नाकाला आणि तोंडाला जबर मार लागला. मुलुंड पोलीस ठाण्यातील इतर कर्मचाऱ्यांनी महिला अधिकाऱ्याला एका खासगी रुग्णालयात दाखल केले. त्यांच्यावर सध्या अतिदक्षता विभागात उपचार सुरू आहेत. याप्रकरणी पोलिसांनी पुढील तपासाला सुरुवात केली आहे.

Pune Crime : कुरियरमध्ये ड्रग्ज असल्याचे सांगत वाकड येथील संगणक अभियंत्याला २६ लाखांचा गंडा

करमाळा: कंटेनर आणि जीपच्या अपघातात ४ ठार

कर्नाटकातील गुलबर्गा येथील भाविक सालसेकडून तवेरा गाडीने शिर्डी येथील साई बाबांच्या दर्शनासाठी जाणाऱ्या भविकांवर काळाने घाला घातला. करमाळा येथे फिसरे रस्त्यावर कंटेनर आणि तवेराची समोरासमोर धडक झाली. या भीषण अपघातात चार जण जागीच ठार झाले. चार जण जखमी झाले. हा अपघात आज सकाळी पहाटेच्या सुमारास झाला. श्रीशैल चंदेशा कुंभार (वय, ५६), शशिकला श्रीशैल कुंभार (वय, ५०), ज्योती दिपक हुवशालमठ (वय, ३८) आणि शारदा दिपक हिरेमठ (वय, ७०) अशी मृतांची नावे आहेत.