MPSC Result : महाराष्ट्र लोकसेवा आयोगाचा अंतिम निकाल जाहीर, सांगलीचा प्रमोद चौगुले सलग दुसऱ्यांदा राज्यात प्रथम
Jun 15, 2023, 10:57 PM IST
Mpsc main exam result declared : महाराष्ट्र लोकसेवा आयोगाकडून राज्य सेवा (मुख्य) परीक्षा २०२१ चा अंतिम निकाल जाहीर करण्यात आला असून यात सांगलीचा प्रमोद चौगुले राज्यात पहिला आला आहे. बीडची सोनाली म्हात्रे मुलींमध्ये पहिली आली आहे.
Mpsc main exam result declared : महाराष्ट्र लोकसेवा आयोगाकडून राज्य सेवा (मुख्य) परीक्षा २०२१ चा अंतिम निकाल जाहीर करण्यात आला असून यात सांगलीचा प्रमोद चौगुले राज्यात पहिला आला आहे. बीडची सोनाली म्हात्रे मुलींमध्ये पहिली आली आहे.
Mpsc main exam result declared : महाराष्ट्र लोकसेवा आयोगाकडून राज्य सेवा (मुख्य) परीक्षा २०२१ चा अंतिम निकाल जाहीर करण्यात आला असून यात सांगलीचा प्रमोद चौगुले राज्यात पहिला आला आहे. बीडची सोनाली म्हात्रे मुलींमध्ये पहिली आली आहे.
महाराष्ट्र लोकसेवा आयोगातर्फे ७ ते ९ मे २०२२ रोजी घेण्यात आलेल्या राज्य सेवा (मुख्य) परीक्षा – २०२१ चा अंतिम निकाल आज (१५ जून) जाहीर करण्यात आला आहे. आयोगाच्या संकेतस्थळावर हा निकाल प्रसिद्ध करण्यात आला आहे. त्यानुसार एकूण ४०५ पदांकरीता आयोगाकडून उमेदवारांची शिफारस करण्यात आली आहे.
लोकसेवा आयोगाच्या या परीक्षेमध्ये प्रमोद बाळासाहेब चौगुले हे राज्यातून सर्वसाधारण उमेदवारांमधून, सोनाली अर्जुनराव म्हात्रे या महिलांमधून तसेच विशाल महादेव यादव हे मागासवर्ग प्रवर्गातील उमेदवारांमधून राज्यात प्रथम आले आहेत.
निकालाच्या आधारे शिफारस पात्र न ठरलेल्या उमेदवारांना उत्तरपुस्तिका, उत्तरपत्रिकेतील गुणांची पडताळणी करावयची असल्यास गुणपत्रके त्यांच्या प्रोफाईलमध्ये उपलब्ध झाल्याच्या दिनांका पासून १० दिवसांत आयोगाकडे ऑनलाईन पद्धतीने विहित पध्दतीने अर्ज करणे आवश्यक आहे. यासंदर्भात आयोगाच्या संकेतस्थळावरील उमेदवारांना सर्वसाधारण सूचनां दिल्या असल्याची माहितीआयोगाने दिली आहे.
या वर्षी २८ फेब्रुवारी रोजी या परीक्षेची गुणवत्ता यादी जाहीर झाली होती आणि त्यानंतर आता याच मुख्य परीक्षेचा अंतिम निकाल एमपीएससीकडून संकेतस्थळावर जाहीर करण्यात आला आहे.
प्रमोद चौगुले सलग दुसऱ्यांना राज्यातअव्वल -
सांगलीचा प्रमोद चौगुले सलग दुसऱ्यांदा राज्यात पहिला आला आहे. दुसऱ्या क्रमांकावर कोल्हापूरच्या शुभम पाटीलने बाजी मारली आहे. मुलींमध्ये बीडच्या सोनाली म्हात्रे हिने पहिला क्रमांक पटकवला असून एकूणात ती राज्यात तिसरी आली आहे. प्रमोद चौगुले हा सध्या उद्योग आणि उपसंचालक या पदावर नाशिक येथे कार्यरत आहे. गेल्या वर्षीही तो राज्यात पाहिला आला होता. त्याचे वडील टेम्पो चालवतात तर आई शिवणकाम करून घरखर्चाला हातभार लावते.
विभाग