MPSC Recruitment Update: एमपीएससीकडून पुन्हा मेगाभरती; राज्य सेवेच्या ६७३ पदांसाठी होणार परीक्षा, २२ मार्च पर्यंत करा अर्ज
Feb 26, 2023, 11:48 AM IST
- MPSC Recruitment Update : राज्य शासनाने एमपीएससी मार्फत मेगा भरती जाहीर केली आहे. विविध विभागातील तब्बल ६७३ पदांची भरती प्रक्रिया राबवली जाणार असून या बाबतची नोटिस राज्य लोकसेवा आयोगाच्या संकेत स्थळावर प्रसिद्ध करण्यात आली आहे.
MPSC Recruitment Update : राज्य शासनाने एमपीएससी मार्फत मेगा भरती जाहीर केली आहे. विविध विभागातील तब्बल ६७३ पदांची भरती प्रक्रिया राबवली जाणार असून या बाबतची नोटिस राज्य लोकसेवा आयोगाच्या संकेत स्थळावर प्रसिद्ध करण्यात आली आहे.
- MPSC Recruitment Update : राज्य शासनाने एमपीएससी मार्फत मेगा भरती जाहीर केली आहे. विविध विभागातील तब्बल ६७३ पदांची भरती प्रक्रिया राबवली जाणार असून या बाबतची नोटिस राज्य लोकसेवा आयोगाच्या संकेत स्थळावर प्रसिद्ध करण्यात आली आहे.
पुणे : राज्य शासनाच्या पाच विभागाची भरती प्रक्रिया राज्य लोकसेवा आयोगातर्फे लवकरच राबविण्यात येत आहे. महाराष्ट्र राजपत्रित नागरी सेवा संयुक्त परीक्षा असून या द्वारे तब्बल पाच विभागातील ६७३ पदांची भरती केली जाणार आहे. या भरतीची पूर्व परीक्षा ४ जून रोजी राज्यातील ३७ जिल्हा केंद्रांवर होणार आहे. या संदर्भात राज्य लोकसेवा आयोगाने नोटिस काढली असून ट्विटरवर देखील माहिती दिली आहे.
सामान्य प्रशासन विभाग, पाणी पुरवठा आणि स्वच्छता, सार्वजनिक बांधकाम विभाग, अन्न आणि नागरी पुरवठा, वैद्यकीय शिक्षण आणि औषधी द्रव्ये या विभागासाठी ही भरती प्रक्रिया राबविली जाणार आहे. या परीक्षेसाठी २२ मार्च पर्यंत उमेदवारांना अर्ज करता येणार आहे. दरम्यान, पूर्व परीक्षेतील निकालात मेरिटच्या आधारे पात्र ठरणाऱ्या उमेदवारांची मुख्य परीक्षा स्वतंत्रपणे घेतली जाणार आहे. ही परीक्षा ७ ते ९ ऑक्टोबर, स्थापत्य अभियांत्रिकी सेवा गट अ आणि गट ब मुख्य परीक्षा १४ ऑक्टोबर, विद्युत अभियांत्रिकी सेवा गट ब मुख्य परीक्षा १४ ऑक्टोबर, निरीक्षक वैधमापनशास्त्र गट ब मुख्य परीक्षा २१ ऑक्टोबर, अन्न आणि औषध प्रशासकीय सेवा गट ब मुख्य परीक्षा २८ ऑक्टोबरला होणार असल्याचे आयोगाने दिलेल्या प्रसिद्धी पत्रकात म्हटले आहे. सामान्य प्रशासन विभागामध्ये २९५ पदे, पाणी पुरवठा व स्वच्छता, जलसंपदा, मृदा व जलसंधारण विभागात १३० पदे, सार्वजनिक बांधकाम विभागात १५ पदे, अन्न व नागरी विभागात ३९ पदे, वैद्यकीय शिक्षण व औषधी द्रव्ये विभागात १९४ पदांकरिता ही परीक्षा घेतली जाणार आहे.
विभाग