Mumbai Fire : मुंबईत ओशिवरा फर्निचर मार्केटजवळ भीषण आग; अग्निशमन दलाच्या १० गाड्या घटनास्थळी

Mumbai Oshiwara furniture market Fire News : ओशिवराफर्निचर मार्केटजवळील जोगेश्वरी येथे सोमवारी सकाळी भीषण आग लागली. आगीचे लोळ दूरपर्यन्त दिसत असल्याने आगीची दाहकता दिसून येत होती. या घटनेमुळे परिसरात खळबळ उडाली आहे. यंग नेमकी कशी लागली ही समजू शकले नाही. आगीची माहिती मिळताच अग्निशमन दलाच्या १० गाड्या घटनास्थळी दाखल झाल्या आहेत. आग विझवण्याचे शर्थीचे प्रयत्न सुरू आहेत. सुदैवाने या घटनेत अद्याप कोणीही जखमी झाले नसल्याचे महानगर पालिकेच्या अधिकाऱ्यांनी सांगितले.

मुंबई महानगर पालिकेच्या अधिकाऱ्यांनी दिलेल्या माहितीनुसार ही आग आज सकाळी ११ वाजता लागली. ओशिवराफर्निचर मार्केटजवळील जोगेश्वरी येथे असेलल्या घास कंपाऊंड, रिलीफ रोड येथील फर्निचरच्या गोदामाला आग लागली.

Eknath Shinde : मोठी बातमी! कांद्याला प्रतिक्विंटल ३०० रुपये अनुदान देण्याची मुख्यमंत्र्यांची घोषणा

ही आग आग सिलिंडरच्या स्फोटामुळे लागली असल्याचा दावा काही स्थानिक नागरिकांनी केला असून या बाबतची पुष्टी होऊ शकली नाही. या आगीचे फोटो आणि व्हिडिओ मोठ्या प्रमाणात व्हायरल झाले आहेत. ग्रँडमास्टर शिफुजी, कमांडो ट्रेनर आणि अभिनेते यांनी ट्विटरवर या आगीचे व्हिडिओ शेअर करत मुंबई पोलिसांच्या अधिकृत ट्विटर हँडल आणि महाराष्ट्राचे मुख्यमंत्री आणि उपमुख्यमंत्र्यांच्या कार्यालयांना देखील टॅग करत या आगीवर तातडीने नियंत्रण मिळवण्यासाठी उपाय योजना करण्याचे आवाहन केले.

दरम्यान, आगीची माहिती मिळताच अग्निशमन दलाच्या १० गाड्या घटनास्थळी दाखल झाल्या आहेत. आग विझवण्याचे शर्थीचे प्रयत्न सुरू आहेत.