Ambadas Danve : राष्ट्रवादीतील बंडामागे १०० खोके; विधान परिषदेतील विरोधी पक्षनेत्याचा दावा
Jul 05, 2023, 05:50 PM IST
Ambadas Danve made allegations on NCP Rebels : राष्ट्रवादी काँग्रेसच्या फुटीर आमदारांना १०० कोटींची ऑफर देण्यात आल्याचा खळबळजनक दावा विधान परिषदेचे विरोधी पक्षनेते अंबादास दानवे यांनी केला आहे.
Ambadas Danve made allegations on NCP Rebels : राष्ट्रवादी काँग्रेसच्या फुटीर आमदारांना १०० कोटींची ऑफर देण्यात आल्याचा खळबळजनक दावा विधान परिषदेचे विरोधी पक्षनेते अंबादास दानवे यांनी केला आहे.
Ambadas Danve made allegations on NCP Rebels : राष्ट्रवादी काँग्रेसच्या फुटीर आमदारांना १०० कोटींची ऑफर देण्यात आल्याचा खळबळजनक दावा विधान परिषदेचे विरोधी पक्षनेते अंबादास दानवे यांनी केला आहे.
Ambadas Danve on NCP Politics : राष्ट्रवादी काँग्रेसचे अध्यक्ष शरद पवार यांच्या नेतृत्वाविरोधात बंड करून अजित पवार यांच्या नेतृत्वाखालील गट शिंदे-फडणवीस सरकारमध्ये सहभागी झाल्यानंतर राज्यात राजकीय आरोप-प्रत्यारोपांच्या फैरी झडत आहेत. ठाकरेंच्या शिवसेनेचे नेते व विधान परिषदेतील विरोधी पक्षनेते अंबादास दानवे यांनी राष्ट्रवादीच्या फुटीर आमदारांवर खळबळजनक आरोप केला आहे.
राज्यातील सध्या घडामोडींवर दानवे यांनी एक ट्वीट केलं आहे. 'राष्ट्रवादीच्या आमदारांना सरकारच्या गटात खेचण्यासाठी प्रत्येकी १०० कोटी रुपये दिले जाणार असल्याचा दावा दानवे यांनी केला आहे. हे पैसे निधीच्या रुपात दोन वर्षांत दिले जाणार आहेत, असंही त्यांनी म्हटलं आहे.
'१०० (पन्नास यंदा, पन्नास पुढील वर्षी) कोटींच्या निधी देण्याची डील सुरू असल्याची बातमी कानी पडली आहे, असं दानवे यांनी ट्वीटमध्ये म्हटलं आहे. ‘आर्थिक देवाण-घेवाणीबरोबरच कुठे विनवणी तर कुठे दमदाटी आहेच! पडद्यामागील कलाकार याबद्दल बोलतील का?,’ असा सवालही दानवे यांनी केला आहे.
वर्षभरापूर्वी एकनाथ शिंदे यांच्या नेतृत्वाखाली शिवसेनेत फूट पडली तेव्हा फुटीर आमदारांना प्रत्येकी ५० कोटी रुपये देण्यात आल्याचा आरोप झाला होता. त्यावरून ‘५० खोके, एकदम ओके’ ही घोषणा महाराष्ट्रासह देशातही गाजली होती. सोशल मीडियात आणि लोकांच्या तोंडावरही ही घोषणा होती. या घोषणेमुळं शिंदे गटातील आमदारही त्रस्त झाले होते. आता दानवे यांनी १०० कोटींचा आरोप केल्यामुळं राष्ट्रवादीच्या फुटीर आमदारांचीही अडचण होण्याची शक्यता आहे.
विभाग