Pune Crime : नराधम बापच निघाला गुन्हेगार; सात वर्षांच्या बालिकेला फेकले नदीत

पुणे : पुण्यात शिरूर तालुक्यातील शिक्रापूर येथील बजरंगवाडी येथे एका बापाने त्यांची सात वर्षांची मुलगी ही बेपत्ता झाली होती. या बाबत पोलिसांत तक्रार दिली होती. पोलिस या प्रकरणाचा तपास करत असताना धक्कादायक माहितीपुढे आली आहे. मुलीच्या वडिलांनीच खून केल्याची खळबळजनक माहिती समोर आली आहे.

बजरंगवाडी येथून अपेक्षा युवराज सोळुंके (वय ७) ही बालिका मंगळवारी रात्री बेपत्ता झाली होती. मुलीच्या वाडिलांनी या प्रकरणी पोलिसांत तक्रार दिली होती. त्यानंतर त्यांनी शिक्रापूर पोलिसांत तक्रार दिली. पोलिसांनी अपहरणाचा गुन्हा दाखल केला आहे. पोलिसांनी पथकची स्थापना करून शोध घेण्यास सुरुवात केली. मात्र, ती सापडली नाही. त्यानंतर या घटनेचा तपास करत असताना अनेक ठिकाणी सीसीटिव्ही तपासले असता मुलीच्या वडिलांनी मुलीला नदीच्या कडेला नेल्याची माहिती समोर आली. त्यानंतर पोलिसांनी मुलीच्या वडिलांना ताब्यात घेत कसून चौकशी केली. यात त्यांनीच मुलीला ठार मारल्याची कबुली दिली.

मुलीला वेळ नदीच्या पाण्यात फेकून दिल्याची कबुली दिली. पोलिसांनी वेळ नदीपात्रात धाव घेत पाहणी केले असता मुलीच्या चपला मिळून आल्या. मुलीच्या मृतदेहाचा शोध घेण्याचे काम सुरू आहे. मुलीचे वडील युवराज सोळुंके यास ताब्यात घेण्यात आले आहे. पोलीस निरीक्षक हेमंत शेडगे यांच्या मार्गदर्शनाखाली शिक्रापूर पोलीस करत आहे.