Gunaratna Sadavarte : गुणरत्न सदावर्तेंच्या ठाण्यातील कार्यालयात दरोडा; TV, एसीसह लाखोंचा माल लंपास

ठाणे : अॅडव्होकेट गुणरत्न सदावर्ते यांच्या ठाण्यातील वागळे इस्टेटमधील कार्यालयात चोरट्यांनी दरोडा टाकत कार्यालयातील सीसीटीव्हीचे वायर कापून एसी आणि टीव्हीसह साडेचार लाखांचा ऐवज लंपास केला. दरोडेखोरांनी कार्यालयाच्या खिडक्यांचे गज कापले. तसेच त्यातून आत शिरले. ही घटना रविवारी रात्री घडली. दारमहान, ही चोरी डायमंड गँगने केल्याचा आरोप सदावर्ते यांनी केला आहे.

Khalistani : मोठी बातमी ! ब्रिटनमधील भारतीय उच्चायुक्तालयावर खलिस्तान्यांचा हल्ला, तिरंग्याचाही केला अपमान

पोलिसांनी दिलेल्या माहितीनुसार वागळे इस्टेट येथील इमारतीत, गुणरत्न सदावर्ते यांचे कार्यालय आहे. हे कार्यालय बंद होते. रविवारी रात्री, चोरट्यांनी या कार्यालयाचे गज कापले आणि येथील सरकत्या खिडक्या तोडून कार्यालयात प्रवेश केला. यानंतर कार्यालयातील सीसीटीव्हीची वायर तोडत त्यांनी कार्यालयातील एलईडी टीव्ही, एअर कंडिशनर, वॉशिंग मशीन आदींसह इतर वस्तू असा अंदाजे साडेचार लाख रुपयांचा ऐवज लंपास केला.

ही चोरी डायमंड गँग नावाच्या एका टोळीने केल्याचे अॅड. गुणरत्न सदावर्ते यांचे म्हणणे असून ही टोळी कोविड काळनंतर बंद पडलेल्या कार्यालयांना लक्ष्य करते आणि त्यातील माल चोरुन भंगारमध्ये विकते. या प्रकरणी पोलिसांनी तपास सुरु केला असून ही चोरी डायमंड गँगने केली असल्याच्या आरोपात तथ्य नसल्याचे त्यांनी म्हटले आहे.