Pankaja Munde : कोणताही समाज वेदना सहन करणार नाही; दसरा मेळाव्यातून पंकजा मुंडेंचा निशाणा कुणावर?

pankaja munde dasara meleva savargaon : जालन्यातील मराठा आंदोलकांवर झालेल्या मारहाणीनंतर राज्यात मराठा आरक्षणाचा प्रश्न पुन्हा एकदा ऐरणीवर आला आहे. परिणामी सत्ताधारी शिंदे-फडणवीस सरकारच्या अडचणी वाढल्या आहे. त्यातच आता बीड जिल्ह्यातील सावरगावातल्या दसरा मेळाव्यातून पंकजा मुंडे यांनी मराठा आरक्षणावर रोकठोक भूमिका मांडली आहे. सातत्याने अपेक्षाभंग होत असल्याने कोणताही समाज वेदना सहन करू शकणार नाही, असं म्हणत भाजपा नेत्या पंकजा मुंडे यांनी मराठा आरक्षणावर प्रतिक्रिया दिली आहे. त्यामुळं आता दसरा मेळाव्यातून पंकजा मुंडे यांनी शिंदे-फडणवीस सरकारचा उल्लेख न करता जोरदार टोलेबाजी केली आहे.

सावरगावातील दसरा मेळाव्यात बोलताना भाजपा नेत्या पंकजा मुंडे म्हणाल्या की, आज महाराष्ट्रात अनेक प्रश्न गंभीर झालेले आहे. शेतकरी, कष्टकरी, शेतमजूर आणि उस तोड कामगारांना न्याय मिळत नाही. अशातच आता मराठा आरक्षणाचा प्रश्न अत्यंत गंभीर झाला आहे. अपेक्षाभंग झाला की कोणताही समाज फार काळ वेदना सहन करू शकत नाही, असं म्हणत पंकजा मुंडे यांनी मराठा आरक्षणाला अप्रत्यक्ष पाठिंबा दिला आहे. याशिवाय राज्यातील ओबीसी समाज देखील सरकारकडे आशेने पाहत असल्याचं सांगत शिंदे-फडणवीस सरकारला सूचक इशारा दिला आहे.

Nilesh Rane Retirement : निलेश राणेंचा राजकारणाला ‘जय महाराष्ट्र’; निवृत्तीची घोषणा करत सांगितलं कारण

पंकजा मुंडेंची भाषणातून शेरोशायरी-

दसरा मेळाव्यात भाषण सुरू केल्यानंतर पंकजा मुंडे यांनी हिंदीतून जोरदार शेरोशायरी केल्याचं पाहायला मिळालं. 'न जाने मुझे कैसे परखता है मेरा उपरवाला.. इम्तेहान सख्त लेता है मगर हारने नहीं देता है', असं म्हणत पंकजा मुंडे यांनी भाजपमधून सातत्याने डावललं जात असल्याच्या मुद्द्यावर टिप्पणी केली आहे. निवडणूक हरलेली असली तरी लोकांच्या नजरेतून मी पडलेली नाही. दसरा मेळाव्याला कोणत्याही एका जातीचे लोक आलेले नाहीत. शेतकरी, कष्टकरी, शेतमजूर आणि उसतोड करणारे लोक आज सुखात नाहीत. त्यामुळं त्यांना न्याय मिळेपर्यंत शांत बसणार नसल्याचं सांगत पंकजा मुंडे यांनी आंदोलनाचा इशारा दिला आहे.

Mohan Bhagwat: अनेक वर्षे शांत असलेल्या मणिपूरमध्ये हिंसाचार कुणी सुरू केला; सरसंघचालक मोहन भागवत यांचा सवाल