Beed Accident : माजलगावात कार व मोटारसायकलची भीषण धडक, एकाच गावातील तीन तरुण ठार

बीड जिल्ह्यातील माजलगाव – तेलगाव मार्गावर बुधवारी संध्याकाळी स्विप्ट कार आणि दुचाकीचा  भीषण अपघात झाला. या अपघातात एकाच गावातील तीन तरुणांचा मृत्यू झाला आहे. तीन तरुण  कापूस जिनिंगवर काम करत होते.  लक्ष्मण सुभाष कापसे (वय ३२), नितीन भाऊसाहेब हुलगे (वय ३०) आणि आण्णासाहेब बळीराम खटके अशी मृतांची नावे असून तिघेही लहामेवाडी गावातील तरुण होते.

माजलगाव - तेलगाव रोडवरील शिंदेवाडी फाट्याजवळ हा अपघात झाला. यामध्ये लहामेवाडी येथील तीन तरुणांचा मृत्यू झाला आहे. दोन तरुणांचा जागीच मृत्यू झाला तर एक जण उपचारादरम्यान मृत पावला. बुधवारी रात्री साडेआठ वाजताच्या दरम्यान, हा भीषण अपघात झाला. 

Adani FPO: अदानी ग्रुपचा मोठा निर्णय.. २० हजार कोटींचा FPO रद्द, गुंतवणुकदारांना पैसे करणार परत

मृत तरुण तेलगाव येथील कापूस जिनिंगमध्ये काम करत होते. ते दररोज दुचाकीने कामाला ये जा करत होते. आज रात्री कामावरून परत असताना त्यांच्या दुचाकीला विरुद्ध दिशेने येणाऱ्या स्विफ्ट कारने धडक दिली. ही धडक इतकी भीषण होती की, दुचाकीवरील दोन  तरुणांचा जागीच मृत्यू झाला तर एकाने माजलगाव ग्रामीण रुग्णालयात उपचारादरम्यान दम तोडला. 

एकाच गावातील तीन तरुणांचा अपघात मृत्यू झाल्यामुळे माजलगाव तालुक्यासह परिसरात हळहळ व्यक्त होत आहे.