Pune Ganesh Festival: कोण आला रे कोण आला पुण्याचा सिंघम आला; कोयता गॅंगच्या बिमोडाच्या देखाव्याने वेधले पुणेकरांचे लक्ष

पुणे : पुण्यात अल्पवयीन मुले, तरुणांनी कोयता घेऊन धमकावणे, हल्ले करणे अशा अनेक घटना गेल्या काही महिन्यांत घडल्या. या गॅंगची मोठी दहशत पुणेकरांमध्ये आहे. रोज या घटना घडत असल्याने यावर कारवाई व्हावी आणि पुण्याला भयमुक्त बनवावे अशी मागणी नागरिक करत होते. यावर पुणे पोलिसांनी मोठी मोहीम राबवून अनेक गॅंगचा सफाय केला. तर अनेकांची धिंड थेट शहरातून काढली. यामुळे या घटनांचे प्रमाण कमी झाले असल्याने पोलिसांचे आभार मननारा एक आकर्षक देखावा वैभव तरुण मंडळाने साकारला होता. या देखाव्याने सर्वांचे लक्ष वेधले.

Manipur Violence : मणीपुर येथे आंदोलकांचा थेट मुख्यमंत्री बिरेन सिंह यांच्या घरावर हल्ला; सुरक्षा रक्षकांचा गोळीबार

गेल्या काही महिन्यांत पुण्यात कोयता गँगची मोठी चर्चा आहे. अनेक कोयता गँगवर पोलिसांनी कारवाईही केली आहे. याच कोयता गँगचे प्रतिबिंब गणेश विसर्जन मिरवणुकीतही दिसले. वैभव मित्र मंडळाने कोयता गँग बाबत जनजागृतीपर देखावा साकारत पुणे पोलिसांचे कौतुक केले. या देखाव्याने मिरवणुकीत सर्वांचे लक्ष वेधले.

Ganesh Visarjan 2023: पुण्याच्या मानाच्या गणपतीचा शाही थाट! गणपतींचे ढोल ताशांच्या निनादात उत्साहात विसर्जन

हातात कोयता घेऊन दहशत निर्माण करणाऱ्या कोयता गँगची राज्यभरात चर्चा झाली. पुण्यात अल्पवयीन मुले, तरुणांनी कोयता घेऊन धमकावणे, हल्ले करत होते. गेल्या काही महिन्यांत अशा खूप घटना घडल्या. शहरातील विविध भागातील कोयता गँगच्या टोळक्याच्या दहशतीने नागरिक बेजार झाले होते.

ही दहशत मोडून काढण्यासाठी पोलिसांकडून कडक कारवाई करण्यात आली. काही टोळ्यांवर मोक्का तर काहींना थेट शहराबाहेर हद्दपार करण्यात आले. या पार्श्वभूमीवर कोयता गँगबाबत जनजागृती करण्यासाठी वैभव मित्र मंडळाने थेट देखावा सादर करत पुणे पोलिसांचे कौतुक केले. यात झोन १ चे डीसीपी संदीप गिल यांचे व्यंगचित्र लावून त्यांनी केलेल्या कारवायांचे कौतुक करण्यात आले. एका कोयत्यामुळे आयुष्य बरबाद करू नका, असे संदेश या देखाव्यावर लिहिण्यात आले आहेत.