Pune crime: लग्नाच्या आमिषाने अल्पवयीन मुलीवर बलात्कार; मुलीचा आत्महत्येचा प्रयत्न

पुणे : पुण्यात एक धक्कादायक घटना उघडकीस आली आहे. एका अल्पवयीन मुलीला लग्नाच्या आमिष दाखवत तिच्यावर वारंवार बलात्कार केल्याची घटना उघडकीस आली आहे. मात्र, या मुलाने लग्नास नकार दिल्याने तिने आत्महत्या केल्याचा प्रकार उघडकीस आला आहे. या प्रकरणी एका तरुणाच्या विरोधात गुन्हा दाखल करण्यात आला आहे.

गणेश मोरे (वय २१, रा. गुलटेकडी ) असे गुन्हा दाखल केलेल्या आरोपीचे नाव आहे. त्याच्या विरोधात बाल अत्याचार प्रतिबंध कायदा (पोक्सो) तसेच बलात्कार केल्या प्रकरणी गुन्हा दाखल करण्यात आला आहे. याबाबत अल्पवयीन मुलीच्या आईने सहकारनगर पोलीस ठाण्यात फिर्याद दिली आहे. मोरे याने अल्पवयीन मुलीला जाळ्यात ओढून तिला विवाहाचे आमिष दाखविले होते.

पोलिसांनी दिलेल्या माहितीनुसार गणेश मोर आणि अल्पवयीन मुलीचे प्रेमसंबंध होते. त्याने तिला लग्नाचे आमिष दाखवत तिला तळजाई, खेड शिवापूर परिसरात नेले. त्या ठिकाणी तिच्यावर अत्याचार केले. त्यानंतर अल्पवयीन मुलीने विवाहाबाबत विचारणा केली. तेव्हा त्याने विवाहास नकार दिला. यामुळे तिने अंगावर रॅाकेल ओतून पेटवून घेतले.तिला रुग्णालयात भरती केले आहे. त्यानंतर तिच्या आईने पोलिसात धाव घेत या प्रकरणी गुन्हा दाखल केला आहे. पुढील तपास पोलीस उपनिरीक्षक वालकोळी तपास करत आहेत.