Blurr Teaser: सस्पेन्स अन् थ्रिलरचा डबल डोस; तापसी पन्नूच्या ‘ब्लर’चा टीझर प्रेक्षकांच्या भेटीला

Blurr Teaser: अभिनेत्री तापसी पन्नू हिच्या ‘ब्लर’ या आगामी चित्रपटाचा टीझर नुकताच प्रेक्षकांच्या भेटीला आला आहे. या चित्रपटात तापसी पुन्हा एकदा हटके भूमिका साकारताना पाहायला मिळणार आहे. यंदाचं वर्ष तापसी पन्नूसाठी म्हणावं तितकं खास नव्हतं. या वर्षी तपासीचे दोन चित्रपट प्रेक्षकांच्या भेटीला आले. मात्र, दोन्ही चित्रपट बॉक्स ऑफिसवर आपली जादू दाखवू शकले नाहीत. मात्र, तिच्या नव्या चित्रपटाच्या टीझरला प्रेक्षकांचा चांगला प्रतिसाद मिळाला आहे.

‘शाबास मिठू’ आणि ‘दो बारा’ या चित्रपटांनंतर आता तापसी पन्नू ‘ब्लर’ चित्रपटातून प्रेक्षकांच्या भेटीला येणार आहे. मात्र, यावेळी तापसी पन्नूचा चित्रपट थिएटरमध्ये रिलीज होणार नसून, ओटीटीवर रिलीज करण्यात करण्यात येणार आहे. काही दिवसांपूर्वीच या चित्रपटाचं मोशन पोस्टर प्रदर्शित करण्यात आलं होतं. आता चित्रपटाचा टीझर देखील रिलीज करण्यात आला आहे. या टीझरने सोशल मीडियावर चांगलाच धुमाकूळ घातला आहे.

Bigg Boss Marathi 4: अमृता धोंगडेची महेश मांजरेकर यांच्यासोबतही तूतू-मैंमैं; पाहा नेमकं काय झालं…

तापसी पन्नूचा हा आगामी चित्रपट ‘ब्लर’ हा मर्डर मिस्ट्री असणार आहे. या टीझरची सुरुवात एका ब्लर सीनने होते. या दृश्यात सगळं काही ब्लर दिसू लागतं. यानंतर अचानक एक फोन वाजतो आणि तापसी पन्नूचा आवाज ऐकू येतो. फोनवरील व्यक्ती बोलत नसल्याचे पाहून तापसी प्रचंड वैतागते आणि एक शिवी हासडून फोन ठेवून देते. यानंतर शेवटी तापसी पन्नूची किंकाळी ऐकू येते, असा हा टीझर अंगावर शहारे आणतो. सस्पेन्स आणि थ्रिलरचा डबल डोस असलेल्या या चित्रपटाने प्रेक्षकांची उत्सुकता वाढवली आहे.

‘ब्लर’ या चित्रपटात तापसी पन्नू ‘गायत्री’ हे पात्र साकारताना दिसणार आहे. या चित्रपटाची कथा ‘गायत्री नावाच्या महिलेच्या आयुष्याभोवती फिरताना दिसणार आहे. अभिनेत्री म्हणूनच नव्हे तर, या चित्रपटाच्या निर्मितीची धुरा देखील तापसी पन्नू सांभाळणार आहे. ‘ब्लर’ हा चित्रपट येत्या ९ डिसेंबरला ‘झी ५’वर रिलीज होणार आहे.

Bappi Lahiri Birth Anniversary : ‘गोल्ड मॅन’ बप्पी लाहिरींबद्दलच्या ‘या’ गोष्टी ऐकल्यात का?