आंतरराष्ट्रीय धावपटू निकिता राऊतवर तीन वर्षांची बंदी; डोपिंग चाचणीत दोषी आढळल्याने कारवाई

Nikita Raut Banned For 3 Years: आंतरराष्ट्रीय धावपटू निकिता राऊतवर तीन वर्षांची बंदी घालण्यात आली. डोपिंग चाचणीत दोषी आढळल्यानंतर नॅशनल अँटी डोपिंग असोसिएशनने म्हणजेच नाडाने रविवारी ही कारवाई केली आहे. यासंदर्भात एआययूला माहिती देम्यात आली आहे. निकिता ही नागपूर शहरातील तिसरी खेळाडू आहे, जी डोपिंग चाचणीत दोषी आढळली आहे.

राष्ट्रसंत तुकडोजी महाराज नागपूर विद्यापीठाचे प्रतिनिधित्व करणाऱ्या २५ वर्षीय निकिताने गेल्या वर्षी बेंगळुरू येथे झालेल्या खेलो इंडिया युनिव्हर्सिटी गेम्समध्ये महिलांच्या ५००० मीटर शर्यतीत सुवर्णपदक जिंकले होते. यानंतर नाडाने तिची डोपिंग चाचणी केली. या चाचणीत तिने 19 नॉएड्रोस्टेरोन हे प्रतिबंधित अॅनाबॉलिक स्टेरॉईड घेतल्याचे आढळून आले. या पदार्थावर इंटरनॅशनल अ‍ॅथलेटिक्स फेडरेशनने ३० वर्षांसाठी बंदी घातली आहे. हा पदार्थ प्रामुख्याने स्नायूंची ताकद वाढवण्यासाठी वापरला जातो. यामुळे नाडाने रविवारी निकिताविरोधात कारवाई केली आहे. निकितावर येत्या २ मे २०२२ पासून ते १० जुलै २०२५ पर्यंत बंदी घालण्यात आली आहे.

Cyber Crime: धोनी, बच्चनच्या नावानं क्रेडिट कार्ड बनवून २१ लाखांची शॉपिंग, पद्धत ऐकून डोकं बधीर होईल

डोपिंग चाचणीचे नियम काय आहेत?

खेळाडूने कोणतेही उत्तेजक द्रव घेऊन खेळात सहभागी होऊ नये, प्रतिबंध केलेल्या औषधांचे सेवन करू नये. तसे आढळल्यास कारवाई होऊ शकते. डोपिंग समितीने चाचणीसाठी बोलावल्यास त्यांना नकार दिल्यास अशा खेळाडूवर कारवाई होऊ शकते.अधिकाऱ्यांनी वेळोवेळी औषधांच्या बाबतीत केलेल्या सुधारणा न पाळल्यास कारवाई होऊ शकते. डोपिंग समिती चाचणीला बोलावल्यावर हजर न झाल्यास कारवाई होऊ शकते.