Sourav Ganguly Birthday : फलंदाजीत हे फक्त गांगुलीनेच केलं! सचिन-विराटलाही जमले नाहीत असे पराक्रम, जाणून घ्या
Jul 08, 2023, 11:40 AM IST
- Sourav Ganguly Birthday : दादा नावाने फेमस असलेल्या या फलंदाजाच्या नावावर आंतरराष्ट्रीय क्रिकेटमध्ये असे अनेक विक्रम आहेत, जे सचिन तेंडुलकर आणि विराट कोहलीसारखे फलंदाजही करू शकले नाहीत.
Sourav Ganguly Birthday : दादा नावाने फेमस असलेल्या या फलंदाजाच्या नावावर आंतरराष्ट्रीय क्रिकेटमध्ये असे अनेक विक्रम आहेत, जे सचिन तेंडुलकर आणि विराट कोहलीसारखे फलंदाजही करू शकले नाहीत.
- Sourav Ganguly Birthday : दादा नावाने फेमस असलेल्या या फलंदाजाच्या नावावर आंतरराष्ट्रीय क्रिकेटमध्ये असे अनेक विक्रम आहेत, जे सचिन तेंडुलकर आणि विराट कोहलीसारखे फलंदाजही करू शकले नाहीत.
Sourav Ganguly records : भारतीय क्रिकेटमध्ये आतापर्यंत अनेक दिग्गज कर्णधार झाले आहेत. यामध्ये सौरव गांगुलीचे स्थान सर्वात वरचे आहे. २००० साली भारतीय संघ फिक्सिंगच्या भोवऱ्यात अडकला होता, त्यावेळी गांगुलीने कर्णधार बनून संघाला या काळोखातून बाहेर काढले. सौरव गांगुली आज (८ जुलै) त्याचा ५१ वा वाढदिवस साजरा करत आहे. या खास दिवशी सौरव गांगुलीचे चाहते सतत सोशल मीडियाच्या माध्यमातून त्याच्यावर शुभेच्छांता वर्षाव करताना दिसत आहेत.
दादा नावाने फेमस असलेल्या या फलंदाजाच्या नावावर आंतरराष्ट्रीय क्रिकेटमध्ये असे अनेक विक्रम आहेत, जे सचिन तेंडुलकर आणि विराट कोहलीसारखे फलंदाजही करू शकले नाहीत. आज बर्थडे बॉयच्या अशाच काही रेकॉर्डवर नजर टाकणार आहोत.
सलग ४ सामन्यात मॅन ऑफ द मॅच
गांगुलीने एकदिवसीय आंतरराष्ट्रीय क्रिकेटमध्ये सलग ४ सामन्यांमध्ये सामनावीराचा पुरस्कार जिंकला आहे. विेशेष म्हणजे गांगुलीने हा पराक्रम एकाच मालिकेत केला होता. अद्याप कोणताही क्रिकेटर त्याचा हा विक्रम मोडू शकले नाहीत.
वनडे वर्ल्डकपमध्ये सर्वोत्तम धावसंख्या
गांगुली हा एकदिवसीय विश्वचषकात सर्वात मोठी खेळी खेळणारा भारतीय फलंदाज आहे. १९९९ मध्ये टॉन्टन येथे त्याने श्रीलंकेविरुद्ध १५५ चेंडूत १८३ धावांची खेळी केली होती.
चॅम्पियन्स ट्रॉफीत सर्वाधिक शतके
आयसीसी चॅम्पियन्स ट्रॉफीत सर्वाधिक शतके ठोकणारा फलंदाज सौरव गांगुली आहे. या आयसीसीच्या या स्पर्धेत त्याने ३ शतके झळकावली आहेत. सोबतच सौरव गांगुली हा एकमेव क्रिकेटर आहे, ज्याने कसोटी क्रिकेटमध्ये १६ शतके झळकावली आहेत आणि संघाने एकही सामना गमावलेला नाही. याशिवाय त्याची आयसीसी नॉकआउट्स सामन्यांमधील फलंदाजी सरासरी ८५.६६ आहे, जी जगातील सर्वोच्च आहे.