Ashes 2023 : ऑस्ट्रेलियन खेळाडूनं हेयर कटनंतर सलून मालकाला पैसे दिले नाहीत! इंग्लंडच्या माध्यमांनी छापल्या बातम्या

Steve Smith On Alex Carey Haircut Viral News : ऑस्ट्रेलियाचा यष्टिरक्षक फलंदाज अॅलेक्स कॅरीबाबत एक बातमी प्रचंड व्हायरल होत आहे. या बातमीत अॅलेक्स कॅरीने इंग्लंडमधील एका सलूनमध्ये केस कापल्यानंतर सलून मालकाला पैसे दिले नाहीत, असा दावा करण्यात आला आहे. इंग्लंडचे वृत्तपत्र द सन'ने ही बातमी प्रसिद्ध केली आहे.

इंग्लंडचे वृत्तपत्र 'द सन'ने दिलेल्या वृत्तानुसार, अॅलेक्स कॅरीने सलूनमध्ये केस कापले. त्या सलूनमध्ये ज्या कर्मचाऱ्याने अॅलेक्स कॅरीचे केस कापले त्याचे नाव अॅडम आहे. या वृत्तपत्राने दावा केला आहे की अॅलेक्स कॅरीने अॅडमला कटिंग झाल्यानंतर ३० डॉलर दिले नाहीत. त्यानंतर अॅडमने अॅलेक्स कॅरीला सोमवारपर्यंतची मुदत दिली आहे.

द सनच्या दाव्यांवर स्टीव्ह स्मिथने काय म्हटले?

त्याच वेळी, आता ऑस्ट्रेलियन खेळाडू स्टीव्ह स्मिथने द सनचे हे दावे साफ फेटाळून लावले आहेत. वास्तविक, स्टीव्ह स्मिथने थ्रेड्सवर द सनच्या बातम्यांचा स्क्रीनशॉट शेअर केला आहे. स्टीव्ह स्मिथने कॅप्शनमध्ये लिहिले की, आम्ही इंग्लंडमध्ये असल्यापासून अॅलेक्स कॅरीने केस कापले नाहीत, दाव्याने मी हे सांगू शकतो, कृपया तुमची माहिती तपासून घ्या…" ऑस्ट्रेलियाचा दिग्गज खेळाडू स्टीव्ह स्मिथचे थ्रेड्स वेगाने व्हायरल होत आहेत.

विशेष म्हणजे ऑस्ट्रेलिया आणि इंग्लंड यांच्यातील तिसरा कसोटी सामना हेडिंग्ले येथे खेळला जात आहे. सध्या ऑस्ट्रेलियन संघ २ कसोटी सामन्यांनंतर मालिकेत २-0 ने पुढे आहे. पहिल्या दोन कसोटी सामन्यात ऑस्ट्रेलियाने इंग्लंडचा पराभव केला. मात्र, यजमान इंग्लंडचा तिसरा कसोटी सामना जिंकून मालिकेत पुनरागमन करण्याचा प्रयत्न असेल. तर कांगारू संघाला ५ कसोटी मालिकेत निर्णायक आघाडी मिळवायची आहे.