Asian Games 2023 hockey : भारताने उझबेकिस्तानला चिरडलं, टीम इंडियाने केले १६ गोल

india vs Uzbekistan Asian Games 2023 hockey : हॉकीमध्ये भारतीय पुरुष संघाने उझबेकिस्तानचा १६-० असा पराभव करून आपल्या एशियन गेम्स 2023 मोहिमेची शानदार सुरुवात केली. भारताकडून ललित उपाध्यायने सर्वाधिक ४ गोल केले. तर वरुण कुमार आणि मनदीप सिंग यांनी प्रत्येकी ३ गोल केले. आता पुढील सामन्यात भारताचा सामना सिंगापूरशी होणार आहे.

भारताने आतापर्यंत ५ पदके जिंकली

१० मीटर एअर रायफल टीम इव्हेंट (शूटिंग): रौप्य

पुरुषांची लाइटवेट डबल स्कल्स (रोइंग): रौप्य

पुरुष कॉक्सलेस दुहेरी (रोइंग): कांस्य

पुरुष कॉक्सड ८ संघ (रोइंग): रौप्य

महिला १० मीटर एअर रायफल (शूटिंग): कांस्य

टेबल टेनिस, ई-स्पोर्ट्समध्ये, रग्बीमध्ये भारताची निराशा

महिलांच्या टेबल टेनिस सांघिक स्पर्धेतील भारताचे आव्हान संपुष्टात आले आहे. राऊंड-१६ मध्ये भारतीय संघाचा थायलंडकडून ३-१ असा पराभव झाला.

यानंतर ई-स्पोर्ट्समध्येही भारताच्या चरण जोत सिंगला राऊंड-३२ मध्ये चीनच्या लिऊ जियाचेंगकडून ०-२ ने पराभव पत्करावा लागला. तर करमन सिंगला बहरीनच्या अब्दुलअजीज फकीहीने २-१ ने पराभूत केले.

महिलांच्या रग्बी सेव्हन्समध्ये भारताला त्यांच्या पहिल्या गट टप्प्यातील सामन्यात हाँगकाँगविरुद्ध ०-३८ असा पराभव पत्करावा लागला आहे. भारताचा पुढील सामना सध्याच्या चॅम्पियन जपानशी होणार आहे.