Ind vs SA ODI: तिसरा एकदिवसीय सामना होणार का?; काय आहे हवामानाचा आजचा अंदाज?

India vs South Africa 3rd ODI Weather Report: भारत आणि दक्षिण आफ्रिका यांच्यातील तीन सामन्यांच्या मालिकेतील तिसरा व निर्णायक एकदिवसीय सामना आज दिल्लीतील अरुण जेटली स्टेडियमवर खेळवला जाणार आहे. मात्र, मागील दोन-तीन दिवसांपासून दिल्लीत पाऊस पडत असल्यामुळं आजचा सामना होईल की नाही, याबाबत साशंकता आहे.

दिल्लीत अधूनमधून सातत्यानं पावसाच्या सरी कोसळत आहेत. आजच्या सामन्यातही पावसाचा अडथळा येण्याची दाट शक्यता आहे. आजचं हवामान कसं आहे हे पाहणंही महत्त्वाचं आहे. 'दिल्लीत आज पावसाची शक्‍यता आहे, मात्र दिवसअखेरीस वातावरण निवळलेलं असेल. भारत आणि दक्षिण आफ्रिका यांच्यातील मालिका सध्या १-१ अशी बरोबरीत आहे आणि अशा परिस्थितीत हा सामना दोन्ही संघांसाठी खूप महत्त्वाचा आहे. पूर्वनियोजित वेळेनुसार सामना दुपारी १.३० वाजता सुरू होईल. नाणेफेक दुपारी १ वाजता होणार आहे.

Yuvraj Singh: रोनाल्डोनं केला ७०० वा गोल; पण युवराज का होतोय ट्रोल? जाणून घ्या

दुपारी एक ते तीन वाजेपर्यंत पावसाची शक्‍यता आहे, मात्र चार वाजेनंतर पावसाची शक्‍यता कमी आहे. त्यामुळं काही षटकांचा खेळ खराब होऊ शकतो, मात्र सामना होईल अशी आशा आहे.

भारताचा संभाव्य संघ असा: शिखर धवन (कर्णधार), शुभमन गिल, इशान किशन, श्रेयस अय्यर, संजू सॅमसन (यष्टीरक्षक), वॉशिंग्टन सुंदर, शाहबाज अहमद, शार्दुल ठाकूर, कुलदीप यादव, मोहम्मद सिराज, आवेश खान.

World Cup Practice Match: भारताने सराव सामना जिंकला, भुवी-अर्शदीपची उत्कृष्ट गोलंदाजी