IND vs NZ 3rd T20: न्यूझीलंडविरुद्धच्या निर्णायक सामन्यात 'या' तीन खेळाडूंवर राहणार सर्वांची नजर

India vs New Zealand 3rd T20: भारत आणि न्यूझीलंड यांच्यातील तिसरा आणि अखेरचा टी-२० सामना बुधवारी अहमदाबाद येथे खेळला जाणार आहे. या मालिकेतील पहिला सामना गमावल्यानंतर भारताने दुसऱ्या सामन्यात न्यूझीलंडचा पराभव करत मालिकेतील आव्हान जिवंत ठेवले आहे. दरम्यान, दोन्ही टी-२० सामन्यात भारताच्या वरच्या फळीतील फलंदाजाला काही खास कामगिरी करता आली नाही. भारताचा नियमित कर्णधार रोहित शर्मा, विराट कोहली आणि केएल राहुल यांच्या अनुपस्थितीत शुभमन गिल, ईशान किशन आणि राहुल त्रिपाठीला टी-२० मालिकेत संधी देण्यात आली. मात्र, या तिघांनाही मिळालेल्या संधीचे सोने करता आले नाही.

न्यूझीलंडविरुद्धच्या टी-२० सामन्यानंतर भारतीय संघ दिर्घकाळ आंतरराष्ट्रीय टी-२० क्रिकेट खेळणार नाही. यामुळे ऑस्ट्रेलियाविरुद्धच्या कसोटी मालिकेपूर्वी खेळाडूंकडे छाप सोडण्याची शेवटची संधी असेल. बांगलादेश दौऱ्यात दुहेरी शतक झळकावणारा ईशान किशनला न्यूझीलंडविरुद्धच्या मालिकेत आपला फॉर्म कायम ठेवता आला नाही. तर, शुभमन गिल न्यूझीलंडच्या फिरकी गोलंदाजांसमोर संघर्ष करताना दिसला. विराट कोहलीच्या अनुपस्थितीत संघात स्थान मिळालेल्या राहुल त्रिपाठीच्या पदरातही निराशा पडली.

kieron pollard : धडाकेबाज कायरन पोलार्डनं स्टेडियमच्या बाहेर सिक्सर मारला आणि…

सूर्यकुमार यादव आणि कर्णधार हार्दिक पांड्याच्या संयमी खेळीच्या जोरावर भारताला या मालिकेतील दुसरा आणि महत्त्वाच्या सामन्यात विजय मिळवता आला. २० षटकात अवघ्या १०० धावांचे लक्ष्य गाठताना भारताच्या नाकी नऊ आले. यामुळे अहमदाबादच्या नरेंद्र मोदी स्टेडियमवर खेळल्या जाणाऱ्या तिसऱ्या आणि निर्णयाक सामन्यात भारतीय संघ कशी कामगिरी बजावतो? हे पाहणे महत्त्वाचे ठरणार आहे.