French Open : इगा स्विटेकने तिसऱ्यांदा फ्रेंच ओपन जिंकले, चुरशीच्या लढतीत कॅरोलिना मुचोव्हाचा पराभव

French Open match result : जागतिक क्रमवारीत अव्वल स्थानी असलेली पोलंडची महिला टेनिसपटू इगा स्विटेक (Iga Swiatek) हिने फ्रेंच ओपनचे विजेतेपद पटकावले आहे. इगाचे हे ग्रँडस्लॅम जेतपद आहे. स्वितेकने अंतिम फेरीत चेक रिपब्लिकच्या कॅरोलिना मुचोव्हा हिचा तीन सेटच्या चुरशीच्या लढतीत पराभव केला. स्विटेकने अंतिम सामना ६-२, ५-७, ६-४ असा जिंकला.

स्वितटेकने या सामन्यात शानदार सुरुवात केली. तिने पहिला सेट ६-२ असा सहज जिंकला. तर यानंतर कॅरोलिनाने दुसऱ्या सेटमध्ये पुनरागमन करत ती अंतिम फेरीत का पोहोचली आहे, हे दाखवून दिले. बिगरमानांकित असूनही तिने नंबर-वन खेळाडूसमोर हार मानली नाही आणि दुसरा सेट ७-५ असा जिंकला.

यानंतर सामना निर्णायक सेटपर्यंत पोहोचला. यातही कॅरोलिनाने एका क्षणी आघाडी घेतली होती, पण तिला फायनलचे दडपण पेलता आले नाही. स्विटेकने आपल्या अनुभवाचा पुरेपूर वापर करत हा सेट ६-४ असा जिंकला.

स्विटेकचे चौथे ग्रँडस्लॅम

स्विटेकने तिसऱ्यांदा फ्रेंच ओपनचे विजेतेपद पटकावले. २०२० आणि २०२२ मध्येही ती फ्रेंचओपन जिंकण्यात यशस्वी ठरली होती. याशिवाय गेल्या वर्षी स्विटेकने यूएस ओपन जिंकली होती. आता त्याची नजर जुलैमध्ये पहिले विम्बल्डन ओपन जिंकण्यावर असेल.

स्विटेकने बदला घेतला

स्विटेक आणि कॅरोलिना दुसऱ्यांदा आमनेसामने होत्या. तत्पूर्वी, चार वर्षांपूर्वी प्राग ओपन क्लेकोर्ट स्पर्धेत कॅरोलिनाने स्वितेकचा ४-६, ६-१, ६-४ अशा तीन सेटमध्ये पराभव केला होता. त्यावेळी स्विटेक ९५व्या तर कॅरोलिना १०६व्या क्रमांकावर होती. आता स्विटेकने त्या पराभवाचा बदला घेतला आहे.

कॅरोलिना मुचोवा बिगरमानांकित खेळाडू म्हणून खेळली

दुखापतींमुळे कॅरोलिना मुचोवाच्या कारकिर्दीवर मोठा परिणाम झाला आहे. स्विटेक अव्वल मानांकित असताना कॅरोलिनाने बिगरमानांकित खेळाडू म्हणून या स्पर्धेत सामील झाली होती. असे असूनही चेक रिपब्लिकच्या कॅरोलिनाने स्पर्धेत शानदार कामगिरी केली. तिने उपांत्य फेरीत बेलारूसच्या आर्याना सबालेन्का हिचा पराभव केला. मात्र, कॅरोलिनाचे पहिल्यांदाच ग्रँडस्लॅम जिंकण्याचे स्वप्न भंगले.