Live Blog: नुपूर शर्मांच्या वक्तव्याविरोधात दिल्ली, उत्तर प्रदेशात आंदोलन

विविध जिल्ह्यांमधील २२१ नगरपरिषदा, नगरपंचायतींच्या सार्वत्रिक निवडणुकांसाठी २१ जून २०२२ रोजी प्रारूप मतदार याद्या प्रसिद्ध करण्यात येणार आहेत. त्यावर २७ जून २०२२ पर्यंत हरकती व सूचना दाखल करता येतील, अशी घोषणा राज्य निवडणूक आयोगाने आज येथे केली. मतदार यादीचा कार्यक्रम जाहीर करण्यात आलेल्या २२१ नगरपरिषदा/ पंचायतींमध्ये २०८ नगरपरिषदा आणि १३ नगरपंचायतींचा समावेश आहे. 

नवी मुंबईला पाणी पुरवठा करणाऱ्या मोरबे धरणातील पाण्याची पातळी खालावली आहे. धरणातील पाण्याची पातळी ७१.४५ मीटर उरली आहे. गेल्या वर्षी जून महिन्याच्या तुलनेत ही पातळी १.०३ मीटरने कमी झाली आहे. उपलब्ध पाणी साठ्याद्वारे नवी मुंबई महापालिका शहराला पुढील ७० दिवस म्हणजे १८ ऑगस्ट २०२२ पर्यंत पाणी पुरवठा करू शकते, अशी माहिती अधिकाऱ्यांनी दिली. पाण्याची अडचण मिटावी यासाठी चांगल्या मान्सूनची अपेक्षा करण्यात येत आहे.

भाजपच्या माजी नेत्या नुपूर शर्मा आणि नवीन कुमार जिंदल यांनी पैगंबरांबाबत केलेल्या आक्षेपार्ह वक्तव्यानंतर सुरू झालेला वाद अद्याप थांबलेला नाही. दिल्ली आणि उत्तर प्रदेशात याविरोधात मोठे आंदोलन सुरू आहे. शुक्रवारी नमाज पठणानंतर हे आंदोलन करण्यात आले. दिल्लीती जामा मशिदीबाहेर मोठ्या संख्येने आंदोलकांनी एकत्र येत घोषणाबाजी केली.

देशात सलग दुसऱ्या दिवशी ७ हजारांंहून जास्त कोरोना बाधितांची नोंद झाली. गेल्या २४ तासात देशात ७ हजार ५८४ नवे रुग्ण आढळून आले आहेत. तर ३ हजार ७९१ जण कोरोनामुक्त झाले आहेत. तर २४ जणांचा मृत्यू झाला आहे.

महाराष्ट्राबरोबरच कर्नाटक, राजस्थान व हरयाणातही राज्यसभेसाठी मतदान होत आहे. या राज्यांतून एकूण १० उमेदवार राज्यसभेवर जाणार आहेत.

महाविकास आघाडीचे चारही उमेदवार पहिल्या पसंतीच्या मतांनीच विजयी होतील, असा विश्वास काँग्रेसचे नेते व महसूलमंत्री बाळासाहेब थोरात यांनी व्यक्त केला आहे.

राज्यसभा निवडणुकीसाठी मतदानाला विधान भवनात सुरुवात झाली असून राष्ट्रवादी काँग्रेसचे दत्ता भरणे यांनी पहिलं मतदान केलं आहे.

महाभारतात जसा अश्वत्थामा गेला होता, तसा महाविकास आघाडीतला कोणता तरी संजय जाणार आहे, ते साडेपाच वाजल्यानंतर माहिती पडेल असं विधान भाजपचे नेते अनिल बोंडे यांनी केलं आहे.

निवडणुकीला सहाव्या जागेसाठी चुरस असल्याची हवा विरोधकांनी तयार केलीय. पण महाविकास आघाडीचे चारही उमेदवार हे पहिल्या फेरीत निवडून येतील असा विश्वास शिवसेना नेते संजय राऊत यांनी व्यक्त केला आहे.

महाराष्ट्रासह राजस्थान, कर्नाटक आणि हरयाणात आज राज्यसभेसाठी मतदान होत आहे. यामध्ये १६ जागांसाठी मतदान होणार आहे. याआधी १५ राज्यातील ४१ उमेदवारांची बिनविरोध निवड झाली आहे.

पिंपरी चिंचवडचे भाजप आमदार लक्ष्मण जगताप हे अॅम्ब्युलन्समधून मतदानासाठी जाणार आहेत. गेल्या दोन महिन्यांपासून ते कोमात होते, २ जूनला त्यांना रुग्णालयातून डिस्चार्ज मिळाला आहे. राज्यसभेच्या मतदानासाठी ते अॅम्ब्युलन्सने निघाले आहेत.

राज्यसभेसाठी मतदान करायला आमदार विधानभवनात आले आहेत. शिवसेना, भाजप, काँग्रेसचे आमदार विधानभवनात पोहोचले आहेत.

महाराष्ट्रात एमआय़एमचे नेते इम्तियाज जलील यांनी मोठी घोषणा करताना राज्यसभेसाठी महाविकास आघाडीला पाठिंबा देणार असल्याचं सांगितलं. भाजपला हरवण्यासाठी आमच्या पक्षाने महाराष्ट्रात राज्यसभेसाठी महाविकास आघाडीला मत देण्याचा निर्णय घेतला आहे. महाराष्ट्रात आमचे दोन आमदार काँग्रेस उमेदवार इम्रान प्रतापगडी यांना मत देणार आहेत असं त्यांनी इम्तियाज जलील यांनी म्हटलं.

ईडीच्या अटकेत असलेले नवाब मलिक आणि अनिल देशमुख यांना राज्यसभेसाठी मतदानाचा अधिकार नाकारण्यात आला आहे. यामुळे महाविकास आघाडीला मोठा धक्का बसला आहे. दोघांनीही मतदानासाठी न्यायालयात अर्ज केला होता. 

राज्यसभेसाठी आज मतदान होणार आहे. सकाळी ९ ते ४ वाजेपर्यंत मतदानासाठी वेळ असून ४ वाजल्यानतंर मतमोजणी होईल.