SIM Card new rules : सिमकार्डबाबत नवा नियम, फसवणूकीविरोधात सरकारची नवी नियमावली सज्ज

SIM Card new rules : आजकाल मोबाईलमुळे होणाऱ्या गुन्ह्याचे प्रमाण लक्षणीयरित्या वाढले आहे. दुसऱ्याच्या नावाचे सिम क्लोनिंग करुन फसवणूक केली जातेय. अशा गंभीर परिस्थितीला आळा घालण्यासाठी सरकारने मार्गदर्शक नियमावली आणण्याची तयारी सुरु केलीये. यासाठी सरकार एका ओळखपत्रावर चार सिमकार्ड देण्याची तयारी करत आहे. सरकारच्या संचार सारथी वेब पोर्टलवरही संबंधित तक्रारदाराला तक्रार दाखल करण्याची सुविधा देण्यात आली आहे.

मोबाईलवरुन फेक काॅल्स करुन, अथवा सिमकार्ड चोरी करुन त्याचे क्लोनिंग करुन फसवणूक होण्याचे प्रमाण वाढले आहे. या आॅनलाईन फसवणूकीत सिम कार्डची भूमिका मोठी आणि महत्त्वाची आहे. त्यामुळेच आता सरकारने त्यावर नियंत्रण ठेवण्याची तयारी सुरु केलीये. आतापर्यंत एका व्यक्तीला ९ सिम कार्ड मिळण्याची सुविधा देण्यात आली होती. पण आता ती ४ पर्यंत नियंत्रित करण्याची शक्यता आहे.

अशा असतील मार्गदर्शक सुचना

- एका आयडीवर चार सिमकार्डला दूरसंचार मंत्रालयाची मंजूरी

- ग्राहक पडताळणी प्रक्रिया संपूर्ण डिजीटल पद्धतीने

- संचार सारथी पोर्टलच्या मदतीने ग्राहकांना सिम फसवणूकीचा शोध घेता येणार