SBI Home Loan : एसबीआयचे स्वस्तात होम लोन, त्यासाठी ठेवा सिबील स्कोअर अप-टू-डेट

Home loan : महागड्या गृहकर्जांच्या या काळात स्वस्तात गृहकर्ज देणाऱ्या बँकांची माहिती तुम्ही शोधत असाल तर तुमच्यासाठी एक आनंदाची बातमी आहे. देशातील सर्वात मोठी सार्वजनिक क्षेत्रातील बँक स्टेट बँक ऑफ इंडियाने तुमच्यासाठी स्वस्त गृह कर्ज ऑफर आणली आहे, यामध्ये तुम्हाला गृहकर्ज दरांवर ३० ते ४० बेसिस पॉइंट्सची सूट मिळणार आहे. मात्र, ही सवलत तुमच्या सिबील क्रेडिट स्कोअरनुसार उपलब्ध असेल. तुम्ही ३१ मार्च २०२३ पर्यंत एसबीआयच्या या स्वस्त गृहकर्ज दरांचा लाभ घेऊ शकतात. एसबीआयने या स्वस्त घर योजनेला कॅम्पेन रेट ऑफर असे नाव दिले आहे.

Cibil score : सिबिल स्कोअर म्हणजे नेमकं काय? तो महत्त्वाचा का? कसा तपासायचा?

एसबीआय त्यांच्या नियमित गृहकर्ज दरांवर ३० ते ४० बेस पॉइंट्सची सूट देत आहे. पण जेव्हा तुमचा सिबिल क्रेडिट स्कोअर ७०० पेक्षा जास्त असेल तेव्हाच तुम्ही स्वस्त गृहकर्जाचा लाभ घेऊ शकतात. उदाहरणार्थ, जर तुमचा क्रेडिट स्कोअर ८०० पॉइंट्सपेक्षा जास्त असेल, तर सध्या एसबीआय़ ८.९० टक्के दराने होम लोन देत आहे, तर आता तुम्हाला ३० बेस पॉइंट्सची सूट मिळेल. म्हणजे आता ८.६० टक्के व्याजदराने गृहकर्ज मिळेल.

टॉप अप कर्जावरही सूट

एसबीआयने टॉप अप कर्जावरही सूट देण्याचा निर्णय घेतला आहे. ८०० पेक्षा जास्त सिबील स्कोअर असलेल्यांना आता ९.३० टक्के दराने टॉप अप दराने मिळणारे कर्ज आता ९ टक्के दराने उपलब्ध होईल. म्हणजेच यात ३० बेसिस पॉइंट्सची सूट मिळेल. एसबीआयने कॅम्पेन ऑफर अंतर्गत होम लोन आणि टॉप अप लोनसाठी प्रोसेसिंग फी पूर्णपणे माफ करण्याचा निर्णय घेतला आहे. एसबीआयच्या या स्वस्तात होम लोन आँफरचा लाभ ३१ मार्च पर्यंत घेता येणार आहे.