SBI bank customer : एसबीआय बँकेच्या ग्राहकांसाठी धोक्याची सुचना, अन्य़था बिघडेल सगळं गणित

SBI bank customer : तुमचे खाते एसबीआय बँकेत असेल तर तुमच्यासाठी ही महत्त्वाची बातमी आहे. अनेक संशयास्पद हालचालींमुळे तुमचे एसबीआय़ खाते तात्पुरते बंद केले जात आहे, अशा आशयाचा मेसेज अनेक एसबीआयच्या ग्राहकांच्या मोबाईलवर येत आहे. हा मेसेज स्कॅमर्सकडून पाठवला जात आहे.

जर तुम्हालाही असाच मेसेज येत असेल तर त्या मेसेजला प्रतिसाद देऊ नका, त्वरित सायबर क्राईमशी संपर्क साधावा. सरकारच्या अधिकृत फॅक्ट चेकडकून एसबीआयच्या मेसेजवरुन सतर्क राहण्यात सांगितले आहे.

इथे करा तक्रार

पीआयबी फॅक्ट चेकने आपल्या ट्विटमध्ये म्हटले आहे की, एसबीआयच्या ग्राहकांना एक संदेश पाठवला जात आहे, ज्यामध्ये तुमचे खाते तात्पुरते लॉक केले जाईल. अशा संदेशांना किंवा ईमेलला कधीही उत्तर देऊ नये आणि बँकिंग माहिती जाहीर करू नये, असे पीआयबीने सांगितले आहे. तुम्हाला अशी कोणतीही संशयास्पद गोष्ट आढळल्यास report.phishing@sbi.co.in वर कळवा.

लिंकवर क्लिक केल्यानंतर काय होईल

स्कॅमरने पाठवलेल्या या लिंकवर तुम्ही क्लिक केल्यास तुमच्या बँक खात्यात जमा केलेले पैसे गहाळ होण्याचा धोका वाढेल. स्कॅमर तुमचा वैयक्तिक डेटा चोरून बँक खात्यातून पैसे काढू शकतो. अशा परिस्थितीत अशा अज्ञात लिंकवर कधीही क्लिक करू नये.