Shaktikanta das on 2000 noteban : २००० रुपयांच्या नोटबंदीसाठी डेडलाईन का महत्त्वाची? RBI गव्हर्नर म्हणाले…

Skaktikanta das on 2000 noteban : रिझर्व्ह बँकेने २००० रुपयांच्या नोटबंदीसाठी ३० सप्टेंबर ही डेडलाईन निश्चित केली आहे. या तारखेपूर्वी नागरिकांनी २००० रुपयांच्या नोटा परत बँकेत जमा करण्याचे आदेश रिझर्व्ह बँकेने दिले आहेत. यासंदर्भात रिझर्व्ह बँकेचे गव्हर्नर शक्तिकांता दास यांनी सांगितले की, जेंव्हापर्यंत एखादी डेडलाईन दिली जात नाही तोपर्यंत कोणतीही प्रक्रिया अंतिम रुपपर्यंत पोहोचत नाही. कारण तोपर्यंत लोक ही बाब गंभीरतेने घेत नाहीत. लोकांच्या समस्या दूर करण्याचा आमचा प्रयत्न आहे. नोटबंदीनंतर रोखीच्या कमतरता भरुन काढण्यासाठी २००० रुपयांच्या नोट आणण्यात आली होती. ही नोट परत घेण्याचा निर्णय हादेखील चलन व्यवस्थापनाचा भाग आहे.

दास यांनी बँकांकडे २००० रुपयांची नोट बदलण्यासाठी जरुरी व्यवस्था करण्याचे निर्देश दिले आहेत. ३० सप्टेंबरपर्यंत जास्तीत जास्त २००० रुपयांच्या नोटा परत घेतल्या जातील. आरबीआय गव्हर्नर श्कतिकांता दास यांनी सांगितले की, दुकानदार पहिल्यांदा २००० रुपयांची नोट घेण्यास हरकत घेत होते. आता त्यात कदाचित आणखीन वाढ होईल.

२००० रुपयांची नोट परत घेण्याचे आदेश दिले असले तरी ग्राहकांनी बँकांबाहेर मोठी रांग लावू नये असेही त्यांनी स्पष्ट केले. दुकानदारांनीही या नोटा घेण्यास नकार देऊ नये. त्यांनी बँकांनीही ग्राहकांना याबदल्यात जून्या फाटक्या नोटा देऊ नयेत असेही दास यांनी निर्देश दिले आहेत. एच वन बी व्हिसाधारकांसह एनआरआयनाही यासंदर्भात कोणत्याही प्रकारच्या समस्येला सामोरं जावं लागणार नााही.