Sensex UP : आज या स्टाॅक्सची बल्ले बल्ले, शेअर बाजारात उसळी, सेन्सेक्स ६१८०० तर निफ्टी १८२०० पार

Sensex UP : जागतिक पातळीवरील मजबूत संकेतांच्या पार्श्वभूमीवर सेन्सेक्स निफ्टीमध्ये आज सकाळपासूनच तेजी पहायला मिळाली आहे. सेन्सेक्समध्ये ७५० अंशांच्या उसळीसह ६१८०४ अंश पातळीवर आहे. दुसरीकडे निफ्टीतही १९९ अंशांच्या वाढीसह १८२६२ अंशांवर आहे. इंडसएंड बँकमध्ये ५ टक्के तेजी आहे. बजाज फायनान्स ४.६० टक्के आणि टाटा मोटर्समध्ये ४.१३ टक्के वाढ झाली आहे.

वित्तीय सेवा, वाहन क्षेत्रात, चांगलीच तेजीचे वातावरण आहे. खाजगी बँका क्षेत्रात १.८२ टक्के आणि रियल्टी क्षेत्रात १.९८ टक्के तेजी आहे. देशांतर्गत शेअर बाजारात आठवड्याच्या पहिल्या सत्रात सोमवारी सेन्सेक्स १११ अंशांच्या वाढीसह ६११६६ च्या पातळीवर खुला झाला. तर निफ्टीनेही अंदाजे १८१२० अंशांच्या पातळीवर दिवसाची सुरुवात केली.

Stocks to buy : आयटीसी, हिरो मोटोसह आज या कंपन्यांचे शेअर्स आहेत चर्चेत, टार्गेट प्राईस आणि स्टाॅप लाॅस येथे पाहा

सुरुवातीच्या सत्रात अदानी ग्रुपच्या अंबुजा सिमेंट, एनडीटीव्ही वगळता सर्वच शेअर्समध्ये घसरण झाली. अदानी पोर्ट्स, अदानी ग्रीन्स, अदानी ट्रान्समिशन, अदानी एटरप्राईजेस, अदानी गॅस, अदानी पावर , अदानी विल्मर, अदानी टोटल गॅस कंपन्यांच्या शेअर्समध्ये घट झाली.