Indigo shares : एक बातमी काय आली, 'इंडिगो'चा शेअर झाला बेहाल! बघाच

Indigo shares : बुधवारी एक अहवाल प्रसिद्ध झाला. त्यात इंडिगोचे सहसंस्थापक राकेश गंगवाल यांची पत्नी शोभा गंगवाल यांनी कंपनीतील आपली ४ टक्के हिस्सेदारी ब्लाॅक डीलच्या माध्यमातून विकणार असल्याचे समजते. या वृत्तानंतर कंपनीच्या शेअर्समध्ये तब्बल ५ टक्के घट झाली आहे.

शेअर बाजारात कोणत्याही स्टाॅक्सचे भाव वर किंवा खाली घसरले तर याचा अर्थ कंपनीसंदर्भात कोणतीतरी घटना घडली आहे. उदाहरणार्थ इंडिगोच्या शेअर्स. गुरुवारी इंडिगोच्या शेअर्सचा भान सुरुवातीच्या सत्रात ५ टक्क्यांपेक्षा अधिक घसरला. कंपनीच्या शेअर्समधील घसरण ही एक व्यवस्थापनाच्या अंतर्गत एक बातमी आहे.

काय आहे बातमी

बुधवारी एका अहवालात इंडिगोचे सहसंस्थापक राकेश गंगवाल यांची पत्नी शोभा गंगवाल यांनी आपला ४ टक्के हिस्सा ब्लाँक डीलच्या माध्यमातून विकण्याचा निर्णय घेतला आहे. या वृत्तानंतर आज बाजार खुला होताच, एव्हिएशन इंडस्ट्रीतील इंडिगो कंपनीच्या शेअर्समध्ये घट झाली.

याआधीही गंगवाल कुटूंबाने आपला हिस्सा विक्री केला आहे. याआधी गेल्या वर्षी सप्टेंबरमध्ये गंगवाल कुटूंबाने २५० दशलक्ष डाॅलर्समध्ये आपला २.८ टक्के हिस्सा विकला होता. यंदाच्या वर्षी शोभा गंगवाल यांनी १.५६ कोटी शेअर्स १८७५ रुपयांच्या हिशोबाने शेअर्सची विक्री करु शकते. बुधवारी क्लोजिंगच्या हिशोबाने ५.६ टक्के डिस्काऊंटवर ही डील होऊ शकते.