HDFC dividend : प्रति शेअर्स १९ रुपयांचे लाभांश देतेय HDFC Bank, तिमाही निकाल आले जबरदस्त

HDFC dividend : खाजगी क्षेत्रातील एचडीएफसी बँकेने मार्चच्या तिमाहीत चांगला नफा कमावला आहे.जानेवारी ते मार्च तिमाहीत बँकेचा निव्वळ नफा २०.६ टक्क्यांनी वाढून १२,५९४.४७ कोटी रुपये झाला आहे. गेल्या वर्षीच्या समान तिमाहीत बँकेचा निव्वळ नफा १०.४४५.०१ कोटी रुपये होता. दरम्यान, आँक्टोबर ते डिसेंबर २०२२ तिमाहीच्या तुलनेत एचडीएफसी बँकेच्या निव्वळ नफ्यात घट झाली आहे. तिसऱ्या तिमाहीत तो १२.६९८.३२ कोटी रुपये होता.

Stocks in news : आज टीसीएस, एचडीएफसी बँक, नेस्ले शेअर्सवर फोकस, तज्ज्ञांचा खरेदीचा सल्ला

HDFC बँक लिमिटेडने शनिवारी मार्चमध्ये संपलेल्या तिमाहीचे निकाल जाहीर केले. बँकेच्या म्हणण्यानुसार, चौथ्या तिमाहीत निव्वळ नफ्यात सुमारे २० टक्के वार्षिक वाढ नोंदवली गेली आहे, जी १२,०४७ कोटी रुपयांवर पोहोचली आहे. त्याच वेळी, एकूण उत्पन्न वार्षिक आधारावर ३१ टक्क्यांनी वाढून ५३,८५१ कोटी रुपये झाले आहे. सात ब्रोकरेज कंपन्यांनी बँकेचा निव्वळ नफा २१% वाढून १२,१८० कोटी रुपयांपर्यंत पोहोचण्याचा अंदाज व्यक्त केला आहे. अंतिम निकाल अपेक्षेपेक्षा खूप जवळ आले आहेत.

लाभांशाची घोषणा

एचडीएफसी बँकेने आर्थिक वर्ष २०२३ साठी १९ रुपये प्रती शेअर्स लाभांश देण्याची घोषणा केली आहे. बँकेच्या शेअर्सची किंमत १६९३.३० रुपये आहे. २४ जानेवारीला शेअर्सने १७०२ रुपयांच्या पातळीला स्पर्श केला होता. हा गेल्या ५२ आठवड्यातील उच्चांक आहे.