Anand Mahindra : तुमच्याकडे काळ्या रंगाची गाडी आहे? मग ही बातमी वाचाच!

Anand Mahindra on Twitter :  उद्योगपती आनंद महिंद्रा ट्विटरवर कायम ॲक्टिव्ह असतात. ते अनेकदा विनोदी, प्रेरक आणि विचारशील पोस्ट टाकत असतात. त्यांचे ९.८ दशलक्ष ट्विटर फॅन्स आहेत. आपल्या ट्विटरच्या खात्यावर ते नियमित एखादा फोटो अथवा व्हिडिओ शेअऱ करत असतात.

त्यांनी नुकतेच वर्ल्ड ऑफ स्टॅटिस्टिक च्या अहवालाची खिल्ली उडवली आहे. या अहवालाच्या ट्विटर पेजवर काळ्या रंगाच्या गाड्यांचा अपघात होण्याची शक्यता जास्त असते असा दावा केला आहे.या अहवालानुसार,का ळ्या रंगाच्या गाडीला ४७ % अपघाताचा धोका आहे. त्यानंतर राखाडी रंगाच्या गाड्यांना ११ %, चंदेरी रंगाच्या गाड्यांना १० % आणि निळ्या आणि लाल रंगाच्या गाड्यांना ७% अपघाताचा धोका असतो. त्याच्यातुलनेत पांढरे, पिवळे, केशरी आणि सोनेरी रंगाच्या गाड्या क्रॅश होण्याची शक्यता कमी असल्याचे अहवालात म्हटले आहे.

या आकडेवारीला कोणतेही मुलभूत प्रमाणीकरण नाही. किंबहुना यात केवळ स्टॅटिक्सचा वापर केला आहे.त्यामुळे आनंद महिंद्रा यांनी अमेरिकन लेखक मार्क ट्वेन यांच्या एका वाक्याचा दाखला हॅडलवर दिला आहे. ते पुढे म्हणाले की,ही आकडेवारी खोटी आणि अस्पष्ट आहे. कमकूवत युक्तिवादांना बळ देण्यासाठी सांख्यिकीचा वापर यात केला आहे. यासाठी त्यांनी हिंदीत 'कुछ भी' अशी प्रतिक्रिया दिली आहे.

आनंद महिंद्रा यांच्या या ट्विटवर नेटीझन्सनीही भरघोस प्रतिक्रिया दिल्या आहेत. अनेकांनी महिंद्रा यांच्या प्रतिक्रियेला समर्थन दिले आहे. या अहवालाला कोणताही वैज्ञानिक दृष्टीकोन नाही, अशा प्रकारच्या अनेक प्रतिक्रिया नेटीझन्सनी आनंद महिंद्रा यांच्या ट्विटरवर दिल्या आहेत.