Multibagger stocks : राज्य सरकारकडून मिळाली ६४५ कोटींची आँर्डर, शेअर खरेदीसाठी लागली झुंबड

Multibagger stocks : अशोका बिल्डकाॅनला महाराष्ट्र सरकारकडून कोट्यवधी रुपयांची आँर्डर मिळाली आहे. या बातमीनंतर आज कंपनीच्या शेअर्समध्ये उसळी पाहायला मिळाली. अशोका बिल्डकाॅनच्या पोझीशनल गुंतवणूकदारांसाठी मागील महिना चांगलाच फायद्याचा गेला आहे. आता या प्रोजेक्टमुळे गुंतवणूकदारांचा विश्वासही दुणावला आहे. अशोका बिल्डकाॅनचा शेअर्स ११० रुपयांपेक्षाही कमी आहे.

कंपनीला मिळाले ६४५ कोटींचे काम

शेअऱ बाजाराला मिळालेल्या माहितीनुसार, कंपनीला राज्य सरकारकडून ६४५.७० कोटींची आॅर्डर मिळाली आहे. कंपनीला राज्य सरकारच्या इलेक्ट्रिकसिटी बोर्डाकडून हे काम मिळाले आहे. अमरावती झोनमध्ये १६७.०२ कोटी रुपये, नाशिक अर्बल सर्कल नाशिक झोनमध्ये १३४.४३ कोटी रुपये आणि लातूर विभागात १७०.९९ कोटी रुपये आणि उस्मानाबाद सर्कलमध्ये १७३.२६ कोटी रुपयांचे काम मिळाले आहे.

शेअर्स खरेदीसाठी लूट

या वर्क आँर्डरमुळे कंपनीच्या शेअऱ्समध्ये अचानक उसळी दिसली. कंपनीचे शेअर्स तब्बल ४ टक्क्यांनी वधारले. गेल्या वर्षभरात कंपनीच्या शेअर्समध्ये २५ टक्क्यांपेक्षा अधिक तेजी पाहायला मिळाली. तर महिन्याभरात कंपनीच्या शेअर्समध्ये ५ टक्क्यांपेक्षा अधिक उसळी दिसली.