Adani Airports: अदानी समूहाच्या मुंबईतील दोन विमानतळांच्या खात्यांची चौकशी सुरू

Adani Groups Mumbai Airports: कॉर्पोरेट व्यवहार मंत्रालयाने उद्योजक गौतम अदानी यांच्या नेतृत्वाखालील अदानी एंटरप्रायझेस लिमिटेडच्या मालकीच्या मुंबई येथील दोन विमानतळाच्या खात्यांची तपासणी सुरु केली आहे. अदांनी एंटरप्रायझेसने शुक्रवारी स्टॉक एक्स्चेंजला याबाबत माहिती दिली. यानंतर अदानी एंटरप्रायझेसच्या शेअरची किंमत टक्क्यांनी घसरली. अदानी एंटरप्रायझेसचा बीएसई २ हजार ४५४ रुपये ६५ पैसे यावर बंद झाली.

वृत्तसंस्था रॉयटर्स दिलेल्या माहितीनुसार, कॉर्पोरेट व्यवहार मंत्रालयाने अदानी एंटरप्रायझेस लिमिटेड नोटीस आज नोटीस पाठवली. तसेच अदानी समूहाच्या मुंबई आंतरराष्ट्रीय विमानतळ आणि नवी मुंबई आंतरराष्ट्रीय विमानतळाची आर्थिक वर्षे २०१७-१८ ते आर्थिक वर्ष २०१२- २२ पर्यंत माहिती आणि कागदपत्रे मागवली आहेत. या संदर्भात अदानी समूहाची कोणताही अधिकृत प्रतिक्रिया समोर आली नाही. यापूर्वी कॉर्पोरेट व्यवहार मंत्रालयाने फेब्रुवारी महिन्यात अदानी समूहाची चौकशी केली होती.

अदानी समूहाचे देशात एकूण सात विमानतळ आहे. बईच्या छत्रपती शिवाजी महाराज आंतरराष्ट्रीय विमानतळाचाही समावेश आहे. अदानी समूहाने हे विमानतळ २०२१ मध्ये खरेदी केले होते. यापूर्वी २०१९ मध्ये सरकारच्या खासगीकरण मोहिमेदरम्यान अदानी समूहाला एकूण ६ विमानतळ मिळाली होती. याशिवाय, नवी मुंबईत नवीन विमानतळाचे बांधकाम सुरु आहे.

आरबीआयकडून बजाज फायनान्ससह दोन बँकांना दणका, ठोठावला मोठा दंड

एमसीएच्या तपासामुळे अदानी समूहाच्या अडचणीत आणखी भर पडली आहे. या वर्षाच्या सुरुवातीला अमेरिकन शॉर्ट सेलर हिंडेनबर्ग रिसर्चने आपल्या अहवालात अदानी कंपनीवर ऑफशोअर टॅक्स हेव्हन्सचा बेकायदेशीर वापर आणि संभाव्य स्टॉक मॅनिपुलेशनचा आरोप केला होता. त्यावेळी अदानी समूहाने हे सर्व आरोपी फेटाळून लावले. मात्र, त्याचा फटका कंपनीच्या शेअर्सना बसला.