Swapnil Kusale : ऑलिम्पिक पदक विजेता स्वप्नील कुसळे याची पुण्यात विजयी मिरवणूक
- पॅरिस ऑलिम्पिक २०२४ मध्ये कांस्य पदक विजेता स्वप्नील कुसळे मायदेशी परतला आहे. स्वप्नील आधी दिल्लीत दाखल झाला. यानंतर तो पुण्यात पोहोचला. पुणे येथे त्याने श्रीमंत दगडूशेठ हलवाई गणपती मंदिरात प्रार्थना केली. यानंतर त्याची पुणे येथे भव्य विजयी मिरवणूक काढण्यात आली. स्वप्नील कुसाळे याने पॅरिस ऑलिम्पिकमध्ये पुरुषांच्या ५० मीटर रायफल ३ पोझिशनमध्ये भारताला कांस्यपदक मिळवून दिले. पात्रता फेरीत सातव्या स्थानावर असलेल्या स्वप्नीलने ८ नेमबाजांच्या अंतिम फेरीत ४५१.४ गुण मिळवत तिसरे स्थान पटकावले. स्वप्नील कुसळे हा कोल्हापूर जिल्ह्यातील राधानगरी तालुक्यातील कांबळवाडी गावचा रहिवासी आहे
