मयंकचा संघात समावेश, रोहित शर्माबाबत BCCI सचिव जय शाह म्हणाले…

paragraph

इंग्लंडविरुद्धच्या एकमेव कसोटी सामन्यासाठी भारतीय संघात मयंक अग्रवालचा समावेश करण्यात आला आहे. रोहित शर्मा लीसेस्टरशायरविरुद्धच्या सराव सामन्यादरम्यान कोरोना पॉझिटिव्ह आढळला, त्यामुळे तो १ जुलैपासून बर्मिंगहॅम येथे होणारा कसोटी सामना खेळू शकेल की नाही यावर सस्पेंस कायम आहे. मात्र, मयंक अग्रवाल बर्मिंगहॅम कसोटी सामन्यापूर्वी संघात सामील होणार असल्याचे बीसीसीआयने जाहीर केले आहे.

मात्र, बर्मिंगहॅम कसोटी सामन्यात रोहित शर्मा खेळणार की नाही, हे भारतीय क्रिकेट बोर्डाने स्पष्ट केलेले नाही.

बीसीसीआयचे सचिव जय शाह यांनी जाहीर केलेल्या प्रसिद्धीपत्रकात रोहित शर्मा हाच संघाचा कर्णधार आहे. अशा परिस्थितीत दुसरा कोणीतरी संघाचा कर्णधार होऊ शकतो, असे म्हणणे चुकीचे ठरेल. पहिली कसोटी सुरू होण्याला आणखी वेळ आहे. जर रोहित सामन्यापूर्वी तंदुरुस्त झाला तर तो सामना खेळेल आणि कर्णधारपदही भूषवताना दिसेल.

या सामन्यासाठी रोहित शर्मा उपलब्ध होणार की नाही, यावर सस्पेन्स कायम आहे. टीम इंडियाकडून कर्णधारपदाबाबत अद्याप कोणतीही घोषणा करण्यात आलेली नाही. सराव सामन्यादरम्यान, जेव्हा रोहित कोविड-१९ पॉझिटिव्ह आढळला होता तेव्हा, संघाचे नेतृत्व जसप्रीत बुमराहने केले होते. जर रोहित हा सामना खेळू शकला नाही तर बुमराह संघाची कमान सांभाळेल, असेही मानले जात आहे. सोबतच, विराट कोहली आणि रिषभ पंत यांच्या नावाचीही चर्चा आहे.

जर रोहित शर्मा उपलब्ध नसेल तर मयंक अग्रवाल शुभमन गिलसह डावाची सुरुवात करताना दिसेल. रोहितचा RTPCR रिपोर्ट उद्या येणार आहे. तो १ जुलैपासून होणारा कसोटी सामना खेळू शकेल की नाही हे उद्यापर्यं ठरणार आहे.

कोरोनामुळेच सामना पुढे ढकलण्यात आला होता-

१ जुलैपासून होणारा कसोटी सामना हा यापूर्वी २०२१ मध्ये होणार होता, परंतु त्यावेळी इंग्लंडमध्ये कोरोनाचा प्रादुर्भाव वाढला होता. त्यानंतर हा सामना पुढे ढकलण्यात आला. पाच सामन्यांच्या मालिकेत भारत २-१ ने आघाडीवर आहे. जर इतर खेळाडूंना कोरोनाची लागण झाली तर या सामन्यात टीम इंडियाला पराभवाचा सामना करावा लागू शकतो.

'मला वाटलं मी मरणार आहे...', Hima Das च्या आयुष्यातला भयानक प्रसंग

<ul><li>सततच्या दुखापतींमुळे हिमा दासच्या कारकिर्दीवर परिणाम झाला आहे. गेल्या वर्षी ऑक्टोबरमध्ये हिमाला कोरोनाचीही लागण झाली होती.</li></ul>

गोलंदाजीत नाही तर फलंदाजीत टीम साऊथीची कमाल, सचिन-डिव्हिलियर्सला मागे टाकले

<ul><li>कसोटी क्रिकेटमध्ये सर्वाधिक षटकार मारण्याचा विक्रम इंग्लंड कसोटी संघाचा विद्यमान प्रशिक्षक आणि माजी किवी कर्णधार ब्रेंडन मॅक्युलमच्या नावावर आहे. ब्रेंडन मॅक्क्युलमने आपल्या कसोटी कारकिर्दीत १०७ षटकार ठोकले आहेत.</li></ul>

वाह काय शॉट आहे! एकदा बघाच; बॉलरपासून फिल्डर, प्रेक्षक सगळेच अवाक

<ul><li>तिसऱ्या आणि शेवटच्या कसोटीत नाणेफेक जिंकून प्रथम फलंदाजी करताना न्यूझीलंडने पहिल्या डावात ३२९ धावा केल्या होत्या. प्रत्युत्तरात इंग्लंडने पहिल्या डावात ३६० धावा करत ३१ धावांची आघाडी घेतली.</li></ul>

World Cup विजेता कॅप्टन इयॉन मॉर्गन निवृत्त? नवा कर्णधार कोण, स्टोक्स की बटलर

<ul><li>इयॉन मॉर्गनने (Eoin Morgan) नेदरलँडविरुद्धच्या मालिकेपूर्वीच निवृत्तीचे संकेत दिले होते. मॉर्गन निवृत्त झाल्यास जोस बटलर (jos butller) &nbsp;इंग्लंडच्या एकदिवसीय आणि टी-२० संघाचा नवा कर्णधार होऊ शकतो.</li></ul>

<ul><li>इंग्लंडविरुद्धच्या कसोटी (england vs india) सामन्यापूर्वी टीम इंडियाचा कर्णधार रोहित शर्माला (rohit sharma) कोरोनाची लागण झाली आहे. अशा परिस्थितीत त्याचा पर्याय म्हणून मयंक अग्रवालला (mayank agarwal) इंग्लंडमध्ये बोलवण्यात आले आहे.</li></ul>

‘T20 साठी नवा कर्णधार शोधा, रोहित शर्माला हटवा’, सेहवागचं खळबळजनक वक्तव्य

टीम इंडिया इंग्लंड दौऱ्यावर आहे. पहिल्या कसोटी सामन्यापूर्वीच संघाचा कर्णधार रोहित शर्मा कोरोनाच्या विळख्यात सापडला आहे. त्यानंतर अनेकांनी आपल्या प्रतिक्रिया दिल्या आहेत. अशातच भारताचा माजी क्रिकेटर विरेंद्र सेहवागनेही एक मोठे वक्तव्य केले आहे.

सेहवाग म्हणाला की, "भारताचा विद्यमान कर्णधार रोहित शर्माच्या जागी इतर खेळाडूकडे टी-२० संघाची कमान सोपवली जाऊ शकते. ३५ वर्षीय रोहित शर्मा याच्यावरील वर्कलोड कमी करण्यासाठी हा निर्णय घेतला जाऊ शकतो", असे सेहवागने म्हटले आहे.

रोहित शर्मा हा तिन्ही फॉरमॅटमध्ये भारताचा कर्णधार झाल्यानंतर त्याला अनेक मालिकांमध्ये खेळता आलेले नाही. दक्षिण आफ्रिका दौऱ्यात तो टीम इंडियासोबत नव्हता. यानंतर त्याला दक्षिण आफ्रिकेविरुद्धच्या भारतातील मालिकेतही विश्रांती देण्यात आली होती. तसेच आता तो इंग्लंडविरुद्धच्या कसोटी सामन्यातूनही बाहेर राहू शकतो.

एक न्युज एजन्सीला बोलताना सेहवाग म्हणाला की, "जर भारतीय संघ व्यवस्थापनाच्या प्लॅनमध्ये टी-२० संघाच्या कर्णधारपदासाठी दुसरे नाव असेल, तर रोहितला टी-२० च्या कर्णधारपदावरून मुक्त केले जाऊ शकते. यामुळे रोहितवरील कामाचा ताण कमी होईल. तसेच, मानसिक तणावातूनही मुक्ती मिळेल. रोहितचे वय लक्षात घेऊन हे आवश्यक आहे".

सेहवाग पुढे म्हणाला की, "जर दुसऱ्या एखाद्या खेळाडूला T20 चे कर्णधारपद देण्यात आले तर, रोहित सहज ब्रेक घेऊ शकेल. यामुळे त्याला कसोटी आणि एकदिवसीय दोन्ही सामन्यांमध्ये भारताचे नेतृत्व करण्यासाठी अधिक चांगल्या प्रकारे तयारी करता येईल".

&nbsp;तसेच, "जर संघ व्यवस्थापनाला तिन्ही फॉरमॅटमध्ये एकच कर्णधार हवा असेल तर रोहित शर्मा हा सर्वोत्तम पर्याय आहे", असेही सेहवागने म्हटले आहे.

<ul><li>रोहित शर्मावरील कामाचा भार कमी करण्यासाठी टी-२० संघाची जबाबदारी दुसऱ्या खेळाडूकडे दिली जाऊ शकते. यामुळे रोहितला वेळोवेळी विश्रांती घेता येईल, असे विरेंद्र सेहवागने म्हटले आहे.</li></ul>

INDvsENG: रोहित शर्मा कसोटी सामना खेळणार नाही? ओपनर मयंक अग्रवालचा  संघात समावेश

भारत आणि इंग्लंड यांच्यातल्या (india vs england) कसोटी सामन्यासाठी मयंक अग्रवालला (mayank agarwal )इंग्लंडमध्ये बोलावण्यात आले आहे. अग्रवाल शुभमन गिलसोबत टीम इंडियासाठी डावाची सुरुवात करू शकतो. भारताचा कर्णधार रोहित शर्माला कोरोनाची लागण झाली आहे. अशा परिस्थितीत रोहितचा पर्याय म्हणून मयंक अग्रवालला इंग्लंडमध्ये पाचारण करण्यात आले आहे.

विमानात बसल्यानंतर मयंकने त्याचा एक फोटोही शेअर केला आहे, ज्यामध्ये तो बर्मिंगहॅमला जात असल्याचे लिहिले आहे. भारताचे दोन महत्त्वाचे सलामीवीर रोहित शर्मा आणि केएल राहुल या सामन्यासाठी उपलब्ध नाहीत. अशा स्थितीत गिल आणि अग्रवाल ही जोडी डावाची सुरुवात करू शकते. मात्र, रोहित कसोटी सामन्यापूर्वी तंदुरुस्त होईल की नाही, हे अद्याप निश्चित झालेले नाही.

भारत आणि इंग्लंड यांच्यातील पहिली कसोटी १ जुलैपासून होणार आहे. अशा परिस्थितीत रोहितकडे अजून तीन दिवसांचा अवधी आहे. जर रोहित शर्मा बरा झाला तर तो भारतीय संघाचे कर्णधारपद भूषवेल आणि गिलसोबत डावाची सुरुवातही करेल. जर तो सामन्यासाठी उपलब्ध होऊ शकला नाही तर रिषभ पंत किंवा विराट कोहली यांना कर्णधार बनवले जाऊ शकते.

मयंक अग्रवालला इंग्लंडमध्ये पोहोचल्यानंतर क्वारंटाईनमध्ये राहावे लागणार नाही. तो थेट टीम इंडियात सामील होईल आणि सरावाला सुरुवात करेल. मयंकने टीम इंडियासाठी यापूर्वी अनेकदा कसोटीत डावाची सुरुवात केली आहे, यादरम्यान त्याचा रेकॉर्डही चांगला आहे. पण आयपीएल २०२२ मध्ये तो चांगली कामगिरी करु शकला नाही. त्यामुळेच त्याचा भारतीय संघात समावेश करण्यात आला नव्हता.

टीम इंडियाचे तीन खेळाडू कोरोना पॉझिटिव्ह-

भारताचा इंग्लंड दौरा सुरू होण्यापूर्वीच तीन भारतीय खेळाडूंना संसर्ग झाला आहे. सर्वप्रथम रविचंद्रन अश्विनला भारतात संसर्ग झाल्याचे आढळून आले होते, त्यामुळे तो संघातील सदस्यांसह इंग्लंडला जावू शकला नाही. अश्विन शेवटी संघात सामील झाला. यानंतर विराट कोहलीलाही कोरोनाचा संसर्ग झाला, मात्र तो वेळेत बरा झाला आहे. आता रोहित शर्मालाही कोरोनाची लागण झाली आहे.

IND vs ENG: कसोटी सामन्याच्या वेळेत बदल, भारतीयांसाठी ECB चा मोठा निर्णय

टीम इंडिया सध्या इंग्लंड (india vs england) दौऱ्यावर आहे. या दौऱ्यात भारतीय संघाला (team india) एक टेस्ट मॅच, तीन टी-20 आणि तितकेच एकदिवसीय आंतरराष्ट्रीय सामने खेळायचे आहेत.

भारत आणि इंग्लंड यांच्यातील कसोटी सामना हा १ जुलैपासून सुरू होणार आहे. मात्र, या सामन्याच्या वेळापत्रकात बदल करण्यात आला आहे. इंग्लंड क्रिकेट बोर्डाने भारतीय प्रेक्षकांसाठी सामना वेळेच्या ३० मिनिटे आधी सुरू करण्याचा निर्णय घेतल्याचे वृत्त आहे. साधारणपणे इंग्लंडमध्ये सकाळी ११ वाजता सामना सुरू होतो, मात्र भारत आणि इंग्लंड यांच्यातील हा सामना सकाळी १०.३० वाजता सुरू होईल. भारतीय वेळेनुसार दुपारी ३ वाजल्यापासून या सामन्याचा आनंद घेता येणार आहे.

भारतीय प्रेक्षकांसाठी दिवसाचा पहिला चेंडू दुपारी ३ वाजता फेकला जाईल. तर रात्री १० वाजेपर्यंत खेळ सुरु राहिल. तसेच, दिवसातील ९० षटके पूर्ण न झाल्यास ३० मिनिटांचा अतिरिक्त वेळ देखील असेल.

मात्र, टी-२० आणि एकदिवसीय मालिकेच्या वेळेत बदल झाल्याची कोणतीही माहिती समोर आलेली नाही. टी-२० सामने भारतीय वेळेनुसार रात्री ११ वाजता खेळवले जाणार आहेत. तर एक सामना सायंकाळी ५:३० वाजता सुरु होईल. तसेच, तीन सामन्यांच्या मालिकेतील दोन एकदिवसीय सामने हे भारतीय वेळेनुसार सायंकाळी ५:३० वाजता सुरू होतील. तर एक वनडे सामना दुपारी ३:३० वाजता सुरु होणार आहे.

इंग्लंड दौऱ्याचं वेळापत्रक-

कसोटी मालिका

५ वा कसोटी सामना: एजबॅस्टन- १-५ जुलै (दुपारी ३ वाजेपासून)

टी-२० मालिका

पहिला टी-२०: ७ जुलै (एजेस बाउल) (रात्री ११ वाजता)

दुसरा टी-२०: ९ जुलै (एजबॅस्टन) (सायंकाळी ७ वाजता)

तिसरा टी-२०: १० जुलै ( ट्रेंट ब्रिज) (रात्री ११ वाजता)

एकदिवसीय मालिका

पहिला वन-डे: १२ जुलै (ओव्हल) (दुपारी ५:३० वाजेपासून)

दुसरा वन-डे: १४ जुलै (लॉर्ड्स) (दुपारी ५:३० वाजेपासून)

तिसरा वन-डे: १७ जुलै (मँचेस्टर) (दुपारी ३:३० वाजेपासून)

<ul><li>भारत आणि इंग्लंड यांच्यात १ जुलैपासून सुरू होणाऱ्या कसोटी सामन्याच्या वेळापत्रकात बदल करण्यात आला आहे. ईसीबीने (ECB) &nbsp;भारतीय प्रेक्षकांसाठी सामना वेळेच्या ३० मिनिटे आधी सुरू करण्याचा निर्णय घेतल्याचे वृत्त आहे.</li></ul>

VIDEO: आता ‘हे’ अति होतंय; रिषभ पंत सुधारणार तरी कधी, टीम इंडिया पराभूत होऊ शकते

टीम इंडियाच्या इंग्लंड दौऱ्यातील (india vs england) कसोटी सामना सुरू होण्यापूर्वी भारताच्या तीन खेळाडूंना कोरोनाची लागण झाली आहे. रविचंद्रन अश्विन आणि विराट कोहली (virat kohli) यांच्यानंतर रोहित शर्मालाही (rohit sharma) कोरोनाची लागण झाल्याचे निष्पन्न झाले आहे. त्यामुळे आता एकमेव कसोटीत त्याचे खेळणे संशयाच्या भोवऱ्यात सापडले आहे. असे असूनही भारतीय खेळाडू अजूनही सतर्क नसल्याचे दिसून येत आहे.

आता रिषभ पंतचा एक व्हिडिओ समोर आला आहे, ज्यामध्ये तो चाहत्यांमध्ये सेल्फी घेत आहे. यापूर्वी रोहित शर्मा आणि विराट कोहली लंडनमध्ये मास्कशिवाय फिरताना आणि चाहत्यांसोबत सेल्फी घेताना दिसले होते.

<blockquote class="twitter-tweet">Ground announcer at the <a href="https://twitter.com/hashtag/IndiaTourMatch?src=hash&amp;ref_src=twsrc%5Etfw">#IndiaTourMatch</a>: “During the course of <a href="https://twitter.com/hashtag/LEIvIND?src=hash&amp;ref_src=twsrc%5Etfw">#LEIvIND</a>, India’s players will not be signing autographs or taking selfies with any fans.” Rishabh Pant: <a href="https://t.co/tVtMcG29iQ">pic.twitter.com/tVtMcG29iQ</a>&mdash; Nakul Pande (@NakulMPande) <a href="https://twitter.com/NakulMPande/status/1540668990875475968?ref_src=twsrc%5Etfw">June 25, 2022</a></blockquote> <script async src="https://platform.twitter.com/widgets.js" charset="utf-8"></script>

सराव सामन्यादरम्यान प्रेक्षकांनी पंतला ऑटोग्राफऐवजी आपल्यासोबत सेल्फी घेण्यास सांगितले. तेव्हा ब्रॉडकास्टरने सांगितले की, भारतीय खेळाडू प्रेक्षकांमध्ये जाणार नाहीत. यासोबतच कोणताही खेळाडू ऑटोग्राफही देणार नाही. पण पंतने हा नियम मोडला. तो चाहत्यांमध्ये गेला आणि त्यांच्या खांद्यावर हात ठेवून सेल्फी देखिल काढला आहे.

रिषभ पंतने फोटो काढल्यानंतर सर्व चाहते खूप आनंदी दिसले. मात्र, पंतची ही बेफिकीर वृत्ती टीम इंडियाला अडचणीत आणू शकते. कर्णधार रोहितनंतर पंतसारख्या महत्त्वाच्या खेळाडूला कोरोनाची लागण झाल्यास टीम इंडिया अडचणीत येऊ शकते. या कारणास्तव भारतीय खेळाडूंना चाहत्यांसोबत फोटो घेणे आणि ऑटोग्राफ देणे टाळण्यास सांगितले होते, परंतु पंतने या नियमाकडे दुर्लक्ष केले आणि प्रेक्षकांमध्ये सेल्फी घेतला.

कर्णधाप पदासाठी रिषभ पंतच्या नावाची चर्चा-

रिषभ पंत हा इंग्लंडविरुद्धच्या कसोटी सामन्यात कर्णधारपदाचा दावेदार आहे. जर कर्णधार रोहित शर्मा कोरोनामुळे कसोटी सामना खेळू शकला नाही तर रिषभ पंतला कर्णधार बनवता येईल. अशात त्याला काही झाले तर भारतीय संघ अडचणीत येऊ शकतो. त्यानंतर विराट कोहली किंवा जसप्रीत बुमराह यांना कर्णधारपद भूषवण्याची जबाबदारी येऊ शकते.

<ul><li>रिषभ पंतने (rishabh pant) नियम मोडून चाहत्यांमध्ये सेल्फी घेतली. त्याची ही स्टाईल चाहत्यांना खूप आवडली, पण पंतला कोरोनाची लागण झाल्यास भारतीय संघ (team india) अडचणीत येऊ शकतो.</li></ul>

इंडियन्स काहीही करु शकतात! ‘हे’ कसं शक्य आहे? 

भारतीय चाहत्यांना जितके क्रिकेटचे वेड आहे, तेवढे तुम्हाला दुसरे कोणत्याच देशात पाहायला मिळणार नाही. भारतीय क्रिकेट चाहते क्रिकेटसाठी काहीही करु शकतात. अशाच पद्धतीने टीम इंडियाच्या चाहत्यांनी तीन दिवसात एका छोट्याशा YouTube चॅनलला स्टार बनवले आहे.

टीम इंडिया सध्या इंग्लंड दौऱ्यावर आहे. या दौऱ्यात भारतीय संघाला एक टेस्ट मॅच, तीन टी-20 आणि तितकेच एकदिवसीय आंतरराष्ट्रीय सामने खेळायचे आहेत. कसोटी सामन्यापूर्वी भारतीय संघ लीसेस्टरशायर विरुद्ध सराव सामना खेळत आहे. या सराव सामन्याच्या पहिल्या तीन दिवसातच लीसेस्टरशायर क्रिकेट क्लबच्या YouTube चॅनेलने गगन भरारी घेतली आहे.

तुम्हाला हे जाणून आश्चर्य वाटेल की, ज्या यूट्यूब चॅनलचे सराव सामन्यापूर्वी ५० हजारही सबस्क्राइबर्स नव्हते, आज त्या चॅनलचे १.५ लाखांहून अधिक सब्सक्राइबर्स झाले आहेत. हा चमत्कार दुसरे तिसरे कोणी केला नसून टीम इंडियाच्या चाहत्यांची ही करामत आहे. ज्यांना जगाच्या कोणत्याही कोपऱ्यात कोणत्याही मैदानावर आपल्या खेळाडूंना पाहायला आवडते.

यापूर्वी लीसेस्टर संघाच्या या यूट्यूब चॅनलवर ८८५ हून अधिक व्हिडिओ अपलोड करण्यात आले होते, परंतु क्वचितच एखाद्या व्हिडिओला एक लाख व्ह्यूज मिळायचे. पण टीम इंडियाच्या सराव सामन्याचे लाइव्ह स्ट्रीमिंग ५ मिलियन व्ह्यूजवर पोहोचले आहे. पहिल्या दिवशी ४.६ दशलक्ष, दुस-या दिवशी ३.७ दशलक्ष आणि तिसर्‍या दिवशी ५ दशलक्ष व्ह्यूजची नोंद केली गेली. यामुळे या यूट्यूब चॅनलने नवीनच विक्रम प्रस्थापित केला आहे.

आश्चर्याची गोष्ट म्हणजे, जेव्हा हा सराव सामना सुरू झाला नव्हता (२१ जून २०२२), तोपर्यंत Foxes TV च्या सबस्क्राईबर्सची संख्या ४७ हजारांच्या आसपास होती, पण २६ जून २०२२ नंतर या YouTube चॅनेलच्या सबस्क्राईबर्सची संख्या १ लाख ९५ हजारांच्या पुढे गेली आहे. यावरून भारतीय क्रिकेट चाहत्यांमध्ये क्रिकेट सामना पाहण्याची क्रेझ दिसून येते, ज्यांनी एका छोट्याशा YouTube चॅनेलला काही दिवसांत स्टार बनवले आहे.

<ul><li>टीम इंडिया सध्या इंग्लंड दौऱ्यावर आहे. या दौऱ्यात भारतीय संघाला एक टेस्ट मॅच, तीन टी-20 आणि तितकेच एकदिवसीय आंतरराष्ट्रीय सामने खेळायचे आहेत. कसोटी सामन्यापूर्वी भारतीय संघ लीसेस्टरशायर विरुद्ध सराव सामना खेळत आहे.</li></ul>

INDvsENG: जसप्रीत बुमराह टीम इंडियाचा कर्णधार? विराट, पंतचंही नाव चर्चेत

भारत आणि इंग्लंड यांच्यातील कसोटी सामना सुरू होण्यापूर्वी टीम इंडियाला मोठा झटका बसला. कर्णधार रोहित शर्माला कोरोनाची लागण झाली आहे. आता रोहित कसोटी सामन्यात खेळणार की नाही, यावर प्रश्नचिन्ह निर्माण झाले आहेत. रोहित नाही खेळल्यास रिषभ पंतला टीम इंडियाचा कर्णधार बनवले जाऊ शकते, पण पंतसोबत या महत्वपूर्ण सामन्यासाठी माजी कर्णधार विराट कोहली आणि जसप्रीत बुमराहच्या नावाचाही कर्णधारपदासाठी विचार होऊ शकतो.

विशेष म्हणजे, या मालिकेतील पहिले चार सामने हे विराटच्याच नेतृत्वाखाली खेळले गेले होते. मात्र त्यावेळी कोरोनाचा प्रादूर्भाव वाढल्यामुळे पाचवा सामना पुढे ढकलण्यात आला होता. यानंतर दक्षिण आफ्रिकेविरुद्धच्या कसोटी मालिकेनंतर विराटने सर्व फॉरमॅटचे कर्णधारपद सोडले होते. या मालिकेत रोहित शर्मा भारताचे नेतृत्व करणार होता, मात्र त्याला कोरोनाची लागण झाली आहे.

विराट कोहली पुन्हा होऊ शकतो टीम इंडियाचा कर्णधार -

विराट कोहली हा पहिला भारतीय कर्णधार आहे, ज्याने टीम इंडियाला ऑस्ट्रेलियात कसोटी मालिकेत विजय मिळवून दिला. आता त्याला इंग्लंडमध्येही हा पराक्रम करण्याची संधी मिळणार आहे. मात्र, विराटपूर्वी भारताच्या तीन कर्णधारांनी इंग्लंडमध्ये कसोटी मालिका जिंकली आहे. जर विराटने शेवटच्या सामन्यात कर्णधारपद भूषवले आणि भारताने हा सामना जिंकून मालिका जिंकली तर विराट हा पहिला कर्णधार बनू शकतो, जो तीन सामने जिंकून मालिका आपल्या नावावर करेल. याआधी कोणत्याही कर्णधाराला इंग्लंडविरुद्धच्या मालिकेत तीन सामने जिंकता आलेले नाहीत.

रिषभ पंतच्या नावाचीही चर्चा-&nbsp;

रिषभ पंतने अलीकडेच दक्षिण आफ्रिकेविरुद्धच्या T20 मालिकेत पहिल्यांदाच भारतीय संघाचे नेतृत्व केले. कर्णधार म्हणून पंतने पहिले दोन सामने गमावले होते. यानंतर उर्वरित दोन सामने जिंकून मालिकेत बरोबरी साधली. पाचवा सामना पावसामुळे रद्द झाला. त्यामुळे मालिका अनिर्णित राहिली. मात्र, कर्णधार म्हणून पंतने बॅटिंगमध्ये खूप निराशा केली आहे. प्रत्येक वेळी तो ऑफ स्टंपच्या बाहेरील चेंडूवर बाद झाला आहे. या कसोटीत पंतने कर्णधारपद स्वीकारले तर कर्णधारपदासोबत फलंदाजीचाही दबाव त्याच्यावर असेल.

जसप्रीत बुमराहही कसोटी संघाच्या कर्णधारपदाचा मोठा दावेदार-

रोहित शर्माला कोरोना झाल्यानंतर जसप्रीत बुमराहचे नावही भारताच्या भावी कर्णधाराच्या यादीत सामील झाले आहे. बुमराहची प्रथम श्रीलंकेविरुद्धच्या घरच्या T20I मालिकेत उपकर्णधार म्हणून नियुक्ती करण्यात आली होती. आता तो कसोटी संघाच्या कर्णधारपदाचा दावेदार मानला जात आहे. जसप्रीत बुमराह हा सध्या भारतीय संघाचा अविभाज्य भाग आहे. तसेच, तो तिन्ही फॉरमॅटमध्ये टीम इंडियाचे प्रतिनिधित्व करतो. त्यामुळे जसप्रीत बुमराहकडे टीम इंडियाची जबाबदारी सोपवली तरी आश्चर्य वाटायला नको.

<ul><li>रोहित शर्माला कोरोना झाल्यानंतर जसप्रीत बुमराहचे नावही भारताच्या भावी कर्णधाराच्या यादीत सामील झाले आहे. बुमराहची प्रथम श्रीलंकेविरुद्धच्या घरच्या T20I मालिकेत उपकर्णधार म्हणून नियुक्ती करण्यात आली होती.</li></ul>

Breaking : कर्णधार Rohit Sharma कोरोना पॉझिटिव्ह; सराव सामन्यातून बाहेर

Rohit sharma latest news : दक्षिण आफ्रिकेसोबतची मालिक संपल्यानंतर आता भारत आणि इंग्लंडमध्ये १ जुलैपासून एकमेव कसोटी सामना खेळवला जाणार आहे. परंतु या सामन्याआधीच टिम इंडियासाठी धक्कादायक माहिती समोर आली आहे. कर्णधार रोहित शर्माला कोरोनाची लागण झाली आहे. त्याची रॅपिड अँटीजेन चाचणी केली असता त्यात तो पॉझिटिव्ह आला असून त्याला सराव सामन्यातूनही वगळण्यात आलं आहे. यासंदर्भातली माहिती भारतीय क्रिकेट नियामक मंडळानं दिली आहे.

टिम इंडिया आणि लीसेस्टरशायरमध्ये खेळवल्या जाणाऱ्या ४ दिवसीय सराव सामन्यात रोहित शर्मा खेळत होता. त्यानं पहिल्या डावात फलंदाजी देखील केली. मात्र दुसऱ्या डावाआधी त्याला कोरोनाची लागण झाल्यानं तो खेळू शकला नाही. त्यामुळं भारतीय संघाकडून युवा फलंदाज केएस भरतला सलामीवीर म्हणून पाठवण्यात आलं. बीसीसीआयनं दिलेल्या माहितीनुसार रोहितला सध्या वैद्यकीय पथकाच्या देखरेखीखाली आयसोलेशनमध्ये ठेवण्यात आलेलं आहे.

<blockquote class="twitter-tweet">UPDATE - <a href="https://twitter.com/hashtag/TeamIndia?src=hash&amp;ref_src=twsrc%5Etfw">#TeamIndia</a> Captain Mr Rohit Sharma has tested positive for COVID-19 following a Rapid Antigen Test (RAT) conducted on Saturday. He is currently in isolation at the team hotel and is under the care of the BCCI Medical Team.&mdash; BCCI (@BCCI) <a href="https://twitter.com/BCCI/status/1540810550820716544?ref_src=twsrc%5Etfw">June 25, 2022</a></blockquote> <script async src="https://platform.twitter.com/widgets.js" charset="utf-8"></script>

आश्विन आणि विराटही झाले होते कोरोना पॉझिटिव्ह...

इंग्लंडविरुजद्धच्या मालिकेसाठी १६ जूनला भारतीय संघ इंग्लंडला रवाना झाला होता. परंतु त्यावेळी टीम इंडियाचा स्टार ऑफस्पिनर रविचंद्रन अश्विन कोरोनाची लागण झाल्यामुळं टीमसोबत गेला नाही. याशिवाय गेल्या आठवड्यात लंडनला पोहचलेला धडाकेबाज फलंदाज आणि माजी भारतीय कर्णधार विराट कोहली यालाही कोरोनाची लागण झाल्याची माहिती समोर आली होती. परंतु या दोन्ही खेळाडूंनी कोरोनावर मात केली असून ते आता टिमसोबत आहेत.

विराट कोहलीनंतर आजच्या घडीला रोहित शर्मा हाच तिन्ही फॉरमॅटमध्ये टीम इंडियाचा सर्वोत्तम फलंदाज आहे. रोहित शर्माने आंतरराष्ट्रीय क्रिकेटमध्ये १५ हजारांहून अधिक धावा केल्या आहेत. एवढेच नाही तर रोहित शर्मा हा जगातील एकमेव असा खेळाडू आहे, ज्याने वनडे क्रिकेटमध्ये ३ द्विशतके झळकावली आहेत. रोहित शर्माच्या फलंदाजीत खरा बदल हा सलामीवीर बनल्यानंतर झाला, त्यानंतर त्याने मागे वळून पाहिले नाही.

<ul><li>Rohit sharma corona positive : विराट कोहली आणि आर आश्विन नंतर भारतीय क्रिकेट संघाचा कर्णधार रोहित शर्मा हा कोरोना पॉझिटिव्ह झाला आहे. भारतीय क्रिकेट नियामक मंडळानं यासंदर्भात ट्विटरवरून माहिती दिली आहे.</li></ul>

आधी शुन्यावर त्रिफळ उडवला, अन् नंतर...शमी-पुजाराचा व्हिडीओ व्हायरल

भारतीय संघ लीसेस्टरशायरविरुद्ध (india vs leicestershire) चार दिवसीय सराव सामना खेळत आहे. भारताने पहिल्या दिवशी ८ बाद २४६ धावा केल्या होत्या. दुसऱ्या दिवसाच्या खेळाला सुरुवात झाल्यानंतर भारतीय कर्णधार रोहित शर्माने आहेत त्याच धावसंख्येवर डाव घोषित केला.

या सराव सामन्यात भारताचे चार खेळाडू लीसेस्टरशायर संघाकडून खेळत आहेत. यात चेतेश्वर पुजारा, ऋषभ पंत, प्रसिद्ध कृष्णा आणि जसप्रीत बुमराह यांचा समावेश आहे. भारतीय खेळाडूंना सरावाची जास्तीत जास्त संधी मिळावी, त्यामुळे या खेळाडूंना दुसऱ्या संघाकडून खेळवण्याचा निर्णय घेण्यात आला. मात्र, असे असूनही पुजारा फलंदाजीत फार काही करू शकला नाही.

<blockquote class="twitter-tweet">☝️ | 𝐏𝐮𝐣𝐚𝐫𝐚 𝐛 𝐒𝐡𝐚𝐦𝐢. A second wicket for Shami. He dismisses his <a href="https://twitter.com/BCCI?ref_src=twsrc%5Etfw">@BCCI</a> teammate, as Pujara drags on. Evison joins Kimber (28*). 🦊 LEI 34/2 𝐋𝐈𝐕𝐄 𝐒𝐓𝐑𝐄𝐀𝐌: <a href="https://t.co/APL4n65NFa">https://t.co/APL4n65NFa</a> 👈 🦊 <a href="https://twitter.com/hashtag/IndiaTourMatch?src=hash&amp;ref_src=twsrc%5Etfw">#IndiaTourMatch</a> | <a href="https://twitter.com/hashtag/LEIvIND?src=hash&amp;ref_src=twsrc%5Etfw">#LEIvIND</a> | <a href="https://twitter.com/hashtag/TeamIndia?src=hash&amp;ref_src=twsrc%5Etfw">#TeamIndia</a> <a href="https://t.co/ANf2NfhUAy">pic.twitter.com/ANf2NfhUAy</a>&mdash; Leicestershire Foxes 🏏 (@leicsccc) <a href="https://twitter.com/leicsccc/status/1540278964459028482?ref_src=twsrc%5Etfw">June 24, 2022</a></blockquote> <script async src="https://platform.twitter.com/widgets.js" charset="utf-8"></script>

लीसेस्टरशायरकडून खेळताना पुजारा शुन्यावर पॅव्हेलियनमध्ये परतला. त्याला मोहम्मद शमीने क्लीन बोल्ड केले. पुजाराने बाद होण्यापूर्वी सहा चेंडू खेळले. पुजाराला बाद केल्यानंतर शमीने जल्लोष केला. शमाने पुजाराच्या जवळ जाऊन त्याला मिठी मारली. त्याचा हा व्हिडीओ सोशल मीडियावर खूप पसंत केला जात आहे. इंग्लिश काऊंटी क्रिकेटमध्ये केलेल्या उत्कृष्ट फलंदाजीमुळे पुजाराला इंग्लंडविरुद्धच्या एकमेव कसोटीसाठी संघात स्थान देण्यात आले आहे. या वर्षी फेब्रुवारीमध्ये श्रीलंकेविरुद्धच्या कसोटी मालिकेतून पुजाराला वगळण्यात आले होते. पुजाराने काऊंटीमध्ये दोन द्विशतके झळकावली आहेत.

लिसेस्टरशायरने दुसऱ्या सत्रापर्यंत ६ बाद २०४ धावा केल्या आहेत. रिषभ पंत ७२ धावांवर तर रोमन वॉकर २५ धावांवर खेळत आहेत. लिसेस्टरशायरचा संघ आणखीन ४२ धावांनी पिछाडीवर आहे.

तत्पूर्वी, केएस भरतच्या नाबाद ७० धावांच्या जोरावर भारताने ८ बाद २४६ धावा केल्या. भरतशिवाय एकाही फलंदाजाला मोठी खेळी खेळता आली नाही. कोहली ३३, रोहित शर्मा २५ आणि शुभमन गिल २१ धावा करून बाद झाले. श्रेयस अय्यरला खातेही उघडता आले नाही. रवींद्र जडेजा 13 आणि हनुमा विहारी तीन धावा करून बाद झाला.

<ul><li>लिसेस्टरशायरने दुसऱ्या सत्रापर्यंत ६ बाद २०४ धावा केल्या आहेत. रिषभ पंत ७२ धावांवर तर रोमन वॉकर २५ धावांवर खेळत आहेत. लिसेस्टरशायरचा संघ आणखीन ४२ धावांनी पिछाडीवर आहे.</li></ul>

विराटचा फसलेला प्रयोग, जो रुटने करुन दाखवलं; किंग कोहली मात्र अपयशी

भारतीय संघ सध्या इंग्लंड (india vs england) दौऱ्यावर आहे. या दौऱ्यावर टीम इंडिया (team india) एक टेस्ट मॅच, तीन वन-डे आणि तीन टी-२० सामन्यांची मालिका खेळणार आहे. मालिकेपूर्वी भारतीय संघ ग्रेस रोड मैदानावर आजपासून लीसेस्टरशायरविरुद्ध (Leicestershire) सराव सामना (Warm-up-Match) खेळत आहे.

या सामन्यादरम्यान विराट कोहली हा इंग्लंडचा दिग्गज फलंदाज जो रुटची नक्कल करताना दिसला. विराट हा ज्यो रुटप्रमाणेच मैदानात जादूचे प्रयोग करताना दिसला. विराट आपली बॅट कोणत्याही आधाराशिवाय जमीनीवर उभी करण्याचा प्रयत्न करत होता. विराटने पहिल्या डावात ६९ चेंडूत ३३ धावा केल्या.

दरम्यान, जो रुट याने न्युझीलंडविरुद्धच्या एका कसोटीत कोणत्याही अधाराशिवाय बॅट जमिनीवर उभी केली होती. त्यावेळी रुटचे हात हे बॅटपासून दुर असलेले पाहायला मिळाले होते. हे कसं काय शक्य झालं याची चर्चा त्यावेळी सोशल मीडियावर रंगली होती.

असाच काहीसा प्रयत्न विराट कोहली आजच्या सामन्यात करताना दिसला. परंतू विराटचा हा प्रयोग सपशेल फसला. आधाराशिवाय बॅट उभी करणे विराटला जमले नाही.

<blockquote class="twitter-tweet">After Joe roots magic which was seen on the pitch by balancing the bat <a href="https://twitter.com/imVkohli?ref_src=twsrc%5Etfw">@imVkohli</a> trying the same 😂 <a href="https://t.co/TUZpAUJSA1">pic.twitter.com/TUZpAUJSA1</a>&mdash; Yashwanth (@bittuyash18) <a href="https://twitter.com/bittuyash18/status/1539931635000688642?ref_src=twsrc%5Etfw">June 23, 2022</a></blockquote> <script async src="https://platform.twitter.com/widgets.js" charset="utf-8"></script>

या सराव सामन्यात भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे. मात्र हा निर्णय संघाच्या पूर्णपणे अंगलट आला. लीसेस्टरशायरच्या गोलंदाजांसमोर भारतीय फलंदाजी पुर्णपणे ढेपाळल्याचे दिसली.

दरम्यान, भारताने पहिल्या दिवसातील तिसऱ्या सत्रापर्यंत ८ बाद २१४ धावा केल्या आहेत. श्रीकर भरत ५६ धावांवर खेळत आहे. त्यापूर्वी भारताचा निम्मा संघ ८१ धावांवर पॅव्हेलियनमध्ये परतला होता. भारताचे सलामीवी कर्णधार रोहित शर्माने ४७ चेंडूत २५ धावा केल्या, तर शुभमन गिलने २१ धावांचे योगदान दिले. त्याचवेळी हनुमा विहार ३ तर श्रेयस अय्यर शुन्यावर बाद झाला. याशिवाय अष्टपैलू रवींद्र जडेजा १३ धावांवर बाद झाला.

त्यानंतर भरत आणि विराट कोहली यांनी भारताचा डाव सावरण्याचा प्रयत्न केला. मात्र, रोमन वॉकर याने विराटला पायचीत करुन ही जोडी फोडली. विराटने ६९ चेंडूत ३३ धावा केल्या.

<ul><li>भारताचे सलामीवी (team india) कर्णधार रोहित शर्माने (rohit sharma) ४७ चेंडूत २५ धावा केल्या, तर शुभमन गिलने २१ धावांचे योगदान दिले. त्याचवेळी हनुमा विहार ३ तर श्रेयस अय्यर शुन्यावर बाद झाला.</li></ul>

'विराट सर…' सामना पाहायला आलेल्या मुलाचं पोस्टर चर्चेत...

भारतीय संघ सध्या इंग्लंड (india vs england) दौऱ्यावर आहे. या दौऱ्यावर टीम इंडिया (team india) एक टेस्ट मॅच, तीन वन-डे आणि तीन टी-२० सामन्यांची मालिका खेळणार आहे.

मालिकेपूर्वी भारतीय संघ ग्रेस रोड मैदानावर आजपासून लीसेस्टरशायरविरुद्ध (Leicestershire) सराव सामना (Warm-up-Match) खेळत आहे. या ४ दिवसीय सराव सामन्यादरम्यान एका मुलाने मैदानात दाखवलेले पोस्टर प्रचंड व्हायरल होत आहे. भारत आणि लीसेस्टरशायर यांच्यातील सराव सामना पाहण्यासाठी हा मुलगा आला आहे. या मुलाने त्याच्या पोस्टरवर लिहिले आहे की, "विराट सर तुम्ही बेस्ट आहात, तुम्हाल पाहण्यासाठी मी माझी शाळा बुडवून आलो आहे".

<blockquote class="twitter-tweet">Young Virat Kohli fan watching the warm-up match. <a href="https://t.co/cvroYjRoCi">pic.twitter.com/cvroYjRoCi</a>&mdash; Johns. (@CricCrazyJohns) <a href="https://twitter.com/CricCrazyJohns/status/1539912280422330368?ref_src=twsrc%5Etfw">June 23, 2022</a></blockquote> <script async src="https://platform.twitter.com/widgets.js" charset="utf-8"></script>

भारत आणि लीसेस्टरशायर यांच्यातील सराव सामना पाहण्यासाठी आलेल्या या मुलाचे पोस्टर सोशल मीडियावर चांगलेच व्हायरल होत आहे.

दरम्यान, या सराव सामन्यात भारतीय कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे. मात्र हा निर्णय संघाच्या पूर्णपणे अंगलट आला. लीसेस्टरशायरच्या गोलंदाजांसमोर भारतीय फलंदाजी पुर्णपणे ढेपाळल्याचे दिसली.

पावसामुळे खेळ काही काळासाठी थांबवण्यात आला आहे. भारताच्या पाच विकेट्स पडल्या आहेत. खेळ थांबण्यापूर्वी भारताने ३७.२ षटकात १३३ धावा केल्या आहेत. विराट कोहली ३२ आणि केएस भरत ११ धावांवर खेळत आहेत. त्यापूर्वी भारताचा निम्मा संघ ८१ धावांवर पॅव्हेलियनमध्ये परतला होता. भारताचे सलामीवी कर्णधार रोहित शर्माने ४७ चेंडूत २५ धावा केल्या, तर शुभमन गिलने २१ धावांचे योगदान दिले. त्याचवेळी हनुमा विहार ३ तर श्रेयस अय्यर शुन्यावर बाद झाला. याशिवाय अष्टपैलू रवींद्र जडेजा १३ धावांवर बाद झाला.

<ul><li>पावसामुळे खेळ काही काळासाठी थांबवण्यात आला आहे. भारताच्या पाच विकेट्स पडल्या आहेत. खेळ थांबण्यापूर्वी भारताने ३७.२ षटकात १३३ धावा केल्या आहेत.</li></ul>

वाह! करिअर असावं तर Rohit Sharma सारखं, १५ वर्षांपूर्वी झाला होता हिटमॅनचा उदय

टीम इंडियाचा (team india) कर्णधार रोहित शर्मासाठी (Rohit sharma) २३ जून हा दिवस खूप खास आहे. रोहित शर्माने २३ जून २००७ रोजी पहिल्यांदा टीम इंडियाची जर्सी घातली होती. ३५ वर्षीय रोहितने १५ वर्षांपूर्वी याच दिवशी आयर्लंडविरुद्धच्या एकदिवसीय सामन्यातून आंतरराष्ट्रीय क्रिकेटमध्ये पदार्पण केले होते.

आज १५ वर्षांनंतर रोहित शर्माने तिन्ही क्रिकेटच्या फॉरमॅटमध्ये आपले वर्चस्व प्रस्थापित केले आहे. आज त्याने टीम इंडियासोबतच्या १५ वर्षांच्या प्रवासाचे वर्णन केले आहे. यावेळी रोहित शर्माने या खडतर प्रवासात ज्यांनी त्याची साथ दिली त्या सर्व लोकांचे आभार मानले आहेत.

रोहितने एक अतिशय खास नोट लिहिली आहे. त्यात त्याने म्हटले आहे की, “आज मी आंतरराष्ट्रीय क्रिकेटमध्ये १५ वर्षे पूर्ण केली आहेत. १५ वर्षांपूर्वी याच दिवशी मी भारतासाठी पदार्पण केले होते. आतापर्यंतचा हा प्रवास खूप छान झाला आहे. हा एक असा प्रवास आहे, ज्याचा आनंद मी आयुष्यभर घेत राहिन".

<blockquote class="twitter-tweet">𝟭𝟱 𝘆𝗲𝗮𝗿𝘀 in my favourite jersey 👕 <a href="https://t.co/ctT3ZJzbPc">pic.twitter.com/ctT3ZJzbPc</a>&mdash; Rohit Sharma (@ImRo45) <a href="https://twitter.com/ImRo45/status/1539844623853813760?ref_src=twsrc%5Etfw">June 23, 2022</a></blockquote> <script async src="https://platform.twitter.com/widgets.js" charset="utf-8"></script>

रोहित शर्माने नोटमध्ये पुढे लिहिले की, “आज मी त्या सर्व लोकांचे आभार मानू इच्छितो, जे या प्रवासात माझ्यासोबत आहेत. मी त्या लोकांचा सदैव ऋणी राहीन ज्यांनी मला आज या स्तरापर्यंत पोहोचण्यास मदत केली आहे".

सोबतच, “क्रिकेटवर प्रेम करणाऱ्या चाहत्यांचे प्रेम आणि त्यांचा पाठिंबा हाच आम्हाला संघाला पुढे घेऊन जाण्यात मदत करत असतो", असेही रोहितने म्हटले आहे.

विराटनंतर रोहित शर्मा हाच सर्वोत्तम खेळाडू-

रोहित शर्माचे करिअर-

रोहित शर्माने आतापर्यंत ४५ कसोटी, २३० एकदिवसीय आणि १२५ टी-२० आंतरराष्ट्रीय सामन्यांमध्ये टीम इंडियाचे प्रतिनिधित्व केले आहे. यादरम्यान त्याने एकदिवसीय सामन्यांमध्ये ९ हजार २८३, कसोटीत ३ हजार १३७ तर टी-२० आंतरराष्ट्रीय सामन्यांमध्ये ३ हजार ३१३ धावा केल्या आहेत. रोहितच्या नावावर कसोटीत ८, एकदिवसीय सामन्यांमध्ये २९ आणि टी-२० आंतरराष्ट्रीय सामन्यांमध्ये ४ शतके आहेत.

<ul><li>विराट कोहलीनंतर (virat kohli) आजच्या घडीला रोहित शर्मा (rohit sharma) हाच तिन्ही फॉरमॅटमध्ये टीम इंडियाचा (team india) सर्वोत्तम फलंदाज आहे. रोहित शर्माने आंतरराष्ट्रीय क्रिकेटमध्ये १५ हजारांहून अधिक धावा केल्या आहेत.</li></ul>

Rohit Sharma

Marathi Sports News: Find each and every latest update from the world of sports in Marathi l.Read trending and live news updates on cricket, football, tennis, hockey, IPL and much more on Hindustan Times Marathi. क्रीडा बातम्या HT Marathi