Neeraj Chopra: प्रत्येक स्पर्धेत पदकांची कमाई करणाऱ्या नीरजचा आजवरचा प्रवास

paragraph

<ul><li>राष्ट्रकुल २०२२ स्पर्धा (Commonwealth Games 2022) तोंडावर आली आहे. २८ जुलैपासून बर्मिंगहममध्ये या खेळांना सुरुवात होणार आहे. स्पर्धेत भारताचा २१५ सदस्यीय संघ सामील होणार आहे. यात १०८ पुरूष आणि १०७ महिला खेळाडूंचा समावेश आहे. या स्पर्धेत भारताला नीराज चोप्राकडून (neeraj chopra) सर्वाधिक आशा आहेत. नीरजने नुकतेच जागतिक चॅम्पियनशिपमध्ये रौप्य पदक पटकावून इतिहास रचला आहे. तसेच त्याने टोकियो ऑलिम्पिकमध्ये सुवर्णपदक पटकावले होते.</li></ul>

CWG : मिल्खा सिंग यांनी जिंकल होतं पहिलं सुवर्ण, २० वर्षांपासून भारत टॉप ५ मध्ये

राष्ट्रकुल क्रीडा स्पर्धेत भारताचे पहिले पदक कुस्तीपटू रशीद अन्वरने १९३४ लंडन येथे झालेल्या खेळांमध्ये जिंकले होते. त्याच वर्षी &nbsp;भारताने प्रथमच या खेळांमध्ये सहभाग घेतला होता. त्यावर्षी म्हणजेच भारताच्या पहिल्या स्पर्धेत भारतीय तुकडीमध्ये ६ खेळाडूंचा समावेश होता, त्या खेळाडूंनी ऍथलेटिक्स आणि कुस्तीमध्ये भाग घेतला होता.

मात्र, भारताला या खेळांमध्ये पहिले सुवर्ण मिळवण्यासाठी २४ वर्षे वाट पाहावी लागली. भारताला पहिले सुवर्णपदक १९५८ मध्ये कार्डिफ येथे फ्लाइंग शीख मिल्खा सिंग यांनी मिळवून दिले होते. &nbsp;भारताने या स्पर्धेत आतापर्यंत ५०३ पदके जिंकली आहेत. २००२ च्या मँचेस्टरच्या राष्ट्रकुलपासून गेल्या वेळेसच्या राष्ट्रकुल स्पर्धेपर्यंत भारत पदकतालिकेत टॉप पाच देशांमध्येच राहिला आहे.

मिल्खा सिंग यांच्यानंतर कृष्णा पुनिया हिने ५२ वर्षांनी जिंकले सुवर्ण-

डिस्कस थ्रोअर (थाळी फेक) कृष्णा पुनियाने २०१० च्या दिल्ली येथे झालेल्या खेळांमध्ये ट्रॅक आणि फील्डमध्ये दुसरे सुवर्णपदक जिंकले होते. मिल्खा सिंग यांच्या यशानंतर (१९५८ मध्ये) हे यश मिळवण्यासाठी ५२ वर्षे लागली.

अमी घिया आणि कंवल ठाकर पदक जिंकणारी पहिली महिला जोडी-

कॅनडातील एडमंटन येथे झालेल्या गेम्समध्ये भारताकडून अमी घिया आणि कंवल ठाकर सिंग या दोन महिला भारतीय संघात सहभागी झाल्या होत्या. बॅडमिंटनमध्ये या दोघांची ही पहिलीच आंतरराष्ट्रीय स्पर्धा होती. ही जोडी पहिल्या फेरीच्या पुढे जाऊ शकेल अशी कोणालाच अपेक्षा नव्हती. पण अमी-कंवल जोडीने उपांत्य फेरी गाठली. उपांत्य फेरीत त्यांना पराभव पत्करावा लागला. मात्र, या जोडीने कांस्यपदकाचा सामना जिंकून इतिहास रचला. राष्ट्रकुल स्पर्धेत पदक जिंकणारी ही पहिलीच भारतीय महिलांची जोडी ठरली.

रूपा उन्नीकृष्णन नेमबाजीत सुवर्ण पदक जिंकणारी पहिली महिला

नेमबाज रूपा उन्नीकृष्णन सुवर्ण जिंकणारी पहिली महिला ठरली. १९९८ च्या क्वालालंपूर गेम्समध्ये रुपाने ५० मीटर रायफल प्रोनमध्ये सुवर्णपदक जिंकले होते.

रणजीत कुमार पदक जिंकणारा पहिला पॅरा अॅथलीट

डिस्कस थ्रोमध्ये रणजीत कुमार राष्ट्रकुल क्रीडा स्पर्धेत पदक जिंकणारा पहिला पॅरा अॅथलीट होता. रणजीने २००६ च्या गेम्समध्ये ही कामगिरी केली होती.

Gautam Gambhir: गंभीर-वीरुची जोडी पुन्हा मैदानात दिसणार, दोघंही ‘या’ स्पर्धेत खेळणार

<ul><li>Legends League Cricket: लिजेंड्स लीग क्रिकेट १७ सप्टेंबरपासून सुरू होणार आहे. या लीगमध्ये ख्रिस गेल, हरभजन सिंग, वीरेंद्र सेहवाग, शेन वॉटसन, ब्रेट ली, मोहम्मद कैफ, इरफान पठाण, मुथय्या मुरलीधरन आणि जॅक कॅलिस सारखे प्रतिष्ठित खेळाडू दिसणार आहेत.</li></ul>

Shoaib Akhtar: गांगुलीच्या बरगड्या हेच माझं टार्गेट होतं, शोएब अख्तरचा धक्कादायक खुलासा

<ul><li>india vs pakistan cricket fight: भारत-पाकिस्तान सामन्यापूर्वी स्टार स्पोर्ट्सने युट्युब चॅनेलवर एक विशेष कार्यक्रम सुरु आहे. ज्यामध्ये दोन्ही देशाचे खेळाडू भारत-पाक लढतीच्या आठवणी सांगत आहेत. याच कार्यक्रमात शोएब अख्तरने एका सामन्यादरम्यान सौरव गांगुलीच्या बरगड्या हेच माझे टार्गेट होते, असा खुलासा केला आहे.</li></ul>

Asia cup 2022: आशिया चषकापूर्वी मोठी घडामोड, केरळचा क्रिकेटपटू ‘या’ संघाच्या कर्णधारपदी

<ul><li>Asia cup 2022 Qualifier: आशिया चषक २७ ऑगस्टपासून सुरू होणार आहे. याआधी २० ऑगस्टपासून ४ संघांमध्ये पात्रता फेरीचे सामने खेळवले जाणार आहेत. यासाठी यूएईने नियमित कर्णधार अहमद रझाच्या जागी केरळमध्ये जन्मलेल्या सीपी रिझवानला कर्णधार बनवले आहे.</li></ul>

Asia Cup 2022: आफ्रिदीने गिफ्ट म्हणून ‘या’ वस्तू दिल्या होत्या, भज्जीचा मोठा खुलासा

<ul><li>Harbhajan Singh &amp; Shahid Afridi: पाकिस्तानचे अनेक खेळाडू आपले मित्र आहेत. तसेच, 'त्यांचा माजी कर्णधार शाहिद आफ्रिदी आपल्यासाठी अनेक भेटवस्तू आणत असे', अशा अनेक आठवणी हरभजन सिंगे एका कार्यक्रमात सांगितल्या आहेत.</li></ul>

<ul><li>राष्ट्रकुल क्रीडा स्पर्धेत भारताने आतापर्यंत ५०३ पदके जिंकली आहेत. २००२ च्या मँचेस्टर कॉमनवेल्थ गेम्सपासून ते गत कॉमनवेल्थ गेम्सपर्यंत भारत पदकतालिकेत टॉप पाच देशांच्या बाहेर कधीच गेला नाही.</li></ul>

CWG2022:  कॉमनवेल्थचा इतिहास माहितीय का?  आधी ब्रिटिश एम्पायर गेम्स म्हटलं जायचं

CWG 2022: कॉमनवेल्थ गेम्स (Commonwealth Games) म्हणजेच राष्ट्रकूल स्पर्धेत अनेक देशांचे खेळाडु सहभागी होतात. त्यामध्ये एकाच वेळी अनेक खेळाच्या स्पर्धा होतात. ऑलिम्पिकचे जे देश सदस्य आहेत ते सर्व देश यामध्ये सहभागी असतात. दर चार वर्षातून एकदा होणाऱ्या या स्पर्धेमध्ये ऑलिम्पिकमधील सर्व खेळांचा समावेश असतो. याशिवाय राष्ट्रकूल स्पर्धेचे काही खास खेळही आहेत. या खेळाच्या आयोजनाचं व्यवस्थापन कॉमनवेल्थ गेम्स फेडरेशन पाहते.

कॉमनवेल्थ गेम्सचे आयोजन पहिल्यांदा १९३० मध्ये कॅनडातील (Canada) हॅमिल्टन शहरात करण्यात आलं होतं. त्यावेळी या खेळाचे नाव ब्रिटिश एम्पायर गेम्स (British Empire Games) असं होतं. ऑस्ट्रेलियात जन्मलेल्या एशली कूपर यांनी पहिल्यांदा १८९१ मध्ये अशा प्रकारच्या खेळाच्या आयोजनाचा प्रस्ताव मांडला होता. या माध्यमातून ब्रिटीश साम्राज्याच्या एकतेचं आणि सोहार्दाचं प्रदर्शन होऊ शकेल. आपआपसातील शांतता आणि सौहार्द टिकवण्यासाठी या स्पर्धेचा प्रस्ताव एशली कूपर यांनी तत्कालीन राजकीय नेत्यांना दिला होता. १९२८ मध्ये कॅनडातील प्रमुख अॅथलीट बॉबी रॉबिन्सन यांच्यावर पहिल्या स्पर्धेच्या आयोजनाची जबाबदारी सोपवण्यात आली होती. १९३० ला झालेल्या स्पर्धेत ११ देशांमधील ४०० खेळाडूंनी सहभाग घेतला होता.

राष्ट्रकूल स्पर्धेच्या नावाचा प्रवास

ब्रिटिश एम्पायर गेम्स ते कॉमनवेल्थ गेम्स असा या स्पर्धेच्या नावाचा प्रवास झाला आहे. १९५४ मध्ये ब्रिटिश एम्पायर आणि कॉमनवेल्थ गेम्स अशा नावाने संबोधलं गेलं तर १९७० ब्रिटिश कॉमनवेल्थ गेम्स म्हटलं गेलं. त्यानंतर १९७४ मध्ये कॉमनवेल्थ गेम्स हे नाव होत. तर अखेर १९७८ मध्ये सर्वांच्या संमतीने याला कॉमनवेल्थ गेम्स असं नाव दिलं गेलं ते आजपर्यंत कायम आहे.

शुभंकर आणि ब्रीद

यंदाच्या कॉमनवेल्थ गेम्स इंग्लंडच्या बर्मिंघममध्ये होणार आहेत. २८ जुलैला सुरू होणाऱ्या कॉमनवेल्थ गेम्स ८ ऑगस्टपर्यंत सुरू राहतील. या हंगामात जवळपास १९ खेळांचे सामने रंगतील. बर्मिंघम २०२२ च्या कॉमनवेल्थ गेम्सचा शुभंकर हा पेरी आहे. एका बहुरंगी अशा बैलासारखा तो दिसत असून तो शक्तिशाली, दयाळू आणि थोडा मस्तीखोर असा आहे. यंदाच्या कॉमनवेल्थ गेम्सचं ब्रीद हे शेअर द ड्रीम असं आहे.

२०२६ चे कॉमनवेल्थ गेम्स

इंग्लंडनंतर पुढच्या कॉमनवेल्थ गेम्सचं ठिकाणही ठरलं आहे. २०२६ च्या कॉमनवेल्थ गेम्स या ऑस्ट्रेलियातील व्हिक्टोरियात होणार आहेत. आतापर्यंतच्या कॉमनवेल्समध्ये २०२६ चे आयोजन खास असे असणार आहे. पहिल्यांदाच या स्पर्धा अनेक शहरात होतील. यामध्ये बॅलरेट, बेंडिगो, जिलॉन्ग, गिप्सलँड आणि मेलबर्न या शहरांचा समावेश आहे.

क्विन्स बॅटन रिले

कॉमनवेल्थ गेम्समध्ये महत्त्वाच्या परंपरांपैकी असलेली क्वीन्स बॅटन रिले ही एक आहे. यंदाची बॅटन गेल्या वर्षी सात ऑक्टोबरला ब्रिटनच्या बकिंगघम पॅलेसमधून निघाली होती. ती ७२ देशांचा प्रवास २९४ दिवसात करून बर्मिंघमला पोहोचेल. भारतात ही बॅटन १२ जानेवारी २०२२ ला राजधानी दिल्लीत आली होती. या बॅटनसोबत ब्रिटनची महाराणी एलिजाबेथ द्वितीयचा खास मेसेजसुद्दा असतो.

कॉमनवेल्थमध्ये भारत

भारतात २०१० मध्ये कॉमनवेल्थ गेम्सचे आयोजन करण्यात आले होते. पहिल्यांदाच भारतात या स्पर्धा झाल्या होत्या. त्याआधी भारताने १९८२ मध्ये एशियन गेम्सचे आयोजन केले होते. जवळपास तीन दशकानंतर इतक्या मोठ्या स्पर्धेचे यजमानपद भारताने भूषवले होते. त्याच वर्षी भारताना कॉमनवेल्थ गेम्समध्ये सर्वाधिक पदके जिंकली होती. १०१ पदके जिंकून दुसरं स्थान पटकावलेल्या भारताने ३८ सुवर्ण, २७ रौप्य तर ३६ कांस्य पदकांची कमाई केली होती. आतापर्यंत भारताने एकूण ५०३ पदके जिंकली असून त्यात १८१ सुवर्णपदके, १७३ रौप्य पदके, १४९ कांस्य पदके आहेत.

<ul><li>यंदाच्या कॉमनवेल्थ गेम्स इंग्लंडच्या बर्मिंघममध्ये होणार आहेत. याचा शुभंकर पेरी असून शेअर द ड्रीम असं ब्रीद असणार आहे. भारताने या स्पर्धेच्या इतिहासात आतापर्यंत एकूण ५०३ पदके जिंकली आहेत</li></ul>

CWG 2022: भारताला हॉकीत एकही सुवर्ण पदक नाही; पाहा आतापर्यंतची कामगिरी

ऑलिम्पिकमध्ये ८ सुवर्ण, १ रौप्य आणि ३ कांस्य पदक जिंकणाऱ्या भारतीय पुरुष हॉकी संघाला आतापर्यंत राष्ट्रकुल स्पर्धेत एकही सुवर्णपदक पटकावता आलेले नाही. १९९८ मध्ये या खेळांमध्ये हॉकीचा समावेश करण्यात आला.

कॉमनवेल्थ गेम्स हॉकीमध्ये ऑस्ट्रेलियाचे वर्चस्व राहिले आहे. आतापर्यंत ऑस्ट्रेलियाने सर्व ६ सुवर्णपदके जिंकली आहेत. मात्र, यंदा कर्णधार मनप्रीत सिंगचा संघ बर्मिंगहॅममध्ये पहिले सुवर्णपदक जिंकण्यासाठी ऑस्ट्रेलियाचे वर्चस्व मोडून काढण्याचा प्रयत्न करेल.

गेल्या वर्षी टोकियो ऑलिम्पिकमध्ये भारताने ४१ वर्षांनंतर कांस्यपदक जिंकले होते. २०१० (दिल्ली) आणि २०१४ (ग्लासगो) मध्ये भारताची राष्ट्रकुल क्रीडा स्पर्धांमध्ये सर्वोत्तम कामगिरी होती. भारताने दोन्ही वेळा रौप्यपदक जिंकले होते. १९९८ आणि २०१८ मध्ये भारत चौथ्या क्रमांकावर होता.

चांगल्या फिटनेसचा फायदा होऊ शकतो-&nbsp;

यापूर्वी भारतीय संघ फिटनेसच्या बाबतीत कमकुवत मानला जात होता. आता भारतीय संघ जगातील सर्वोत्तम संघांपैकी एक आहे. बर्मिंगहॅममध्ये चांगल्या फिटनेसचा भारताला फायदा होऊ शकतो. FIH प्रो लीगमध्ये भारताने बेल्जियम आणि नेदरलँड्सच्या मागे तिसरे स्थान पटकावले होते. भारतीय खेळाडूंनी पूर्ण क्षमतेने खेळ केला तर त्यांना बर्मिंगहॅममध्ये सुवर्ण जिंकण्यापासून कोणीही रोखू शकत नाही.

या संघांविरुद्ध होणार चुरशीची टक्कर-

कॉमनवेल्थ गेम्समध्ये सर्वच हॉकी संघ मजबूत आहेत. ऑस्ट्रेलियाशिवाय कट्टर प्रतिस्पर्धी पाकिस्तान, न्यूझीलंड, इंग्लंड आणि कॅनडा यांच्यासोबत भारताची कडवी झुुज होणार आहे. भारतीय संघ ब गटात आहे. त्यात इंग्लंड, कॅनडा, वेल्स आणि घानाचे संघ आहेत. अ गटात ऑस्ट्रेलिया, न्यूझीलंड, दक्षिण आफ्रिका, पाकिस्तान आणि स्कॉटलंड यांचा समावेश आहे.

पेनल्टी कॉर्नर, भारताची मजबूत बाजू-

उपकर्णधार हरमनप्रीत सिंग, अमित रोहिदास, वरुण कुमार आणि युवा जुगराज सिंग यांच्या उपस्थितीत भारताकडे मजबूत पेनल्टी कॉर्नर आहे. संघ पेनल्टी कॉर्नरचे गोलमध्ये रूपांतर करू शकतो. भारताकडे जगातील सर्वोत्तम गोलरक्षक पीआर श्रीजेश देखील आहे.

तसेच, यावेळी भारताला सुवर्ण जिंकण्याची मोठी संधी असल्याचे मत माजी कर्णधार आणि प्रशिक्षक सरदार सिंग यांनी व्यक्त केले आहे. संघाचा आत्मविश्वासही वाढला आहे. सोबतच ‘आम्ही प्रत्येक सामन्यात ताकदीने उतरू,’ असे बचावपटू सुरेंदर कुमार म्हणाला. भारताचा पहिला सामना ३१ जुलै रोजी घानाविरुद्ध आहे.

भारताचा १८ सदस्यीय हॉकी संघ-

गोलरक्षक: पीआर श्रीजेश आणि कृष्ण बहादूर पाठक

बचावपटू: वरुण कुमार, सुरेंद्र कुमार, हरमनप्रीत सिंग, अमित रोहिदास, जुगराज सिंग आणि जर्मनप्रीत सिंग

मिडफिल्डर: मनप्रीत सिंग (कर्णधार), हार्दिक सिंग, विवेक सागर प्रसाद, समशेर सिंग, आकाशदीप सिंग आणि नीलकांत शर्मा

फॉरवर्ड्स: मनदीप सिंग, ललित कुमार उपाध्याय, गुरजंत सिंग आणि अभिषेक.

कॉमनवेल्थमध्ये भारतीय पुरुष संघाचे सामने-&nbsp;

३१ जुलै : भारत वि घाना

१ ऑगस्ट : भारत विरुद्ध इंग्लंड

३ ऑगस्ट : भारत विरुद्ध कॅनडा

४ ऑगस्ट: भारत विरुद्ध वेल्स

<ul><li>भारताने गेल्या वर्षी ४१ वर्षांनंतर टोकियो ऑलिम्पिकमध्ये कांस्यपदक जिंकले. २०१० (दिल्ली) आणि २०१४ (ग्लासगो) मध्ये भारताची राष्ट्रकुल क्रीडा स्पर्धांमध्ये सर्वोत्तम कामगिरी होती. भारताने दोन्ही वेळा रौप्यपदक जिंकले होते. मात्र, यंदा कर्णधार मनप्रीत सिंगचा संघ बर्मिंगहॅममध्ये पहिले सुवर्णपदक जिंकण्याच्या इराद्याने मैदानात उतरेल.</li></ul>

Commonwealth Games 2022: लवकरच भारत-पाक क्रिकेटचा थरार, ‘या’ दिवशी रंगणार सामना

२८ जुलै ते ८ ऑगस्ट दरम्यान होणाऱ्या बर्मिंगहॅम कॉमनवेल्थ गेम्समध्ये ७२ देशांतील सुमारे ४,५०० खेळाडू भाग घेणार आहेत. तर २४ वर्षांनंतर राष्ट्रकुल क्रीडा स्पर्धेत क्रिकेटचा समावेश करण्यात आला आहे. यापूर्वी १९९८ मधील राष्ट्रकुल क्रीडा स्पर्धेत क्रिकेटचा समावेश करण्यात आला होता. यावेळी स्पर्धेत पहिल्यांदाच महिला क्रिकेटला संधी मिळाली आहे.&nbsp;

या स्पर्धेतील क्रिकेट खेळाचा पहिला सामना २९ जुलै रोजी होणार आहे. सर्व सामने बर्मिंगहॅमच्या एजबॅस्टन स्टेडियमवर खेळवले जाणार आहेत. ७ ऑगस्ट रोजी क्रिकेटचे सुवर्ण आणि कांस्य पदकांचे सामने खेळवले जातील. कॉमनवेल्थ गेम्स २०२२ साठी भारतीय महिला क्रिकेट संघाचीही घोषणा करण्यात आली आहे.

विशेष म्हणजे, या स्पर्धेत भारत आणि पाकिस्तान क्रिकेट सामन्याचा थरारही अनुभवण्यास मिळणार आहे. भारत आणि पाकिस्तान सामना ३१ जुलै रोजी रंगणार आहे.

टीम इंडियाचे कर्णधारपद हरमनप्रीत कौरच्या हाती आहे. दुसरीकडे, सलामीवीर स्मृती मानधना उपकर्णधाराच्या भूमिकेत दिसणार आहे.&nbsp;

यावेळी राष्ट्रकुल स्पर्धेत क्रिकेटच्या ८ महिला संघांचा समावेश करण्यात आला आहे. हे संघ दोन गटात विभागलेले आहेत. या दोन्ही गटातील अव्वल २ संघ थेट उपांत्य फेरीसाठी पात्र ठरतील. यानंतर दोन्ही संघांमध्ये अंतिम फेरीत सुवर्णपदकासाठी लढत होणार आहे.

अ गट : भारत, पाकिस्तान, ऑस्ट्रेलिया, बार्बाडोस

ब गट: इंग्लंड, न्यूझीलंड, दक्षिण आफ्रिका, श्रीलंका

भारतीय महिला संघ : हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, एस. मेघना, तानिया भाटिया (wk), यस्तिका भाटिया (wk), दीप्ती शर्मा, राजेश्वरी गायकवाड, पूजा वस्त्राकर, मेघना सिंग, रेणुका सिंग, जेमिमाह रॉड्रिग्स, राधा यादव, हरलीन देओल, स्नेह राणा.

स्टँडबाय: ऋचा घोष, पूनम यादव, सिमरन दिल बहादूर.

पाकिस्तान महिला संघ: बिस्माह मारूफ (कर्णधार), मुनीबा अली, अनम अमीन, आयमान अन्वर, डायना बेग, निदा दार, गुल फिरोजा, तुबा हसन, कैनात इम्तियाज, सादिया इक्बाल, इरम जावेद, आयशा नसीम, आलिया रियाझ, फातिमा सना, ओमामा सोहेली

<ul><li>राष्ट्रकुल क्रीडा स्पर्धेत ८ महिला क्रिकेट संघांचा समावेश करण्यात आला आहे. हे संघ दोन गटात विभागलेले आहेत. या दोन गटांतील टॉप २ संघ थेट उपांत्य फेरीसाठी पात्र ठरतील.</li></ul>

Commonwealth Games 2022: ‘हे’ भारतीय खेळाडू आहेत सुवर्ण पदकाचे दावेदार

<ul><li>राष्ट्रकुल २०२२ स्पर्धा (Commonwealth Games 2022) तोंडावर आली आहे. २८ जुलैपासून बर्मिंगहममध्ये या खेळांना सुरुवात होणार आहे. स्पर्धेत भारताचा २१५ सदस्यीय संघ सामील होणार आहे. यात १०८ पुरूष आणि १०७ महिला खेळाडूंचा समावेश आहे. २०१८ मध्ये ऑस्ट्रेलियाच्या गोल्ड कोस्ट येथे झालेल्या राष्ट्रकुल स्पर्धेत भारताने एकूण २६ पदके जिंकली होती. यातील सर्वाधिक पदके भारताने शूटिंगमध्ये मिळवली होती. मात्र, यंदा राष्ट्रकुल स्पर्धेत शुटिंग खेळाचा समावेश करण्यात आलेला नाही.</li></ul>

CWG 2022 : हॉकीत भारतीय महिलांना एकदाच सुवर्ण, यंदा तशाच पराक्रमाची अपेक्षा

Commonwealth Games 2022: भारतीय महिला हॉकी संघाने एकदाच सुवर्णपदक पटकावले आहे. २००२ मध्ये मँचेस्टरमध्ये भारताने इंग्लंडचा ३-२ असा पराभव करून सुवर्णपदक जिंकले होते. र २००६ मेलबर्नमध्ये भारताने रौप्यपदक जिंकले होते. महिला संघ १९९८ आणि २०१८ मध्ये चौथ्या स्थानावर राहिला होता. महिला हॉकीमध्येही ऑस्ट्रेलियन संघाचा दबदबा आहे. ऑस्ट्रेलियन महिला संघाने हॉकीत ४ सुवर्ण, १ रौप्य आणि १ कांस्य पदक जिंकले आहे. त्याच वेळी, न्यूझीलंड संघाने २०१८ मध्ये सुवर्णपदक जिंकले होते.

अलीकडेच, स्पेन आणि नेदरलँड्सने संयुक्तपणे आयोजित केलेल्या हॉकी विश्वचषकात भारतीय महिला संघ ९ व्या स्थानावर राहिला. मात्र, बर्मिंगहॅम येथे भारतीय महिला संघ पदक जिंकण्याच्या इराद्याने मैदानावर उतरणार आहे. &nbsp;

दरम्यान, भारताला इंग्लंड, कॅनडा, वेल्स आणि घानासह पूल अ मध्ये स्थान देण्यात आले आहे. पूल बीममध्ये ऑस्ट्रेलिया, दक्षिण आफ्रिका, न्यूझीलंड, स्कॉटलंड आणि केनिया यांचा समावेश आहे.

कॉमनवेल्थ गेम्ससाठी भारतीय महिला हॉकी संघ:

गोलरक्षक : सविता पुनिया (कर्णधार), रजनी एतिमार्पू.

बचावपटू: दीप ग्रेस एक्का (उपकर्णधार), गुरजित कौर, निक्की प्रधान, उदिता.

मिडफिल्डर: निशा, सुशीला चानू, पुक्रंबम, मोनिका, नेहा, ज्योती, नवज्योत कौर, सलीमा टेटे.

फॉरवर्डः वंदना कटारिया, लालरेमसियामी, नवनीत कौर, शर्मिला देवी, संगीता कुमारी.

महिला हॉकीमधील भारताचे सामने-&nbsp;

29 जुलै : भारत विरुद्ध घाना

३० जुलै: भारत विरुद्ध वेल्स

2 ऑगस्ट : भारत विरुद्ध इंग्लंड

३ ऑगस्ट : भारत वि. कॅनडा

<ul><li>स्पेन आणि नेदरलँड्सने संयुक्तपणे आयोजित केलेल्या हॉकी विश्वचषकात भारतीय महिला संघ ९ व्या स्थानावर राहिला. मात्र, बर्मिंगहॅम (Commonwealth Games 2022) येथे भारतीय महिला संघ पदक जिंकण्याच्या इराद्याने मैदानावर उतरणार आहे.</li></ul>

CWG 2022: कॉमनवेल्थ गेम्स कधीपासून? लाइव्ह स्ट्रिमिंग कुठे पाहायचे? जाणून घ्या

CWG 2022: कॉमनवेल्थ गेम्स २०२२ ला २८ जुलैपासून सुरुवात होणार आहे. या बर्मिंगहममध्ये होणाऱ्या या स्पर्धेच्या थेट प्रसारणाचे टीव्ही आणि डिजिटलचे अधिकार सोनी पिक्चर्स नेटवर्क्स (SPN) इंडियाने मिळवले आहेत. ही २२ वी कॉमनवेल्थ गेम्स स्पर्धा असून ८ ऑगस्ट पर्यंत पार पडणार आहे. SPNला भारत, पाकिस्तान, श्रीलंका, बांगलादेश, नेपाळ, अफगाणिस्तान, भूतान आणि मालदीवमध्ये एक्सक्लुसिव्ह प्रसारणाचे अधिकार मिळाले आहेत.

प्रीमियम ओटीटी प्लॅटफॉर्म असलेल्या SonyLIV वरसुद्धा गेम्सचे लाइव्ह स्ट्रिमिंग पाहता येईल. कॉमनवेल्थ गेम्स चार वर्षातून एकदा होतात. यावेळी यामध्ये ७२ देश सहभागी होणार आहेत. ११ दिवसात ८ पॅरा स्पोर्ट्ससह १९ क्रीडा स्पर्धांचे आयोजन होणार आहे.

अॅथलेटिक्स, बॅडमिंटन, जलतरण, बास्केटबॉल, बॉक्सिंग, कुस्ती, हॉकी, ज्युदो आणि इतर खेळांचा यामध्ये समावेश असणार आहे. याशिवाय महिला क्रिकेटला प्रोत्साहन देण्यासाठी आयसीसी आणि बर्मिंगहम आयोजन समितीने महिला क्रिकेटच्या टी २० फॉरमॅटचा समावेश करण्याची घोषणा केली आहे. आयसीसीने बर्मिंगहम २०२२ स्पर्धेला मंजुरी दिली आहे.

भारतीय पथकाने २०१० च्या कॉमनवेल्थ गेम्समध्ये सर्वाधिक १०१ पदके जिंकली होती. गेल्या दोन दशकात कॉमनवेल्थ गेम्सच्या यादीत भारताचे स्थान वरती दिसत आहे. भारताने २०१८ मध्ये पॉइंट टेबलमध्ये तिसरं स्थान पटकावलं होतं. तिथे ६६ पदकांसह पाहुणा देश म्हणून जबरदस्त कामगिरी केली होती. बर्मिंगहम २०२२ कॉमनवेल्थ गेम्सचे लाइव्ह कव्हरेज सोनी सिक्स, सोनी टेन १, सोनी टेन २, सोनी टेन ३ आणि सोनी टेन ४ चॅनेलवर पाहता येईल.

<ul><li>कॉमनवेल्थ गेम्स चार वर्षातून एकदा होतात. यावेळी यामध्ये ७२ देश सहभागी होणार आहेत. ११ दिवसात ८ पॅरा स्पोर्ट्ससह १९ क्रीडा प्रकारातील स्पर्धा होणार आहेत.</li></ul>

CWG 2022: आतापर्यंत १२ लाख तिकिटांची विक्री, IND vs PAK सामन्याला सर्वाधिक मागणी

भारत आणि पाकिस्तान हे कोणत्याही खेळात आमने सामने आले तरी दोन्ही देशांच्या चाहत्यांची उत्कंठा शिगेला पोहोचते. आता हे दोन्ही संघ राष्ट्रकुल स्पर्धेत आमने-सामने येणार आहेत, या लढतीचीही चाहते आतुरतेने वाट पाहत आहेत.

विशेष म्हणजे, या वर्षी प्रथमच महिला क्रिकेटला राष्ट्रकुल स्पर्धेत स्थान देण्यात आले आहे. या वेळी बर्मिंगहॅममध्ये २८ जुलै ते ८ ऑगस्ट दरम्यान ही स्पर्धा रंगणार आहे. तर ३१ जुलै रोजी भारत आणि पाकिस्तानचे महिला क्रिकेट संघ भिडणार आहेत.

एजबॅस्टनमध्ये होणारा हा सामना प्रेक्षकांनी खचाखच भरलेल्या स्टेडियममध्ये होऊ शकतो. अशी आशा मॅनेजमेंटने व्यक्त केली आहे. कारण आतापर्यंत राष्ट्रकुल स्पर्धेची एकूण १२ लाख तिकिटे विकली गेली आहेत. भारत-पाकिस्तान क्रिकेट सामन्याची बहुतांश तिकिटेही विकली गेली आहेत. सामन्याला अजून आठवडाभराहून अधिक कालावधी बाकी आहे. अशा स्थितीत हा सामना हाऊसफुल्ल होऊ शकतो, असे मॅनेजमेंटचे मत आहे.

बर्मिंगहॅम कॉमनवेल्थ गेम्सचे सीईओ इयान रीड म्हणाले की, ‘मी देखील क्रिकेटचा मोठा चाहता आहे. तसेच, अंतिम आणि उपांत्य फेरीच्या तिकीटांची आतापर्यंत विक्री झाली आहे. तर भारत-पाकिस्तान सामनाही हाऊसफुल्ल होण्याची शक्यता आहे. भारतीय पुरुष संघ नुकताच बर्मिंगहॅम येथे कसोटी सामना खेळून गेला आहे. तर आता तिथे महिला संघ खेळणार आहे. अशा स्थितीत चाहत्यांमध्ये प्रचंड उत्साह पाहायला मिळत आहे'.

दरम्यान, या स्पर्धेतील क्रिकेटचा पहिला सामना २९ जुलै रोजी होणार आहे. सर्व सामने बर्मिंगहॅमच्या एजबॅस्टन स्टेडियमवर खेळवले जाणार आहेत.तर ७ ऑगस्ट रोजी क्रिकेटमधील सुवर्ण आणि कांस्य पदकांचे सामने खेळवले जातील. कॉमनवेल्थ गेम्स २०२२ साठी भारतीय महिला क्रिकेट संघाची घोषणा आधीच करण्यात आली आहे.

<ul><li>क्रिकेटचा पहिला सामना २९ जुलै रोजी होणार आहे. सर्व सामने बर्मिंगहॅमच्या एजबॅस्टन स्टेडियमवर खेळवले जाणार आहेत.तर ७ ऑगस्ट रोजी क्रिकेटमधील सुवर्ण आणि कांस्य पदकांचे सामने खेळवले जातील.</li></ul>

CWG 2022: भारताच्या ६ क्रिकेटपटूंना अद्यापही व्हिसा नाही, २८ जुलैपासून स्पर्धा

Commonwealth Games 2022: बर्मिंगहॅम येथे होणाऱ्या राष्ट्रकुल क्रीडा स्पर्धेसाठी अवघे काही दिवसच शिल्लक राहिले आहेत. मात्र, भारतीय महिला क्रिकेट संघाच्या ६ सदस्यांना अद्याप यूकेचा व्हिसा मिळालेला नाही. महिला क्रिकेटचा प्रथमच राष्ट्रकुल क्रीडा स्पर्धेत समावेश करण्यात आला आहे. टीम इंडिया सध्या बंगळुरूमध्ये सराव करत आहे. ते रविवारी बर्मिंगहॅमला रवाना होणार आहेत. बीसीसीआय या प्रकरणी भारतीय ऑलिम्पिक संघटनेच्या (IOA) संपर्कात आहे.

आयओएच्या एका सूत्राने एका वृत्तसंस्थेला सांगितले की, “आज काही व्हिसा मिळाले आहेत, परंतु ६ व्हिसा मिळणे बाकी आहे. यामध्ये ३ खेळाडू आणि ३ सपोर्ट स्टाफचा समावेश आहे. उर्वरित व्हिसा उद्यापर्यंत मिळाले पाहिजेत".

हरमनप्रीत कौर करणार टीम इंडियाचे नेतृत्व-

राष्ट्रकुल क्रि़डा स्पर्धेसाठी भारतीय महिला क्रिकेट संघाची ११ जुलै रोजी घोषणा करण्यात आली. हरमनप्रीत कौर भारताची कर्णधार असणार आहे. राष्ट्रकुल क्रि़डा स्पर्धेत २४ वर्षांनंतर क्रिकेटचे पुनरागमन झाले आहे. शेवटच्या वेळी १९९८ मध्ये क्रिकेट या स्पर्धेचा भाग होता. यावेळी राष्ट्रकुल स्पर्धेत फक्त महिला क्रिकेटचाच समावेश झाला आहे. कसोटी क्रिकेटसाठी प्रसिद्ध असलेल्या एजबॅस्टनमध्ये क्रिकेटचे सर्व सामने होणार आहेत. स्पर्धेत क्रिकेटचे ८ संघ सहभागी होणार आहेत.

भारताचा पहिला सामना ऑस्ट्रेलिया विरुद्ध-

भारत अ गटात ऑस्ट्रेलिया, बार्बाडोस आणि पाकिस्तानसोबत आहे. ब गटात श्रीलंका, इंग्लंड, न्यूझीलंड आणि दक्षिण आफ्रिका यांना स्थान देण्यात आले आहे. टीम इंडिया २९ जुलैला ऑस्ट्रेलियाविरुद्ध आपला पहिला सामना खेळणार आहे. दोन्ही गटातील अव्वल २ संघ उपांत्य फेरीत पोहोचतील.

भारतातून ३२२ सदस्यीय संघ बर्मिंगहॅमला जाणार-

या खेळांसाठी ३२२ सदस्यीय भारतीय संघ आधीच जाहीर करण्यात आला आहे. भारतीय ऑलिम्पिक संघटनेने (IOA) या संघात २१५ खेळाडूंचा समावेश केला आहे. तर १०७ अधिकारी आणि सहाय्यक कर्मचारी असतील. &nbsp;या संघात १०८ &nbsp;पुरुष आणि १०७ महिला खेळाडूंचा समावेश आहे.&nbsp;

दक्षिण आफ्रिकेने जिंकले होते सुवर्ण-&nbsp;

यावेळच्या राष्ट्रकुल स्पर्धेत १९ खेळांचा थरार पाहायला मिळणार आहे. यापूर्वी क्वालालंपूर राष्ट्रकुल स्पर्धेत शेवटचा क्रिकेट खेळाचा समावेश झाला होता. त्यावेळी ५० षटकांचे सामने खेळवले गेले होते व फक्त पुरुष संघांनी भाग घेतला होता. दक्षिण आफ्रिकेने सुवर्ण, ऑस्ट्रेलियाने रौप्य आणि न्यूझीलंडने कांस्यपदक जिंकले होते.

क्रिकेटचा भारतीय संघ: हरमनप्रीत कौर (कर्णधार), स्मृती मानधना (उपकर्णधार), शेफाली वर्मा, एस मेघना, तानिया भाटिया (डब्ल्यूके), यास्तिका भाटिया (डब्ल्यूके), दीप्ती शर्मा, राजेश्वरी गायकवाड, पूजा वस्त्राकर, मेघना सिंग, रेणुका ठाकूर, जेमिमा रॉड्रिग्ज, राधा यादव, हरलीन देओल, स्नेह राणा.

स्टँडबाय खेळाडू: सिमरन दिल बहादूर, रिचा घोष, पूनम यादव.

<ul><li>Commonwealth Games 2022: महिला क्रिकेटचा प्रथमच राष्ट्रकुल क्रीडा स्पर्धेत समावेश करण्यात आला आहे. टीम इंडिया सध्या बंगळुरूमध्ये सराव करत आहे. संघ रविवारी बर्मिंगहॅमला रवाना होणार आहे.</li></ul>

CWG 2022: राष्ट्रकुलसाठी गेलेले भारतीय खेळाडू ‘या’ गावांत राहणार; काय आहेत नियम?

Commonwealth Games 2022: भारतीय खेळाडू २०२२ च्या राष्ट्रकुल क्रीडा स्पर्धेत सहभागी होण्यासाठी सज्ज झाले आहेत. या महिन्यात २८ जुलै ते ८ ऑगस्ट दरम्यान इंग्लंडमधील बर्मिंघम येथे राष्ट्रकुल क्रीडा स्पर्धा पार पडणार आहे. या खेळांसाठी ३२२ सदस्यीय भारतीय संघ आधीच जाहीर करण्यात आला आहे. भारतीय ऑलिम्पिक संघटनेने (IOA) या संघात २१५ खेळाडूंचा समावेश केला आहे. तर १०७ अधिकारी आणि सहाय्यक कर्मचारी असतील.

भारतीय खेळाडूंची ५ वेगवेगळ्या गावात राहण्याची व्यवस्था करण्यात आली आहे. सामान्यतः राष्ट्रकुल स्पर्धेत सहभागी होणाऱ्या सर्व खेळाडूंना एकाच गावात राहण्याची सोय केली जाते, मात्र यावेळी या स्पर्धेत ५ हजारांहून अधिक खेळाडू सहभागी होत असून त्यांच्या राहण्याची व्यवस्था ५ वेगवेगळ्या गावात करण्यात आली आहे. येथे येणार्‍या प्रत्येक खेळाडूला RT-PCR चाचणीचा निगेटीव्ह रिपोर्ट द्यावा लागणार आहे.

कोणत्या खेळाचे खेळाडू कुठे राहतील?

कॉमनवेल्थ गेम्स व्हिलेज बर्मिंगहॅम: जलतरण, ऍथलेटिक्स, जिम्नॅस्टिक्स, स्क्वॅश आणि हॉकी.

कॉमनवेल्थ गेम्स व्हिलेज NEC: बॅडमिंटन, बॉक्सिंग, टेबल टेनिस, वेटलिफ्टिंग आणि ट्रायथलॉन.

कॉमनवेल्थ गेम्स व्हिलेज वॉर्विक: कुस्ती, ज्युडो आणि लॉन बॉल.

कॉमनवेल्थ गेम्स व्हिलेज सिटी सेंटर: महिला क्रिकेट संघ.

महिला क्रिकेट संघाचे सर्व सामने एजबॅस्टन मैदानावर होणार आहेत.&nbsp;

खेळाडूंसाठी काय नियम आहेत?

प्रत्येक खेळाडूंना कोणताही अधिकारी, प्रशिक्षक, इतर खेळाडू किंवा प्रेक्षक यांच्याविरुद्ध नकारात्मक किंवा आक्षेपार्ह विधाने करता येणार नाहीत. या सोबतच त्यांना चांगल्या खेळ भावनेला प्रोत्साहन द्यावे लागेल. सर्व खेळाडूंना डोपिंगचे परिणाम, धोके आणि त्याच्या परिणामांची जाणीव असणे आवश्यक आहे.

<ul><li>राष्ट्रकुल स्पर्धेत (Commonwealth Games 2022) भारताचे २१५ खेळाडू सहभागी होत आहेत. प्रशिक्षक आणि संघ अधिकाऱ्यांसह एकूण ३२५ सदस्य इंग्लंडमध्ये राहणार आहेत. पाच वेगवेगळ्या गावात त्यांच्या राहण्याची व्यवस्था करण्यात आली आहे.</li></ul>

CWG 2022 : धनलक्ष्मीनंतर ऐश्वर्या बाबू डोपिंगमध्ये दोषी, दोघी स्पर्धेबाहेर

राष्ट्रकुल क्रीडा स्पर्धा २०२२ पूर्वी भारताला अजून एक मोठा धक्का बसला आहे. धावपटू एस धनलक्ष्मी हिच्यानंतर आणखी एक भारतीय खेळाडू डोपिंच चाचणीत दोषी आढळली आहे. तिहेरी उडीपटू ऐश्वर्या बाबू हिने उत्तेजक पदार्थ सेवन केल्याचे आढळले आहे.

त्यामुळे आता राष्ट्रकुल स्पर्धेपूर्वी डोपिंग चाचणीत दोषी आढललेल्या भारतीय खेळाडूंची संध्या दोन झाली आहे. यामध्ये अव्वल धावपटू एस धनलक्ष्मी आणि तिहेरी उडीपटू ऐश्वर्या बाबू यांचा समावेश आहे.&nbsp;

डोपिंग चाचणीत दोषी आढळल्याने या दोन्ही खेळाडूंना राष्ट्रकुल स्पर्धेतून बाहेर करण्यात आले आहे.&nbsp;

डोपिंग चाचणी ही एक प्रकारची शारिरीक चाचणी आहे. या चाचणीद्वारे, खेळाडूने त्याची कामगिरी सुधारण्यासाठी किंवा शक्ती वाढवण्यासाठी उत्तेजक औषधांचा वापर केला आहे, की नाही हे तपासले जाते.

२४ वर्षीय धनलक्ष्मीचा राष्ट्रकुल क्रीडा स्पर्धेसाठी ३६ सदस्यीय भारतीय अॅथलेटिक्स संघात समावेश करण्यात आला होता. परंतु अॅथलेटिक्स इंटिग्रिटी युनिट (AIU) द्वारे परदेशात घेतलेल्या डोपिंग चाचणीत ती पॉझिटिव्ह आढळली, त्यानंतर तिला मायदेशी परतावे लागले होते. दुती चंद, हिमा दास आणि सरबानी नंदा यांच्यासह धनलक्ष्मीचे नाव राष्ट्रकुल क्रीडा स्पर्धेतील १०० मीटर आणि ४x१०० मीटर रिले संघात समाविष्ट होते.

२८ जुलै ते ८ ऑगस्ट दरम्यान पार पडणार स्पर्धा-

या महिन्यात २८ जुलै ते ८ ऑगस्ट दरम्यान इंग्लंडमधील बर्मिंघम येथे राष्ट्रकुल क्रिडा स्पर्धा पार पडणार आहे. या खेळांसाठी ३२२ सदस्यीय भारतीय संघ आधीच जाहीर करण्यात आला आहे. भारतीय ऑलिम्पिक संघटनेने (IOA) या संघात २१५ खेळाडूंचा समावेश केला आहे. तर १०७ अधिकारी आणि सहाय्यक कर्मचारी असतील.

<ul><li>अव्वल धावपटू एस धनलक्ष्मी आणि तिहेरी उडीपटू ऐश्वर्या बाबू या डोपिंग चाचणीत दोषी आढळल्या आहेत. या दोन्ही खेळाडूंना राष्ट्रकुल स्पर्धेतून बाहेर करण्यात आले आहे.</li></ul>

Commonwealth Games: भारताला मोठा धक्का, धावपटू धनलक्ष्मी डोपिंगमध्ये अडकली

Commonwealth Games: बर्मिंगहॅम कॉमनवेल्थ गेम्स सुरु होण्याआधीच भारतीय अॅथलेटिक संघाला मोठा धक्का बसला आहे. भारतीय अॅथलीट एस धनलक्ष्मी (S Dhanalaxmi) डोपिंग चाचणीत दोषी आढळली आहे. त्यामुळे ४x१०० मीटर रिलेमध्ये पदक जिंकण्याच्या भारतीयांच्या आशेवर पाणी फेरले आहे. तामिळनाडूची धावपटू एस धनलक्ष्मी ही गेल्या महिन्यात १०० आणि २०० मीटरमध्ये दुती चंद आणि हिमा दास यांना पराभूत करून चर्चेत आली होती.

जागतिक अॅथलेटिक्सच्या अॅथलीट इंटिग्रिटी युनिट (AIU) ने घेतलेल्या चाचणीत ती दोषी आढळली आहे. AIU ने घेतलेल्या धनलक्ष्मीच्या सॅम्पलमध्ये अॅनाबॉलिक स्टेरॉईड आढळले आहे. त्यामुळे तिच्यावर तात्पुरती बंदी घालण्यात आली आहे.

वर्ल्ड चॅम्पियनशिपमध्येही खेळण्यास बंदी-

युगेन (US) येथे सुरू असलेल्या जागतिक अजिंक्यपद स्पर्धेतही धनलक्ष्मीला खेळण्यास मनाई करण्यात आली होती. टोकियो ऑलिम्पिकच्या ४x४०० मीटर रिले संघात समाविष्ट असलेल्या धनलक्ष्मीचा हिमा दास आणि दुती चंद यांच्यासह राष्ट्रकुल स्पर्धेसाठी १०० मीटर आणि ४x४०० मीटर रिले संघात समावेश करण्यात आला होता.

भारतीय संघ वर्ल्ड चॅम्पियनशिपसाठी युगेनला रवाना झाला, पण धनलक्ष्मीला संघासोबत जाता आले नाही. तेव्हा तिचा व्हिसा लागू झाला नसल्याचे सांगण्यात आले होते, मात्र आयोजकांनी चॅम्पियनशिपमधून तिची प्रवेशिकाच काढून टाकली होती. त्याचवेळी, या चॅम्पियनशिपमध्ये, केनियाच्या खेळाडूला शर्यत सुरू होण्याच्या दोन तास आधी १०० मीटरमध्ये प्रवेश देण्यात आला होता. तोही व्हिसाअभावी युगेनपर्यंत पोहोचू शकला नव्हता, पण त्याची एंट्री काढली गेली नाही. डोपमध्ये अडकल्यामुळेच धनलक्ष्मीला काढण्यात आले होते.

AIU ने पकडलेली धनलक्ष्मी तिसरी भारतीय खेळाडू-

भारतीय खेळाडूंच्या परदेशात झालेल्या तयारीदरम्यान त्यांचे सॅम्पल घेण्यात आले होते, अशी माहिती आहे. पण, त्यानंतर देशातल्या नाडाच्या चाचणीत धनलक्षमीचा रिपोर्ट निगेटिव्ह आला होता. गेल्या काही महिन्यांतील हे तिसरे प्रकरण आहे, जेव्हा एआययूने डोपिंगसाठी भारतीय खेळाडूला दोषी ठरवले आहे. त्यामुळे टोकियो ऑलिम्पिकमध्ये सहाव्या स्थानावर राहिलेली भालाफेकपटू राजिंदर सिंग, डिस्कस थ्रोअर कमलप्रीत कौर हेही एआययूच्या चाचणीत पॉझिटिव्ह आले &nbsp;होते.

<ul><li>Commonwealth Games: जागतिक अॅथलेटिक्सच्या अॅथलीट इंटिग्रिटी युनिट (AIU) ने घेतलेल्या चाचणीत ती दोषी आढळली आहे. AIU ने घेतलेल्या धनलक्ष्मीच्या सॅम्पलमध्ये अॅनाबॉलिक स्टेरॉईड आढळले आहे. त्यामुळे तिच्यावर तात्पुरती बंदी घालण्यात आली आहे.</li></ul>

‘CWG 2022 जगावर वर्चस्व गाजवण्याची सुवर्णसंधी’, PM मोदींनी खेळाडूंमध्ये भरला जोश

पंतप्रधान नरेंद्र मोदी यांनी बुधवारी (२० जुलै) राष्ट्रकुल खेळ २०२२ साठी निवडलेल्या २१५ खेळाडूंशी संवाद साधला. व्हिडिओ कॉन्फरन्सिंगद्वारे हा संवाद झाला. मोदींनी भारतीय खेळाडूंना शानदार खेळासाठी शुभेच्छा दिल्या आहेत.

राष्ट्रकुल स्पर्धा ही जगावर अधिराज्य गाजवण्याची सुवर्णसंधी असल्याचे मोदी म्हणाले. तसेच, कोणाला घाबरू नका, असे सांगत 'कोई नहीं है टक्कर में, कहां पड़े हो चक्कर में'. &nbsp;या म्हणीचा दाखला दिला.

वडिलांसोबत सायकलवर हॉकी पाहायला जायचे- सलीमा टेटे

यावेळी झारखंडची महिला हॉकीपटू सलीमा टेटे हिने मोदींना सांगितले की, ‘माझे वडीलही हॉकी खेळायचे. मी त्यांच्यासोबत सायकलवरून खेळ पाहायला जायचे. तिथूनच मला या खेळाची प्रेरणा मिळाली. त्यानंतर मला समजले की जीवनात काहीही साध्य करण्यासाठी संघर्ष आवश्यक आहे’.

दरम्यान, मोदींनी पहिल्यांदा स्टीपलचेस खेळाडू अविनाश साबळे याच्याशी संवाद साधला. महाराष्ट्रातील बीडचा अविनाश २०१२ मध्ये लष्करात भरती झाला. चार वर्षांच्या सामान्य कर्तव्यानंतर त्याची स्टीपल चेससाठी निवड करण्यात आली.

&nbsp;खेळाचे हे नवे पर्व

‘तुम्ही परत याल तेव्हा आपण एकत्र मोठा उत्सव साजरा करू, असे वचनही पीएम मोदींनी यावेळी दिले. आपल्या देशातील खेळाचे हे नवे पर्व आहे. तुम्ही सर्व छान करत आहात. आपल्याकडे उत्तम खेळाडू आहेत. प्रशिक्षणही चांगले सुरू आहे. यावेळी आपल्याकडे कॉमनवेल्थ संघात अनुभवी आणि तरुण उर्जेचा समावेश आहे. तुम्ही न्यू इंडियाचे प्रतिनिधित्व करत आहात. भारताचा प्रत्येक कानाकोपरा प्रतिभावान खेळाडूंनी भरलेला आहे हे तुम्ही सिद्ध केले आहे’, असेही मोदी म्हणाले.

२८ जुलैपासून कॉमनवेल्थ गेम्सला सुरुवात-

यावेळचे कॉमनवेल्थ गेम्स इंग्लंडमधील बर्मिंगहॅम येथे २८ जुलै ते ८ ऑगस्ट दरम्यान होणार आहेत. गोल्ड कोस्ट येथे झालेल्या गेल्या राष्ट्रकुल क्रीडा स्पर्धेच्या पदक तालिकेत भारताने ऑस्ट्रेलिया आणि इंग्लंडनंतर तिसरे स्थान पटकावले होते. यावेळी संघाचा प्रयत्न कामगिरीत सुधारणा करण्याचा असेल.

बर्मिंघम राष्ट्रकुल क्रीडा स्पर्धेसाठी ३२२ सदस्यीय भारतीय संघ आधीच जाहीर करण्यात आला आहे. भारतीय ऑलिम्पिक संघटनेने (IOA) या संघात २१५ खेळाडूंचा समावेश केला आहे, तर १०७ अधिकारी आणि सहाय्यक कर्मचारी आहेत.

नीरज चोप्रावर खास नजर-

संघातील काही प्रमुख नावांमध्ये ऑलिम्पिक पदक विजेते नीरज चोप्रा, पीव्ही सिंधू, मीराबाई चानू, लोव्हलिना बोरगोहेन, बजरंग पुनिया आणि रवी कुमार दहिया यांचा समावेश आहे. याशिवाय, विद्यमान राष्ट्रकुल चॅम्पियन मनिका बत्रा, विनेश फोगट तसेच २०१८ आशियाई क्रीडा स्पर्धेतील सुवर्णपदक विजेते तजिंदरपाल सिंग तूर, हिमा दास आणि अमित पंघल हे देखील या संघाचे भाग आहेत.

भारतीय खेळाडू १९ खेळांमध्ये सहभागी होणार-

भारतीय बॉक्सिंग फेडरेशन (BFI) चे उपाध्यक्ष राजेश भंडारी हे संघाचे शेफ डी मिशन (टीम चीफ) आहेत. भारतीय खेळाडू १५ खेळांमध्ये आणि ४ पॅरा स्पोर्ट्समध्ये भाग घेतील. बॉक्सिंग, बॅडमिंटन, हॉकी, वेटलिफ्टिंग, महिला क्रिकेट आणि कुस्ती या खेळांमध्ये संघाकडून चांगली कामगिरी अपेक्षित आहे.

यावेळी महिला क्रिकेटचाही समावेश-

महिला क्रिकेट (T20 फॉरमॅट) प्रथमच या खेळांचा भाग बनला आहे. काही भारतीय खेळाडू आधीच बर्मिंगहॅमला पोहोचले आहेत, तर काही जागतिक स्पर्धांमध्ये भाग घेतल्यानंतर थेट तिथे पोहोचतील. उर्वरित खेळाडू नवी दिल्लीहून रवाना होतील. कॉमनवेल्थ गेम्स व्हिलेज अधिकृतपणे २३ जुलै रोजी सर्व संघांसाठी खुले होणार आहे. तर भारतीय संघ पाच वेगवेगळ्या ठिकाणी मुक्काम करणार आहे.

<ul><li>कॉमनवेल्थ गेम्स इंग्लंडमधील बर्मिंगहॅम येथे २८ जुलै ते ८ ऑगस्ट दरम्यान होणार आहेत. गोल्ड कोस्ट येथे झालेल्या गेल्या राष्ट्रकुल क्रीडा स्पर्धेच्या पदक तालिकेत भारताने ऑस्ट्रेलिया आणि इंग्लंडनंतर तिसरे स्थान पटकावले होते. यावेळी संघाचा प्रयत्न हा कामगिरीत सुधारणा करण्याचा असणार आहे.</li></ul>

Commonwealth Games

Marathi Sports News: Find each and every latest update from the world of sports in Marathi l.Read trending and live news updates on cricket, football, tennis, hockey, IPL and much more on Hindustan Times Marathi. क्रीडा बातम्या HT Marathi