IPL 2023 Final : आयपीएलच्या फायनलमध्ये कोण जाणार? गुजरात की मुंबई?; गावसकरांनी सांगितलं!
GT vs MI IPL Qualifier Match : आयपीएलच्या आजच्या दुसऱ्या सेमीफायनलमध्ये कोण बाजी मारू शकते, याबद्दल सुनील गावसकर यांनी अंदाज वर्तवला आहे.
Sunil Gavaskar on GT vs MI IPL Qualifier Match : आयपीएल २०२३ चा दुसरा क्वालिफायर सामना आज अहमदाबादच्या नरेंद्र मोदी स्टेडियमवर गतविजेता गुजरात टायटन्स आणि मुंबई इंडियन्स यांच्यात होणार आहे. अत्यंत महत्त्वाच्या अशा या सामन्याबाबत क्रिकेटचे धुरिण आपापले अंदाज व्यक्त करत आहेत. भारताचे माजी कसोटीपटू सुनील गावसकर यांनीही आपलं मत मांडलं आहे.
मुंबईविरुद्धच्या आजच्या सामन्यात गुजरात टायटन्सला विजयाची जास्त संधी असल्याचं सुनील गावसकर यांनी म्हटलं आहे. गावसकर यांनी गुजरात टायटन्सला ५१ टक्के आणि मुंबईला ४९ टक्के दिले आहेत. या टक्केवारीत फारसा फरक नसला तरी घरच्या मैदानाचा गुजरातला फायदा मिळू शकतो, असं गावसकर यांना वाटतं. ते एका क्रीडाविषयक वेबसाइटशी बोलत होते.
IPL Final : निकाल काहीही लागो, आयपीएलला यंदा नवा विजेता मिळणार नाही! कारण…
गुजरातचा कर्णधार हार्दिक पंड्या याच्या फलंदाजीबद्दलही गावसकर यांनी मत मांडलं. 'हार्दिकनं तिसऱ्या क्रमांकावर फलंदाजीसाठी जाणं हा पठडीबाहेरचा विचार आहे. याआधीही त्यानं या क्रमांकावर फलंदाजी केली आहे. मागच्या दोन-तीन सामन्यांमध्ये त्याची बॅट चालली नाही, तो बचावात्मक पवित्र्यात दिसत होता, असं गावसकर म्हणाले.
'आरसीबीविरुद्ध विजय शंकर तिसऱ्या क्रमांकावर आला. चेन्नई विरुद्ध देखील त्यांनी असंच करायला हवं होतं. पंड्यानं फिनिशर म्हणून सुरुवात केली. त्यामुळं आधी विजय आणि नंतर हार्दिकनं यायला हवं होतं. तसं झालं असतं तर संघाला फायदा झाला असता, असं मतही गावसकर यांनी व्यक्त केलं.
Akash Madhwal IPL Record : लखनऊ संघाला नॉक आउट 'पंच' देणारा आकाश मधवाल आहे कोण?
'गुजरात संघाची गोलंदाजी तगडी आहे. पर्पल कॅपसाठी त्यांच्या संघातील शमी आणि राशिद खान यांच्यात स्पर्धा आहे. शुभमन गिल सध्या उत्तम फॉर्मात असून ऑरेंज कॅपपासून काही धावा दूर आहे. विजय शंकर आणि इतरही चांगले खेळाडू आहेत, ज्याचा फायदा संघाला होऊ शकतो, असं गावसकर म्हणाले.
विभाग