Virat-Anushka Bodyguard : विराट-अनुष्काच्या बॉडीगार्डला बघितलंय का? पगाराचा आकडा पाहून चक्कर येईल
Virat - Anushka Bodyguard : भारतीय संघाचा माजी कर्णधार विराट कोहली आणि त्याची पत्नी अनुष्का शर्मा यांच्या अंगरक्षकाचा पगार ऐकून कोणालाही धक्का बसेल. त्याला जितका पगार मिळतो तितका पगार काही कंपन्यांच्या सीईओलाही मिळत नाही.
भारतीय सेलिब्रेटी आपल्या सुरक्षेची नेहमीच खूप काळजी घेतात. ते आपल्या सुरक्षेवर मोठा खर्चदेखील करतात. अलीकडेच विराट कोहली आणि अनुष्का शर्माच्या बॉडीगार्ड्च्या पगाराचा मुद्दा समोर आला आहे. बॉलीवूड स्टार अनुष्का शर्माने स्टार क्रिकेटर विराट कोहलीशी लग्न केले होते. अनुष्काचा वैयक्तिक अंगरक्षक प्रकाश सिंग उर्फ सोनू सध्या चर्चेत आहे. सोनू नेहमीच सावलीप्रमाणे अनुष्का शर्माला फॉलो करतो. अनुष्काला संरक्षण देण्यासाठी सोनूला मोठा पगारदेखील मिळतो.
एका वेबसाईटनुसार, प्रकाश सिंह उर्फ सोनूचा वार्षिक पगार सुमारे १.२ कोटी रुपये आहे. याचा अर्थ सोनूचा पगार अनेक कंपन्यांच्या सीईओंच्या सीटीसीपेक्षा जास्त आहे. अनुष्का शर्मा आणि विराट कोहली यांच्यासाठी सोनू त्यांच्या कुटुंबाचा एक भाग आहे. अनुष्का दरवर्षी सोनूचा वाढदिवसदेखील साजरा करते. झिरोच्या सेटवरही सोनूचा वाढदिवस साजर करण्याता आला होता. त्यावेळीदेखील सोनू चर्चेत आला होता.
केवळ अनुष्काच नाही तर सोनू विराट कोहलीलादेखील अनेक वेळा संरक्षण देतो, अनेक वेळा विराटचे सुरक्षा रक्षक नसताना सोनू त्याच्या सोबत दिसला आहे. रिपोर्ट्सनुसार, जेव्हा अभिनेत्री अनुष्का शर्मा आई होणार होती, तेव्हाही सोनूने अनुष्काचे सर्वोत्तम प्रकारे संरक्षण केले.
विराट आणि अनुष्काचे २०१७ मध्ये लग्न
दीर्घकाळ एकमेकांना डेट केल्यानंतर विराट कोहली आणि अनुष्का शर्माने २०१७ मध्ये लग्न केले. २०२१ मध्ये विराट आणि अनुष्काला मुलगी झाली, तिचे नाव वामिका आहे. नुकतेच विराट आणि अनुष्का वृंदावनला गेले होते, त्या ठिकाणी दोघांनी बाबा नीम करौली यांच्या समाधीचेही दर्शन घेतले होते.
संबंधित बातम्या