Olympics 2024 : लक्ष्य सेनचा तुफानी खेळ, दिग्गज खेळाडूचा धुव्वा उडवत थेट प्री-क्वार्टर फायनल गाठली

सिंधूने हा सामना ३४ मिनिटांत संपवला. तर लक्ष्य सेननेही पुरुषांच्या बॅडमिंटन एकेरीच्या गट टप्प्यातील सामन्यात इंडोनेशियाच्या जोनाथन क्रिस्टीचा २ सरळ सेटमध्ये पराभव करून उपउपांत्यपूर्व फेरीसाठी आपले स्थान निश्चित केले आहे.

पीव्ही सिंधूचा तुफानी खेळ

पीव्ही सिंधूने या ग्रुप स्टेज मॅचचा पहिला सेट एस्टोनियन खेळाडू क्रिस्टा कुबाविरुद्ध २१-५ अशा फरकाने जिंकला. या सामन्यात पीव्ही सिंधूने दुसरा सेट २१-१० असा जिंकला आणि सलग दोन सेटमध्ये सामना जिंकून प्री-क्वार्टर फायनलमध्ये आपले स्थान पक्के केले.

याआधी सिंधूने ग्रुप-एममधील पहिल्या सामन्यात मालदीवच्या फातिमा नबाहा अब्दुल रज्जाकचा पराभव केला होता. सिंधूनेही हा सामना २१-९ आणि २१-११ ने जिंकला.

लक्ष्य सेननेही शानदार विजयाची नोंद केली

भारतीय पुरुष बॅडमिंटनपटू लक्ष्य सेनने पॅरिस ऑलिम्पिकमध्ये बॅडमिंटनच्या पुरुष एकेरीच्या फेरीत आपल्या गट सामन्यात चमकदार कामगिरी करत इंडोनेशियाचा सर्वोत्तम खेळाडू जोनाथन क्रिस्टीचा सलग २ सेटमध्ये पराभव केला आणि प्री-क्वार्टर फायनलसाठी आपले स्थान निश्चित केले. पहिल्या सेटच्या सुरुवातीला थोडा पिछाडीवर असलेल्या लक्ष्यने नंतर पुनरागमन करत तो २१-१८ असा जिंकला.

दुसऱ्या सेटमध्ये लक्ष्यने जोनाथनला पुनरागमन करण्याची कोणतीही संधी दिली नाही आणि तो २१-१२ असा जिंकला आणि प्री-क्वार्टर फायनलसाठी आपले स्थान निश्चित केले.