Pro Kabaddi League : बंगाल वॉरियर्स आणि यू-मुंबा यांच्यातील थरार टाय, दोन्ही संघांच्या डिफेंडर्सची दमदार कामगिरी
U Mumba vs Bengal Warriorz Match Tied : प्रो कबड्डी लीग २०२४ मध्ये आजचा बंगाल वॉरियर्स आणि यू मुंबा यांच्यातील सामना टाय झाला. या सामन्यात दोन्ही संघाच्या डिफेंडर्सनी धमाकेदार कामगिरी केली.
प्रो कबड्डी लीग २०२४ मध्ये आज (२६ ऑक्टोबर) बंगाल वॉरियर्स आणि यू मुंबा आमनेसामने होते. दोन्ही संघातील हा थरारक सामना टाय झाला. या सामन्यात दोन्ही संघांकडून उत्कृष्ट डिफेन्स पाहायला मिळाला. ज्यामध्ये यू मुंबाच्या सोमबीरने हाय फाय आणि रिंकूने ३ गुण मिळवले. तर बंगालकडून नितेश कुमारने ४, मयूर कदमने ६ तर फजल अत्राचलीने ३ गुण कमावले.
सामन्याच्या सुरुवातीलाच बंगाल वॉरियर्सने आघाडी घेतली होती. बंगाल वॉरियर्सचा मनिंदर सिंग आणि यू मुंबाच्या मनजीतने गुण मिळवण्यात आघाडी घेतली. रेडर्सनी दमदार सुरुवात करूनही बंगालने पहिल्या १० मिनिटांत केवळ एका गुणाने आघाडी घेतली. घेतली. जसजसा सामना पुढे सरकत गेला तसतशी बंगाल वॉरियर्सने आपली आघाडी मजबूत करण्यास सुरुवात केली.
दोन्ही संघांमध्ये जबरदस्त लढत
यू मुंबाला आमिर मोहम्मद जाफरदानेश यांच्या तगड्या आव्हानाचा सामना करावा लागला. यानंतर मंजीतने रेडिंगमध्ये जबरदस्त कामगिरी केली. त्यामुळे बंगालने मध्यंतराला २०-१३ अशी महत्त्वपूर्ण आघाडी घेतली, ज्यामध्ये मनिंदर सिंगने एकट्याने ७ गुण मिळवले.
बचावपटूंनी उत्तरार्धात चांगली कामगिरी करत बंगाल वॉरियर्सची आघाडी कायम राखली. यानंतर यू मुम्बाने युवा अष्टपैलू शुभम कुमार आणि रोहित राघव यांचा समावेश करून सामन्याचा मार्ग बदलण्याचा प्रयत्न केला.
नितेश कुमार आणि फजल अत्राचली यांनी ताकद दाखवून दिली
नितीश कुमार आणि फझल अत्राचली यांच्यातील समन्वय बंगाल वॉरियर्ससाठी महत्त्वपूर्ण ठरला. दोघांनी यू मुंबाच्या रेडर्सचे प्रयत्न हाणून पाडले. यू मुंबाचा बचाव जरी वाखाणण्याजोगा असला तरी त्यांच्या रेडर्सना बरोबरी साधण्यात अपयश आल्याने संघ मागे पडला.
मात्र, शेवटी यू मुम्बाने बंगालला ऑलआऊट करत स्कोअर २७-२७ अशी बरोबरीत आणला. सोंबीरच्या हाय फाईव्हने यू मुंबाला काही काळ आघाडी मिळवून दिली. पण तरीही रोमहर्षक सामना ३१-३१ असा बरोबरीत सुटला.
संबंधित बातम्या