IPL 2023: शिखर धवनच्या नावावर लाजिरवाण्या विक्रमाची नोंद; गंभीर, रहाणेचाही यादीत समावेश

धर्माशालाच्या हिमाचल प्रदेश येथील क्रिकेट असोसिएशन स्टेडियमवर दिल्लीविरुद्ध खेळण्यात आलेला सामना पंजाबच्या संघासाठी अतिशय महत्त्वाचा होता. दिल्लीने दिलेल्या २१४ धावांचा पाठलाग करताना दुसऱ्या षटकातील पहिल्याच चेंडूवर शिखर धवन गोल्डन डकचा शिकार ठरला. शिखर धवन आयपीएलच्या इतिहासात सर्वाधिक वेळा शून्यावर बाद होणारा दुसरा सलामीवीर ठरला आहे.

आयपीएलमध्ये सलामीवीर पार्थिक पटेल सर्वाधिक ११ वेळा शून्यावर बाद झाला आहे. या यादीत गौतम गंभीर आणि अजिंक्य रहाणे यांच्याही नावाचा समावेश आहे. हे दोघेही १०-१० वेळा शून्यावर बाद झाले. या यादीत धवनचाही एन्ट्री झाली. धवनही सलामीवीर म्हणून १० वेळा शून्यावर बाद झाला आहे.

Shubman Gill: शुभमन गिलने सचिन तेंडुलकरचा विक्रम मोडला, अशी कामगिरी करणारा पहिलाच

आयपीएल 2023 च्या ६४व्या सामन्यात दिल्ली कॅपिटल्सने पंजाब किंग्जचा १७ धावांनी पराभव केला. १७ मे (बुधवार) रोजी धरमशाला येथे झालेल्या सामन्यात दिल्लीने पंजाबला विजयासाठी २१४ धावांचे लक्ष्य दिले होते, परंतु लाख प्रयत्न करूनही ते लक्ष्य गाठू शकले नाही. पंजाब किंग्जसाठी लियाम लिव्हिंगस्टोनने ४८ चेंडूत ९४ धावांची संस्मरणीय खेळी खेळली. यादरम्यान लिव्हिंगस्टोनने ९ षटकार आणि ५ चौकार लगावले.