India Medal Tally : मनू भाकर-सरबजोतमुळे भारताची पदकतालिकेत मोठी झेप, नंबर वन कोण? जाणून घ्या ताजे अपडेट्स

याआधी रविवारी मनू भाकरने महिलांच्या १० मीटर एअर पिस्तूलमध्ये कांस्यपदक जिंकले होते. मनू भाकर ऑलिम्पिकमधील १० मीटर एअर पिस्तूलमध्ये कांस्यपदक जिंकणारी पहिली भारतीय महिला ठरली. याशिवाय एकाच ऑलिम्पिकमध्ये २ पदके जिंकणारी ती पहिली भारतीय ठरली आहे.

मात्र, आता भारत २ कांस्य पदकांसह पदकतालिकेत २५ व्या स्थानावर पोहोचला आहे. त्याचबरोबर जपान ६ सुवर्ण आणि २ रौप्य आणि ४ कांस्य पदकांसह अव्वल स्थानावर आहे. यानंतर फ्रान्स ५ सुवर्ण, ८ रौप्य आणि ३ कांस्य पदकांसह दुसऱ्या स्थानावर आहे.

जपान आणि फ्रान्सनंतर चीन तिसऱ्या क्रमांकावर आहे. आतापर्यंत चीनच्या खेळाडूंनी ५ सुवर्ण, ५ रौप्य आणि २ कांस्य पदके जिंकली आहेत. त्याचबरोबर या यादीत ऑस्ट्रेलिया चौथ्या क्रमांकावर आहे. ऑस्ट्रेलियन खेळाडूंनी ५ सुवर्ण व्यतिरिक्त ४ रौप्य पदके जिंकली आहेत.

यानंतर दक्षिण कोरिया सहाव्या स्थानावर आहे. दक्षिण कोरियाने ५ सुवर्ण, ३ रौप्य आणि १ कांस्यपदक जिंकले आहे. अमेरिकन खेळाडूंनी ३ सुवर्ण, ८ रौप्य आणि ८ कांस्य पदके जिंकली आहेत. पदकतालिकेत अमेरिका सातव्या स्थानावर आहे.

त्याचबरोबर ग्रेट ब्रिटन सातव्या स्थानावर आहे. आतापर्यंत ग्रेट ब्रिटनच्या खेळाडूंनी २ सुवर्ण व्यतिरिक्त ५ रौप्य आणि ३ कांस्य पदके जिंकली आहेत. तर इटली २ सुवर्ण, ३ रौप्य आणि ३ कांस्य पदकांसह आठव्या स्थानावर आहे. कॅनडा पदकतालिकेत नवव्या स्थानावर आहे. कॅनडाच्या खेळाडूंनी 2 सुवर्ण, 1 रौप्य आणि ३ कांस्य पदके जिंकली आहेत. हाँगकाँग २ सुवर्ण आणि १ कांस्य पदकांसह दहाव्या स्थानावर आहे.s