Manu Bhaker : मनू भाकरच्या पिस्तुलाची किंमत एक कोटी? शूटिंग क्वीनने स्वत: केला खुलासा

२२ वर्षीय मनु भाकरने क्रीडा विश्वात आपली छाप सोडली असून भारताच्या ऑलिम्पिक पदकांची संख्याही वाढवली.

तथापि, त्याच्या खेळापेक्षा, अलीकडच्या काळात आणखी एक गोष्ट चर्चेत आली आहे, ती म्हणजे तिच्या पिस्तुलाची किंमत. सोशल मीडिया आणि काही रिपोर्ट्समध्ये मनूच्या पिस्तुलाची किंमत १ कोटींहून अधिक असल्याचा दावा करण्यात आला होता. या अफवा पसरल्यानंतर क्रीडाप्रेमींमध्ये जोरदार चर्चा झाली.

या विषयावरील वाढत्या अफवा पाहून मनू भाकरने नुकतेच स्पोर्ट्स नेक्स्टला दिलेल्या मुलाखतीत या विषयावर खुलेपणाने भाष्य केले. तिने अगदी सहज सांगितले की तिच्या पिस्तुलाची किंमत कोटीत नाही तर लाखात आहे.

मनू भाकर हसत हसत म्हणाली, की “कोटी? नाही, ही एकवेळची गुंतवणूक आहे ज्याची किंमत १.५ लाख ते १.८५ लाख रुपये आहे. पिस्तूलच्या मॉडेलप्रमाणेच म्हणजे, ती नवीन किंवा जुनी यावर तसेच, अनेक घटकांवर किंमत अवलंबून असते. ”

मनू भाकरने असेही सांगितले की, जेव्हा खेळाडू आंतरराष्ट्रीय स्तरावर ओळखले जातात तेव्हा कंपन्या अनेकदा त्यांना मोफत पिस्तूल पुरवतात. या अफवांना पूर्णविराम देताना ती म्हणाली की, पिस्तूल हे नक्कीच महत्त्वाचे उपकरण आहे, परंतु त्याची किंमत करोडोंमध्ये असल्याचा दावा पूर्णपणे खोटा आहे.

पॅरिस ऑलिम्पिकमधील विजय ऐतिहासिक

मनू भाकरचा विजय भारतासाठी खास होता, कारण तिनेच भारताला पॅरिस ऑलिम्पिक २०२४ मध्ये पहिले पदक मिळवून दिले होते. हरियाणातील झज्जर येथील मनू भाकर ही ऑलिम्पिकमध्ये पदक जिंकणारी पहिली भारतीय महिला नेमबाज ठरली. पात्रता फेरीत ५८० गुणांसह तिसरे स्थान मिळवले आणि अंतिम फेरीत २२१.७ गुण मिळवून कांस्यपदक जिंकले.