Corona in Paris Olympics : पॅरिस ऑलिम्पिकमध्ये कोरोनाची एन्ट्री, जलतरणात पदक जिंकणारा खेळाडू पॉझिटिव्ह

अमेरिकेच्या निक फिंकसह तो पत्रकार परिषदेलाही उपस्थित होता. पदकाच्या सामन्यात तो सुवर्ण जिंकणाऱ्या इटलीच्या निकोलो मार्टिनेंगीच्या संपर्कात आला.

प्रकृती ठीक नसतानाही त्याने फायनल गाठली

ब्रिटीश जलतरण अधिकाऱ्यांनी दिलेल्या माहितीनुसार, रविवारपासून (२८ जुलै) ॲडम पीटीची तब्येत ठीक नव्हती. मात्र त्यानंतरही तो अंतिम सामन्यात सहभागी होण्यासाठी आला होता. तो इतर खेळाडूंसोबत गप्पा मारतानाही दिसला. अंतिम फेरीनंतर त्याची प्रकृती खालावली आणि सोमवारी सकाळी त्यांची कोरोना चाचणी पॉझिटिव्ह आली.

अमेरिकेच्या जलतरण संघाच्या वतीने ते म्हणाले की, तो आवश्यक ती खबरदारी घेत आहेत. तथापि, फिंकची चाचणी झाली की नाही हे सांगण्यात आलेले नाही.

पॅरिस ऑलिम्पिकमध्ये कोणतेही COVID-19 नियम नाहीत. २०२१ च्या टोकियो ऑलिम्पिकमध्ये कोरोनाचे नियम खूप कडक होते. सर्व इव्हेंट चाहत्यांशिवाय पार पडले.

ब्रिटीश अधिकाऱ्यांनी सांगितले की त्यांना आशा आहे की ॲडम पीटी आठवड्याच्या शेवटी इतर इव्हेंट्समध्ये भाग घेण्यासाठी वेळेत बरा होईल. ॲडम पीटीने टोकियोमध्ये ३ सुवर्णांसह ४ पदके जिंकली होती.

फायनलच्या दुसऱ्या दिवशी कोरोना टेस्ट झाली

१०० मीटर ब्रेस्टस्ट्रोक फायनलनंतर अमेरिकन रौप्यपदक विजेता निक फिंक आणि सुवर्णपदक विजेता निकोलो मार्टिनेंगी यांच्यासमवेत पत्रकार परिषदेत उपस्थित राहिल्यानंतर ॲडम पीटीची कोरोना व्हायरस चाचणी पॉझिटिव्ह आल्याची घोषणा झाली.

पीटीने रविवारी रात्री पोडियमवर मार्टिनेंगी आणि फिंक यांना मिठीही मारली होती. "फायनलनंतर ॲडम पीटीची प्रकृती बिघडली," असे ब्रिटनने सोमवारी दुपारी जारी केलेल्या निवेदनात म्हटले आहे. सोमवारी सकाळी त्याची कोविड-19 चाचणी करण्यात आली. त्यावेळी त्याची टेस्ट पॉझिटिव्ह आली.