IND VS NZ: भारत दौऱ्यासाठी न्यूझीलंडचा संघ जाहीर; विल्यमसन कॅप्टन नसणार, ‘या’ दिवशी पहिला सामना

New Zealand T20 team For India Series : भारताविरुद्धच्या ३ टी-20 सामन्यांच्या मालिकेसाठी न्यूझीलंडने आपला संघ जाहीर केला आहे. १५ सदस्यीय संघात कर्णधार केन विल्यमसन आणि अनुभवी वेगवान गोलंदाज टीम साऊथी यांचा समावेश नाही. न्यूझीलंड क्रिकेट बोर्डाने (NZC) दोन्ही खेळाडूंना विश्रांती देण्याचा निर्णय घेतला आहे. केन विल्यमसन आणि टीम साऊदी यांच्या अनुपस्थितीत संघाचे कर्णधारपद मिचेल सँटनरकडे सोपवण्यात आले आहे.

पाकिस्तानविरुद्धच्या दुसऱ्या एकदिवसीय सामन्यात मिचेल सँटनरने अप्रतिम खेळ दाखवला होता. २७ जानेवारीपासून ३ टी-20 सामन्यांच्या मालिकेला सुरुवात होणार आहे.

या मालिकेसाठी डावखुरा मध्यमगती गोलंदाज बेन लिस्टर आणि हेन्री शिपली यांची संघात निवड करण्यात आली आहे. त्याचवेळी फिरकी अष्टपैलू मायकेल रिप्पनलाही संघात स्थान मिळाले आहे. रिप्पनने गेल्या वर्षीच्या युरोपियन दौऱ्यावर स्कॉटलंडविरुद्ध पदार्पण केले होते, त्यानंतर तो संघाबाहेर होता.

तर काइल जेमिसन, मॅट हेन्री, अॅडम मिल्ने आणि बेन सियर्स हे दुखापतीमुळे टी-20 मालिकेत निवडीसाठी उपलब्ध नव्हते.

भारताविरुद्धच्या T20I मालिकेसाठी न्यूझीलंड संघ:

मिचेल सँटनर (कर्णधार), फिन ऍलन, मायकेल ब्रेसवेल, मार्क चॅपमन, डेन क्लीव्हर, डेव्हन कॉनवे, जेकब डफी, लॉकी फर्ग्युसन, बेन लिस्टर, डॅरिल मिशेल, ग्लेन फिलिप्स, मायकेल रिपन, हेन्री शिपले , ईश सोधी , ब्लेअर टिकनर.

भारत-न्यूझीलंड मालिका (संपूर्ण वेळापत्रक):

वनडे मालिका

पहिला एकदिवसीय - १८ जानेवारी, हैदराबाद

दुसरी वनडे - २१ जानेवारी, रायपूर

तिसरी एकदिवसीय - २४ जानेवारी, इंदूर

टी-२० मालिका

पहिला T20 - २७ जानेवारी, रांची

दुसरा T20 - २९ जानेवारी, लखनौ

तिसरा T20 - १ फेब्रुवारी, अहमदाबाद