Neeraj Chopra Net Worth : पानिपतमध्ये आलिशान घर, महिन्याला लाखोंची कमाई! पदकवीर नीरज चोप्रा किती कोटींचा मालक?

नीरज चोप्रा भारतात आणि जगभरात खूप प्रसिद्ध आहे. एखाद्या क्रिकेटपटू व्यतिरिक्त भारतात सर्वात लोकप्रिय खेळाडू म्हणून नीरज चोप्राकडे पाहिले जाते.

नीरज चोप्रा हा हरियाणाच्या पानिपत शहरातील खांद्रा गावचा रहिवासी आहे. नीरजचा जन्म २४ डिसेंबर १९९७ रोजी झाला. नीरज लहानपणी लठ्ठपणामुळे त्रस्त होता, त्यामुळे तो काकांसोबत स्टेडियममध्ये धावायला जायचा. यावेळी नीरज चोप्राने भालाफेकचा खेळ पाहिला आणि तो त्याच्या प्रेमात पडला.

आता तो भारताचा स्टार भाला फेकपटू बनला आहे आणि जगभरातील लोक त्याचे चाहते बनले आहेत.

नीरज चोप्रा आलिशान घरात राहतो

नीरज चोप्राचे हरियाणातील पानिपतमध्ये तीन मजली आलिशान घर आहे. पॅरिस ऑलिम्पिकमध्ये भारताला रौप्य पदक मिळवून देणाऱ्या नीरज चोप्राची एकूण संपत्ती किंमत कोटींच्या घरात आहे.

नीरज चोप्राची एकूण संपत्ती किती?

मिळालेल्या माहितीनुसार, २०२४ मध्ये नीरजची एकूण संपत्ती ३८ कोटी रुपये आहे. नीरज त्याच्या कमाईचा बहुतांश भाग जाहिरातींमधून कमावतो. नीरज अनेक मोठ्या कंपन्यांच्या जाहिराती करतो. जाहिरातींमधून कमाई करण्याच्या बाबतीत नीरज हा भारतातील अव्वल खेळाडूंपैकी एक आहे.

सोबतच नीरजला वर्षाला सुमारे ४ कोटी रुपये म्हणजे महिन्याला सुमारे ३० लाख रुपये पगार मिळतो.

२०२१ च्या टोकियो ऑलिम्पिकमध्ये सुवर्णपदक जिंकल्यानंतर नीरज चोप्राला विविध रोख पुरस्कार मिळाले. हरियाणा सरकारने नीरजला दिलेली सर्वाधिक रक्कम ६ कोटी रुपये होती. याशिवाय भारतीय रेल्वेने नीरजला ३ कोटी रुपये, पंजाब सरकारने २ कोटी रुपये, बायजूने २ कोटी रुपये, बीसीसीआयने १ कोटी रुपये आणि चेन्नई सुपर किंग्सने १ कोटी रुपये दिले होते.