MS Dhoni Video: धोनीचा साधेपणा! माहीची छोटीशी कृती लोकांच्या मनात घर करून गेली

टीम इंडियाचा माजी कर्णधार एमएस धोनीने आंतरराष्ट्रीय क्रिकेटमधून निवृत्ती घेऊन बराच काळ लोटला असला तरी त्याची फॅन फॉलोइंग अजूनही कायम आहे. धोनी हा अतिशय साधेपणाने राहतो. तसेच, ग्लॅमरच्या दुनियेपासून कोसो दूर असतो. तर फावल्या वेळेत त्याला त्याच्या कुटुंबासोबत आणि मित्रांसोबत वेळ घालवायला आवडते.

मात्र, अशातच धोनीचा एक मन जिंकणार व्हिडीओ सध्या सोशल मीडियावर व्हायरल झाला आहे. ज्यामध्ये माहीने विमानतळावरील आपल्या सभ्य वर्तनाने लाखो लोकांची मने जिंकले आहेत.

महेंद्रसिंग धोनी रविवारी रांचीच्या बिरसा मुंडा विमानतळावरून चेन्नईला रवाना होत होता. यावेळी तो विमानतळावर चाहते आणि कर्मचाऱ्यांशी संवाद साधताना दिसला. धोनीने विमानतळावरील अधिकाऱ्यांसोबत हस्तांदोलनही केले. यादरम्यान एक महिला पोलीस धोनीसोबत पायरीवर चालताना दिसत आहे. त्याचवेळी धोनी महिला पोलिसाशी बोलतानाही दिसत आहे.व्हिडीओमध्ये धोनीचा बेस्ट फ्रेंड चीतू देखील दिसत आहे. धोनीचा हा व्हिडिओ आता ट्विटरवर व्हायरल झाला आहे. धोनीच्या या सरळ आणि साध्या स्वभावाचे चाहते कौतुक करत आहेत.

महेंद्रसिंग धोनी ४४ व्या बुद्धिबळ ऑलिम्पियाडच्या समारोप समारंभाला प्रमुख पाहुणा म्हणून उपस्थित राहिला. तसेच, धोनीचा आणि चेन्नईचा संबंध ही काही नवीन गोष्ट नाही. २००८ मध्ये तो चेन्नई सुपर किंग्ज फ्रँचायझीचा कर्णधार बनला आणि तेव्हापासून त्याने चेन्नईचा कर्णधार म्हणून ४ आयपीएल विजेतेपदे जिंकली आहेत.