Dhoni Birthday : ICC ट्रॉफी सोडा, ते सर्वांना ठावूक आहे, धोनीचे हे रेकॉर्ड्स तुम्हाला माहीत आहेत का?

टीम इंडियाचा कॅप्टन कुल महेंद्रसिंह धोनी (७ जुलै) ४२ वा वाढदिवस साजरा करणार आहे. भारताच्या सर्वात यशस्वी कर्णधारांपैकी एक धोनी आता आंतरराष्ट्रीय क्रिकेटमध्ये सक्रिय नाही. मात्र, त्याची लोकप्रियता ही किंचितही कमी झालेली नाही. त्याने २०२० मध्ये आंतरराष्ट्रीय क्रिकेटला अलविदा केला होता.

धोनीची गणना केवळ भारतातीलच नव्हे तर जगातील सर्वोत्तम कर्णधारांमध्ये केली जाते, धोनीने भारतीय संघाला दोन विश्वचषक आणि एक चॅम्पियन्स ट्रॉफी जिंकून दिली आहे. सोबतच, इंडियन प्रीमियर लीगमध्येही धोनीच्या नावावर कर्णधार म्हणून ५ ट्रॉफी आहेत, चॅम्पियन्स लीग देखील त्याच्याच नेतृत्वाखाली चेन्नई सुपर किंग्सने जिंकली होती.

MS Dhoni Birthday : धोनीनं स्किलच्या जोरावर जग जिंकलं, क्रिकेटच्या मैदानावर बुद्धीबळ खेळून जगाला वेड लावलं

मात्र, हे सर्वांनाच माहीत आहे, धोनीच्या नावावर असेही अनेक रेकॉर्ड्स आहेत, जे त्याच्या कट्टर चाहत्यांनाही माहीत नाहीत. तशाच काही विक्रमांवर आपण नजर टाकणार आहोत.

धोनीचे हे रेकॉर्ड तुम्हाला माहीत आहेत का?

धोनी हा आंतरराष्ट्रीय पदार्पण केल्यानंतर सर्वात कमी डाव खेळून आयसीसी क्रमवारीत पहिला क्रमांक मिळवणारा फलंदाज ठरला होता. त्याने त्याच्या सुरुवातीच्या अवघ्या ३८ डावानंतरच एकदिवसीय क्रमवारीत पहिला नंबर मिळवला होता. विशेष म्हणजे, धोनी २००६ ते २०१५ या कालावधीत सलगपणे एकदिवसीय क्रमवारीत टॉप-१० मध्ये होता.

धोनीने कर्णधार म्हणून १९९ एकदिवसीय सामन्यांमध्ये भारताचे प्रतिनिधित्व केले आहे. या दरम्यान भारतीय संघाने ११० सामने जिंकले आहेत तर ७४ सामन्यांमध्ये भारताचा पराभव झाला आहे. त्याच्या कॅप्टन्सीमध्ये भारतीय संघाच्या विजयाची टक्केवारी ही ५५.२७ इतकी आहे.

नाद करा पण, धोनीच्या चाहत्यांचा कुठं, बर्थडेच्या एक दिवसआधी धोनी फॅन्सनी हे काय केलं? पाहा

तसेच, धोनीने ६० कसोटी सामन्यात भारताचे नेतृत्व केले आहे. यामध्ये भारताने २७ विजय तर १८ पराभव पत्करले आहेत. कसोटीतील विजयाची टक्केवारी ही ४५ टक्के राहिली आहे.

तर धोनीने ७२ टी-२० सामन्यांमध्ये भारताचे कर्णधार पद भुषवले आहे. यात भारताने ४१ विजय मिळवले आहेत तर २८ वेळा संघ पराभूत झाला आहे. टी-२० मध्ये धोनीच्या नेतृत्वात भारतीय संघाच्या विजयाची टक्केवारी ही ५९.२८ इतकी आहे.

धोनीचे वनडे करिअर-

धोनीने ३५० दिवसीय क्रिकेट सामने खेळले आहेत. त्याने १० हजार ७७३ धावा ठोकल्या आहेत. यात १० शतके आणि ७३ अर्धशतकांचा समावेश आहे. तसेच, धोनी यादरम्यान ८२६ चौकार तर २२९ षटकारही ठोकले आहेत. सोबतच विकेटकीपर म्हणून त्याने ३२१ झेल आणि १२३ फलंदाजांना यष्टीचीत केले आहे.

धोनीचे टेस्ट क्रिकेट-

धोनी ९० कसोटी सामने खेळले आहेत, त्यात त्याने ४८७६ धावा केल्या आहेत. त्याची सर्वोच्च धावसंख्या २२४ आहे. कसोटीत धोनीने ६ शतके तर ३३ अर्धशतके ठोकली आहेत. तसेच, विकेटकीपर म्हणून २५६ कॅच आणि ३८ यष्टीचीत केले आहेत.

धोनीचे टी-20 क्रिकेट करिअर-

धोनीने ९८ टी-२० आंतरराष्ट्रीय सामने खेळले आहेत. यात त्याने १६१७ धावा केल्या आहेत, त्याची सर्वोच्च धावसंख्या ५६ इतकी आहे. या दरम्यान माहीने ११६ चौकार आणि ५२ षटकार ठोकले आहेत. तर विकेटकिपींगमध्ये ५७ झेल आणि ३४ यष्टिचीत केले आहेत.

धोनीचे आयपीएल करिअर

आयपीएल कारकिर्दीत आतापर्यंत २५० सामने खेळले आहेत. या सामन्यांच्या २१८ डावांमध्ये फलंदाजी करताना त्याने ५०८२ धावा केल्या आहेत. यादरम्यान त्याने २४ अर्धशतके झळकावली आहेत.