Michael Bracewell Century : ब्रेसवेवलंच ५७ चेंडूत शतक, भारत-न्यूझीलंड सामना रोमहर्षक स्थितीत

India Vs New Zealand 1st ODI Match : हैदराबादमध्ये खेळल्या जात असलेल्या पहिल्या एकदिवसीय सामन्यात भारताने न्यूझीलंडला ३५० धावांचे लक्ष्य दिले आहे. टीम इंडियाने ५० षटकांत आठ विकेट गमावत ३४९ धावा केल्या. भारताकडून शुभमन गिलने सर्वाधिक २०८ धावांची खेळी खेळली.

३५० धावांचा पाठलाग करताना न्यूझीलंडचा ऑलराऊंडर मिचेल ब्रेसवेलने वादळी शतक ठोकले आहे. त्याने अवघ्या ५७ चेंडूत शतक ठोकले आहे. ब्रेसवेल सातव्या क्रमांकावर फलंदाजीस आला आहे. तो आतापर्यंत ५७ चेंडूत १०२ धावा करून खेळत आहे.

हे वृत्त लिहिपर्यंत न्यूझीलंडच्या ४२.३ षटकात ६ बाद २६८ धावा झाल्या आहेत. त्यांना विजयासाठी आणखी ४५ चेंडूत ८२ धावांची आवश्यकता आहे. ब्रेसवेल आणि सॅंटनर (३८) धावावंर खेळत आहेत. दोघांमध्ये ७व्या विकेटसाठी ८६ चेंडूत १४५ धावांची भागिदारी झाली आहे.

न्यूझीलंडसाठी वनडेत सर्वात जलद शतक करणारे फलंदाज

तत्पूर्वी, ३५० धावांचा पाठलाग करताना न्यूझीलंडची सुरुवात चांगली झाली नाही. २८ धावांच्या स्कोअरवर न्यूझीलंडची पहिली विकेट पडली. डेव्हन कॉनवे १६ चेंडूत १० धावा करून बाद झाला. त्यानंतर त्यांचे ठराविक अंतराने विकेट पडले.

न्यूझीलंडचा सहावा विकेट २९व्या षटकात पडला. कर्णधार टॉम लॅथम ४६ चेंडूत २४ धावा करून बाद झाला. त्याला मोहम्मद सिराजने तंबूत पाठवले. लॅथमने तीन चौकार मारले. यानंतर सॅंटनर आणि ब्रेसवेल यांनी डावाची सुत्रे हाती घेतली. दोघांनी शतकी भागिदारी रचली.