१५ वर्षांच्या नेमबाजानं ऑलिम्पिक पदक जिंकणाऱ्या सरबज्योत सिंगला हरवलं, सुवर्ण पदकावर कोरलं नाव
मराठी बातम्या  /  क्रीडा  /  १५ वर्षांच्या नेमबाजानं ऑलिम्पिक पदक जिंकणाऱ्या सरबज्योत सिंगला हरवलं, सुवर्ण पदकावर कोरलं नाव

१५ वर्षांच्या नेमबाजानं ऑलिम्पिक पदक जिंकणाऱ्या सरबज्योत सिंगला हरवलं, सुवर्ण पदकावर कोरलं नाव

Feb 04, 2025 11:10 AM IST

Jonathan Antony : ऑलिम्पिक पदक जिंकणाऱ्या सरबज्योत सिंग याचा उत्तराखंडमध्ये सुरू असलेल्या राष्ट्रीय क्रीडा स्पर्धेत पराभव झाला आहे. सरबज्योत सिंगला १५ वर्षीय नेमबाजाने सुवर्णपदकाच्या लढतीत पराभूत केले.

१५ वर्षांच्या नेमबाजानं ऑलिम्पिक पदक जिंकणाऱ्या सरबज्योत सिंगला हरवलं, सुवर्ण पदकावर कोरलं नाव
१५ वर्षांच्या नेमबाजानं ऑलिम्पिक पदक जिंकणाऱ्या सरबज्योत सिंगला हरवलं, सुवर्ण पदकावर कोरलं नाव

उत्तराखंडमध्ये सुरू असलेल्या ३८व्या राष्ट्रीय खेळांमध्ये १५ वर्षीय नेमबाज जोनाथन अँथनी याने  खळबळ उडवून दिली आहे. कर्नाटकच्या जोनाथन अँथनीने १० मीटर एअर पिस्तूल प्रकारात भारताचा ऑलिम्पियन सरबज्योत सिंग आणि राष्ट्रीय विक्रम धारक नेमबाज सौरभ चौधरी यांचा पराभव करून राष्ट्रीय क्रीडा स्पर्धेत मोठा कारनामा केला आहे.

सरबोजत सिंगने पॅरिस ऑलिम्पिकमध्ये मनू भाकरसोबत मिळून १० मीटर एअर पिस्तूल स्पर्धेत मिश्र दुहेरीत भारताला कांस्यपदक जिंकून दिले होते.

मात्र, ऑलिम्पिक हिरो सरबजोतला राष्ट्रीय क्रीडा स्पर्धेत १५ वर्षीय जोनाथनविरुद्ध टिकाव धरता आला नाही. अशाप्रकारे सुवर्णपदक जिंकून जोनाथनने चमत्कार केला. जोनाथनने १० मीटर एअर पिस्तूल प्रकाराच्या अंतिम फेरीत २४०.७ गुणांसह सुवर्णपदक जिंकले.

जोनाथननंतर रवींद्र सिंगने २४०.३ गुणांसह रौप्यपदक जिंकले तर गुरप्रीत सिंगने २२०.१ गुणांसह कांस्यपदक पटकावले.

सरबज्योत सिंग हा भारताचा उदयोन्मुख नेमबाज आहे. अर्थात, राष्ट्रीय क्रीडा स्पर्धेत १० मीटर एअर पिस्तूल स्पर्धेत त्याला पदक जिंकता आले नाही, परंतु त्याने पदार्पणाच्या ऑलिम्पिकमध्ये भारतासाठी दमदार कामगिरी केली होती.

सरबज्योत सिंगने पॅरिस ऑलिम्पिकमध्ये मिश्र दुहेरी स्पर्धेत शानदार कामगिरी करून भारताची मान उंचावली होती. अशा स्थितीत सरबज्योत सिंग आगामी स्पर्धांमध्ये अनेक पदके मिळवेल, अशी अपेक्षा आहे.

जोनाथन अँथनी हा भविष्यातील स्टार

जोनाथन अँथनी वयाच्या ८ व्या वर्षापासून शूटिंग करत आहेत. २०२२ मध्ये सीबीएसई दक्षिण विभागाकडून खेळताना रायफल नेमबाजीत सुवर्णपदक जिंकल्यावर जोनाथन पहिल्यांदा प्रकाशझोतात आला होता. त्यावेळी जोनाथन आठवीच्या वर्गात होता.

सीबीएसई दक्षिण विभागासाठी सुवर्णपदक मिळवल्यानंतर, जोनाथनने आता राष्ट्रीय खेळांमध्ये आपली क्षमता सिद्ध केली आहे. अशा परिस्थितीत तो भारतासाठी भविष्यातील स्टार मानला जात आहे.

Whats_app_banner

संबंधित बातम्या

विभाग