Viral Video : व्हिलचेयर टेनिसचं जेतेपद पटकावल्यानंतर खेळाडूनं 'असा' जल्लोष केला, व्हिडीओ तुम्हाला रडवेल!
paralympics 2024 : टोकिटो ओडाच्या सेलिब्रेशनचा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स कमेंट करून आपला फीडबॅक देत आहेत.
जपानच्या टोकिटो ओडा (Tokito Oda) याने पॅरिस पॅरालिम्पिकमध्ये इतिहास रचला आहे. टोकिटो ओडा याने पुरुष एकेरी व्हीलचेअर टेनिसमध्ये सुवर्णपदक पटकावले आहे. मात्र यानंतर टोकिटो ओडा ज्या पद्धतीने साजरा केला तो सोशल मीडियावर व्हायरल होत आहे. टोकिटो ओडाचा सेलिब्रेशन पाहून चाहत्यांना अश्रू आवरता आले नाहीत.
आता टोकिटो ओडाच्या सेलिब्रेशनचा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स कमेंट करून आपला फीडबॅक देत आहेत.
त्याचवेळी पॅरिस पॅरालिम्पिकच्या पदकतालिकेबद्दल बोलायचे झाले तर चीनचा दबदबा कायम आहे. पदकतालिकेत चीन पहिल्या क्रमांकावर कायम आहे. चीन ९४ सुवर्ण, ७३ रौप्य आणि ४९ कांस्य पदकांसह अव्वल स्थानावर आहे. अशा प्रकारे चीनने आतापर्यंत २१६ पदके जिंकली आहेत.
तर भारत ७ सुवर्ण, ९ रौप्य आणि १३ कांस्य पदकांसह १६ व्या स्थानावर आहे. आतापर्यंत भारतीय खेळाडूंनी २९ पदके जिंकली आहेत. सध्या चीन व्यतिरिक्त टॉप-५ देशांच्या यादीत ग्रेट ब्रिटन, युनायटेड स्टेट्स ऑफ अमेरिका, नेदरलँड आणि इटली यांचा समावेश आहे.
ग्रेट ब्रिटनने ४७ सुवर्ण, ४२ रौप्य पदके आणि ३१ कांस्य पदके जिंकली आहेत. अशा प्रकारे ग्रेट ब्रिटनने १२० पदके जिंकली आहेत. यानंतर अमेरिका तिसऱ्या क्रमांकावर आहे. आतापर्यंत अमेरिकेच्या खेळाडूंनी ३६ सुवर्ण पदके, ४१ रौप्य पदके आणि २५ कांस्य पदके जिंकली आहेत. आतापर्यंत, अमेरिकेच्या खेळाडूंनी १०२ पदके जिंकली आहेत.
तर नेदरलँड चौथ्या स्थानावर आहे. २६ सुवर्ण पदकांसह नेदरलँड्सने १७ रौप्य आणि १२ कांस्य पदके जिंकली आहेत. तर पाचव्या क्रमांकावर असलेल्या इटलीने २४ सुवर्ण पदकांसह १५ रौप्य पदके आणि ३२ कांस्य पदके जिंकली आहेत.
