आयपीएल 2023 गुणतालिका

यंदाच्या आयपीएलमध्ये (IPL 2023) मध्ये १० संघ एकमेकांना भिडणार आहेत. या १० संघांमध्ये एकूण ७० लीग सामने खेळवले जातील. हे सामने ५२ दिवस १२ वेगवेगळ्या ठिकाणी होणार आहेत. या स्पर्धेतील १० संघांपैकी गुणतालिकेतील अव्वल ४ संघ प्लेऑफमध्ये जातील. पहिल्या दोन क्रमांकाचे संघ पहिल्या क्वालिफायरमध्ये प्रवेश करतील. तर तिसऱ्या आणि चौथ्या क्रमांकाचे संघ एलिमिनेटरमध्ये आमने सामने येतील. त्यानंतर पहिल्या क्वालिफायरमधील पराभूत संघ आणि एलिमिनेटरमधील विजयी संघ दुसऱ्या क्वालिफायरमध्ये एकमेकांना भिडतील. यातील विजेता संघ पहिल्या क्वालिफायरमधील विजेत्या संघासोबत फायनल खेळेल.