World Cup 2023 : टीम इंडियासाठी खूषखबर! विश्वचषकाआधी 'हे' चार दिग्गज खेळाडू फिट

जसप्रीत बुमराह आणि प्रसिद्ध कृष्णा हे दोन वेगवान गोलंदाज आणि केएल राहुल व श्रेयस अय्यर हे दोन फलंदाज दुखापतींमुळे त्रस्त होते. बेंगळुरू येथील राष्ट्रीय क्रिकेट अकादमीत (NCA) त्यांच्या दुखापतींवर उपचार सुरू होते. आता चारही खेळाडूंनी पुन्हा सराव सुरू केल्याचं वृत्त आहे. बुमराह आणि कृष्णा हे आयर्लंडविरुद्धच्या तीन सामन्यांच्या टी-२० मालिकेत खेळणार आहेत. बुमराह तर या मालिकेचं कर्णधारपद भूषवणार आहे.

Asia Cup History : आशिया कपची सुरुवात कशी झाली? भारत-पाकिस्तान एक झाले आणि ICC ची एक हाती सत्ता संपवली

शस्त्रक्रियेनंतर मैदानात परतलेले दोन फलंदाज म्हणजे केएल राहुल आणि श्रेयस अय्यर हे दोघेही आता जवळपास फिट आहेत. दोघांनीही नुकताच एनसीएमधील सराव सामन्यात भाग घेतला.

विश्वचषकासाठी संघ निवडण्याचं मोठं आव्हान निवड समितीसमोर आहे. वेस्ट इंडिजविरुद्धची टी-२० मालिका गमावल्यामुळं निवड समितीला अनेक खेळाडूंबद्दल फेरविचार करावा लागाणार आहे. अशा वेळी चार खेळाडूंनी पुन्हा मैदानात उतरणं हे टीम इंडियासाठी खूप फायद्याचं ठरणार आहे. या चार पैकी तीन खेळाडूंना विश्वचषकासाठी संघात स्थान मिळण्याची दाट शक्यता आहे.

Rishabh Pant Video : ऋषभ पंतने हे काय शेअर केलं?; व्हिडिओ पाहून मन खूश होऊन जाईल!

आशिया कप खेळणार का?

वेस्ट इंडिजविरुद्धच्या पाचव्या टी-२० सामन्यातील पराभवानंतर टीम इंडियाचे प्रशिक्षक राहुल द्रविड यांनी काही संकेत दिले होते. दुखापतग्रस्त असलेले काही खेळाडू आशिया कपमध्ये खेळताना दिसतील, असं ते म्हणाले होते. ते खेळाडू कोण असतील हे निश्चित झालं नसलं तरी जसप्रीत बुमराह, श्रेयस अय्यर आणि केएल राहुल यांना १७-१८ सदस्यीय संघात स्थान मिळू शकतं. केएल राहुल आणि श्रेयस अय्यर हे एनसीए इथं होणाऱ्या आशिया चषकाच्या सराव शिबिरात दिसू शकतात, , असं बोललं जातंय.